泰國最大水上樂園勁多嘢玩！超過70個水上滑梯／遊樂設施／兒童專區，仲有得泰式按摩！

By Wing Ws on 15 Feb 2023

Digital Content Writer

去泰國旅行想玩啲刺激嘅娛樂活動？相信水上樂園會係一個唔錯嘅選擇！羅摩衍那水上樂園(Ramayana Water Park)係全泰國最大嘅水上樂園，有21個水上滑梯同埋超過50種遊樂設施，及2個兒童專區，相信一家大細抑或同朋友嚟玩足成日都唔會厭！

Photo from สวนน้ำรามายณะ Ramayana Water Park FB

羅摩衍那水上樂園係東南亞最大嘅主題水上樂園，佔地約18萬平方公尺。位於春武里府嘅羅摩衍那水上樂園距離曼谷市中心約1個半鐘車程，距離芭堤雅市區只需20-25分鐘車程，附近有七珍佛山、銀湖葡萄園等嘅自然景觀包圍。

有21個水上滑梯及超過50個遊樂設施

園內有21個水上滑梯及超過50個遊樂設施，水上設施有唔同程度嘅刺激體驗選擇，如果想玩輕鬆啲嘅設施，可以選擇蛇形滑梯或螺旋滑梯，如果想要啲刺激感，可以玩有4個直滑滑道嘅皮墊滑梯、將人拋至幾乎與地面垂直滑板嘅衝天回旋滑梯、刺激嘅自由落體等，另有兩個並行嘅過山滑梯，係世界最長滑道！

Photo from RamaYana Water Park 網站

Photo from สวนน้ำรามายณะ Ramayana Water Park FB

3個世界上僅此一個滑梯

同時，羅摩衍那水上樂園有3條其他地方玩唔到嘅水上滑道設施，包括可以慵懒漂流嘅入河滑道、多人乘坐令人腎上腺飆升嘅巨蟒滑梯及水蟒滑梯。如果有機會去羅摩衍那水上樂園，記得要試吓！

Photo from RamaYana Water Park 網站

兩個兒童專區

假如有小朋友同行，都唔使擔心會冇嘢玩！樂園有兩個兒童專區，兒童濺浪樂園有噴頭設施，專為低齡兒童設計；而兒童滑道區有滑梯、水上遊戲及攀登區域，專為3-14歲嘅兒童設計。除咗喺泳池遊玩，小朋友都可以玩一啲陸上設施，例如洞穴或迷宮。

Photo from RamaYana Water Park 網站

陸上設施

羅摩衍那水上樂園同時有唔少陸上設施，例如水上市場、沙地運動場、瀑布等，喺附近仲可以偶遇大象！加上樂園附近就係有綠植青山嘅自然環境，玩攰咗行吓都會非常舒暢！

Photo from สวนน้ำรามายณะ Ramayana Water Park FB

其他設施

樂園有一個可以提供近100種世界各地美食嘅餐廳，仲有一個兒童專屬餐廳，仲有可以提供咖啡、雪糕、雞尾酒嘅酒吧。園內有近40個私人茅屋可供租用，可以同屋企人、朋友休息，亦有泰式按摩服務，十足一個度假村咁！

Photo from Ramayana water park YouTube

RamaYana Water Park
地址：9 Moo 7, Na Jomtien, Amphoe Sattahip, Chang Wat Chon Buri 20250
電話：+66 (0) 3300 5929
開放時間：每日10:00 － 18:00
票價：成人1190泰銖（約280港元）小童890泰銖（約210港元）

官方網站：http://www.ramayanawaterpark.com

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

泰國旅遊業復蘇罪犯重出江湖，警方呼籲旅客遊泰時需提防3點

21 Dec 2022

隨著各國邊關都開始回復正常，世界各地的旅遊業都準備好迎接外國旅客的到來。而早前因柬埔寨詐騙案而令人聞風喪膽的東南亞國家包含泰國在內，犯罪率都比正常國家偏高，而旅遊業復蘇，則代表當地的犯罪分子又會再向遊客出手，為此泰國警方日前表示將會加強保護外國遊客的措施。

Photo from Shutterstock

而截至上星期六（12月17日），泰國今年接待外國遊客已達到1,000萬人次。泰國首相巴育（Prayuth Chan-ocha）親自在曼谷素瓦那普機場（Suvarnabhumi Airport），迎接第1,000萬名抵埗的外來游客。根據《曼谷郵報》報導，旅遊警察局長Sukhun Prommayon特別提醒旅客，因應旅遊業復蘇，以外國遊客為目標的犯罪分子又再度活躍起來。

Photo from bangkokpost

旅遊警察局長Sukhun Prommayon提醒以下3點要遊客注意：

1）部分詐騙分子，以及的士和篤篤車（Tuk-Tuk）司機，會在旅遊景點或寺廟入口前守候，等遊客前來時騙外國遊客這些地方已經沒有營業，再將他們帶去其他地方購物，誘騙他們高價買入一些低質量的商品。Sukhun亦指出，泰國各個旅遊區的犯罪問題都各有不同，在曼谷就比較容易遇見的士或Tuk Tuk車司機行騙。

Photo from Shutterstock

2）而在度假天堂布吉島和蘇梅島，則有不少癮君子需要靠盜竊去吸毒以及強姦犯外國遊客，遊客出門應小心不明人士。

Photo from 度假天堂布吉島都有犯罪分子的存在

Photo from Shutterstock

3）而有不夜城市之稱的芭堤雅和春武里府則有異裝癖者和跨性別者詐騙、搶劫和襲擊外國遊客。

Photo from Shutterstock

而Sukhun Prommayon同時亦向旅客承諾，泰國警方將會加強安全措施，應對遊客激增的情況，例如會在旅遊景點加強巡邏，並在機場和旅遊景點張貼警示。而旅遊警察亦會隨身佩戴相機，記錄與他人的互動，警車上亦會安裝攝錄鏡頭，識別掛著可疑車牌的車輛。而警方亦將啟動系統，以整合和分析全國33個旅遊警察局監控攝像頭的影片，並呼籲遊客們提高警覺。