璀璨帝國:紐約篇｜身家31億港產富商洪永時奢華生活公開一次掃30架勞斯萊斯過百萬首飾送愛妻

By jack on 10 Feb 2023

Digital Content Writer

Netflix大熱真人騷《璀璨帝國：紐約篇》於上月20日上架，節目主要描述一班居在美國的亞洲富豪，瘋狂離地，紙醉金迷的富貴生活。今季故事以搬到紐約的台灣千金Dorothy Wang為主，同時亦加入了不少港人熟悉的面孔，如來自香港白手起家的時裝造型師Tina Leung，還有港產傳奇富豪Stephen Hung（洪永時），當中洪永時與第四任妻子Deborah的奢華生活亦是本季亮點之一。

Photo from Netflix《璀璨帝國：紐約篇》

送21萬手工晚裝予愛妻出席Party

洪永時與第四任妻子Deborah於首集便一同亮相節目，兩人訴說相識的經過，當時Deborah是一名培訓律師及兼職模特兒，她去香港旅行期間，在一場時裝騷邂逅洪永時，洪永時對Deborah一見鍾情並展開追求，兩年後他們結成夫妻。他們表示要在藝廊舉行一個超現實主義及高級訂製服主題的Party，洪永時隨即送愛妻一件價值26500美元（約20.8萬港元）的手工製粉紅色鴕鳥毛晚裝及一條145卡海藍寶石頸鏈，出手超闊卓，盡顯富豪霸氣。

Photo from Netflix《璀璨帝國：紐約篇》

送90卡彩鑽首飾慶祝結婚10周年

節目第2集，洪永時為慶祝二人結婚10周年，為愛妻準備了神秘驚喜，他帶愛妻去了一間高級珠寶店挑選首飾，當中有翡翠飾物套組，據指一條頸鏈價值比3架勞斯萊斯還要高，估計價錢高達800萬，其後再送了一個90卡彩鑽的藝術品手飾，之後洪永時再為愛妻戴上一隻彩鑽戒指，並在結婚10周年的日子，向愛妻再求婚以表愛意，他直言：「過去10年有你陪伴是我的福氣，你願意跟我再結婚嗎？」Deborah感動落淚，事後她接受節目組訪問，指洪求時有自己一套表達浪漫的方法，平時不會透露太多情緒，但經常送人漂亮有心思的禮物。

Photo from Netflix《璀璨帝國：紐約篇》

洪永時打扮時尚搶眼但背景神秘

洪永時留有一頭紅灰色髮型，經常以花俏形象現身公開活動，並戴上多款金光閃閃的飾物，打扮高調搶眼。不過他的背景卻相當神秘，據悉他1981年在洛杉磯南加州大學畢業，持有工商管理碩士學位，不過網上找不到他的發跡史，有傳是他父親早年在香港投資地產，白手起家成為富豪。有傳洪永時身家多達達31億港元，他曾為「路易十三集團」（現改名為南岸集團）的主席，業務為經營澳門酒店及娛樂，2012年，殼王陳國強旗下的保華建業曾斥資20億元，向洪永時購入澳門路氹金光大道地段，計劃興建六星級酒店和賭場，總投資額達64億元，不過最後未能成事，2018年洪永時更辭去集團主席一職離場。

Photo from 洪永時 IG

一口氣買30架勞斯萊斯破最大筆交易紀錄

洪永時出名是勞斯萊斯的忠實粉絲，2014年，他向勞斯萊斯訂購了30架Bespoke定製的幻影加長版汽車，締造了勞斯萊斯史上最大筆交易記錄，他購入多架幻影汽車，目的是為澳門路易十三酒店組建幻影車隊，用來接送富裕賭客。不過據說2018年洪永時辭去路易十三集團主席職務後，欠下巨債，要將以2,400萬元賣走多架勞斯萊斯套現，相隔多年後他再亮相大眾眼前，生活依舊富足奢華，目前他與老婆Deborah在美國紐約定居。

Photo from 洪永時 IG

Photo from Netflix《璀璨帝國：紐約篇》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

璀璨帝國2｜億萬千金被指靠大肚趕走正印被當場對質好尷尬？正印IG直斥勾佬行為

20 May 2022

富豪真人騷《璀璨帝國2》（Bling Empire 2）最近在Netflix上架，節目揭示一班亞裔名門望族在美國嘅生活，首季播映時已經爆紅。今季亦好有睇頭，當中億萬貴婦Cherie Chan（陳雪蕊）更被指做二奶，靠懷孕逼走正印，最後Cherie更為了避嫌而退出劇組？！

Photo from Netflix

Netflix綜藝《璀璨帝國2》剛在5月13日上架，當中最爆人物莫過於Cherie Chan（陳雪蕊），佢出身自牛仔布世家，身家大約56億港元。節目中佢同Jessey Lee交往4年，育有一子一女，但女方仍未得到名份。在第一季，主動嘅Cherie更在兒子百日宴上公開向Jessey求婚，場面動人。

Photo from Netflix

但係，Cherie卻被爆曾介入Jessey與前妻嘅婚姻，而當時做二奶嘅佢已有伴侶，外界懷疑Cherie靠大肚來趕走正宮，所以對方遲遲未肯結婚。節目中，當一眾富豪得知傳聞都大感震驚，更差點在派對上與Cherie對質，幸好美國女星Paula Abdul及時出現，場面先無咁尷尬。

Photo from Netflix

謠言傳得熱烘烘，Cherie受訪時澄清，男方離婚後才主動接觸自己，隨後展開約會。不過，節目中另一名媛Leah Qin卻有另一說法，指Cherie係經前男友結識Jessey同佢當時嘅妻子Crystal。

Photo from Netflix

Photo from Crystal Hoang IG

有網民搵到Jessey前妻Crystal嘅IG，發現佢數年前曾分享與Cherie合照，更稱對方做姊妹。不過，佢在留言區tag了Cherie與其粉絲帳戶，直指對方當時刻意跟她成為好友，同時暗中勾引Jessey。

Photo from Crystal Hoang IG

Crystal仲留有跟Jessey嘅和2名孩子嘅合照，照片在2015年拍攝，一家四口當時睇落好溫馨。有網民留言問：「佢係咪Jessey？」Crystal都回答「Yes」。

Photo from Crystal Hoang IG

Cherie在去年5月在IG宣布會退出節目。帖文同時附上「no thanks」、「anti bullying」標籤，好有暗示意味。佢同Jessey在同年底終於拉埋天窗。

Photo from Cherie Chan IG

另類日光浴可增強自信？

除了Cherie嘅感情瓜葛，節目裡仲有不少話題情節。例如企業家Kelly Mi Li為了在分手後重拾自信，而聽從兩性專家建議，透過露出臀部來吸收太陽能量。於是，Kelly果真到屋企後院「曬臀部」，畫面令觀眾傻眼。

Photo from Kelly Mi Li IG

Photo from Netflix

Kane Lim

Kane Lim在節目中與Kelly Mi Li一起去看醫美醫生，然後接受針線拉皮治療，目擊過程嘅Kelly面露驚恐，但Kane對整形非常接受，亦好習慣做呢類療程。

Photo from Netflix

此外，Kane同另一Netflix真人騷《日落豪宅 Selling Sunset》成員之一Chrishell Stause有交情，同樣從事房地產嘅兩人，曾在房屋項目上有合作關係。

Photo from Kane Lim FB

Kevin Kreider

韓裔CEO兼模特兒Kevin Kreider身形大隻，形象陽光。在新一季中佢同Kim Lee有曖昧關係，一次約會時，Kevin就坦言，其實自己係一名正在康復中嘅癮君子，仲會定期參與酗酒者匿名會議。

Photo from Kevin Kreider IG

其實，Kevin曾表示以往曾因亞裔身份被欺負，之後透過健身重拾自信，更做過A&F模特兒，贏過健美比賽。佢2014年曾患上斑禿，令模特兒事業受阻。幸好，佢之後在節目裡與Kane Lim一起調整生活習慣，頭髮漸漸生長回來。雖然佢開設了娛樂公司，現時身家超過5億港元，但佢生活節儉，獲得不少觀眾喜愛。

Photo from Netflix

Mimi Morris

今季新成員之一，52歲慈善家Mimi Morris來自越南，年少時遇上戰亂導致家道中落。但憑著超強營商手段，逃難到美國後成功振興家族事業。佢後來與美國富豪Donald E. Morris結婚，育有三名孩子，當中大仔30歲，最細兒子只得8歲。而且，佢更已榮升嫲嫲！雖然已經5字頭，但身材仍非常苗條。富有嘅Mimi亦大愛手袋，更被稱為「擁有最多Hermès嘅女人」。