鄧麗欣Stephy與Santis合照，相差近20歲未被比下去！網友：無得比

By Jennifer on 13 Feb 2023

Digital Editor

今晚食乜餸：小二，嚟一碟花生！

Stephy鄧麗欣出道逾22年，現年39歲嘅Stephy向來keep得好，近日連登討論區有網民開post比較Stephy同Santis嘅合照，直言Stephy完勝22歲嘅Santis！又表示Stephy唔使P圖都咁靚，大讚佢有氣質又有女人味。

Photo from Stephy IG

Stephy入行逾22年，歌影視3方面都好成功獲封「偶像派天花板」

Stephy 17歲參加Yes!「全港校花校草選舉」奪冠入行，之後以女團隊長身份出道，出道至今已超過22年，Stephy喺歌影視3方面都有所發展，依家佢主力喺電影圈工作，拍咗唔少港產片。

Photo from Stephy IG

曾有網友大讚Stephy演藝生涯非常成功，更封佢為「偶像派天花板」！最近喺連登討論區就有人開post，表示Stephy即使同細過佢好多嘅Santis合照都無被比下去。

Photo from Stephy IG

39歲Stephy與22歲Santis同場完勝？！

Stephy向來都keep得好好，外表完全睇唔出真實年齡已經39歲，而拍YouTube出身嘅Santis（陳濬樺）今年先22歲，即係Stephy選Yes校花入行嗰陣先出世，兩人年齡相差近20年！

Photo from Stephy IG

Photo from Santis IG

東方昇、Stephy、YouTuber Gordon Lau、Santis一齊去柬埔寨為「點滴是生命」拍節目，出發前4位就影咗張大合照，Stephy同細17歲嘅Santis企埋一齊仍然「不落下風」，網民更直指佢「完勝」Santis！

Photo from 點滴是生命 IG

網民大讚Stephy有氣質同女人味無得輸

樓主表示：「真係靚同靠化妝p圖既分別，真係冇得比」，有關帖文已獲近2,000 likes，有網友指：「stephy就黎四十歲」、「女人味既野P唔到出黎」，亦有人認為影全身突顯身形同儀態有幾重要，大讚Stephy：「肩頸修長，企得又舒展好多，氣質即刻贏晒！」

Photo from 東方昇IG

Photo from LIHKG

除咗外型之外，網友又表示Stephy有星味好多，直言：「隔離果個似助手/fans」，不過亦有人指Stephy閱歷較多，氣質亦有所不同，舉手投足都充滿自信同女人味：「Santis仲?妹仔當然爭咁啲」。

Photo from Stephy IG

Photo from Santis IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

Stephy鄧麗欣獲封「偶像派天花板」！單飛多經典歌，堅持撐港產片

10 Jun 2022

出道22年嘅Stephy鄧麗欣做過偶像成員、歌手，近年多數拍戲，討論區有網民開post大讚佢係「偶像派天花板」，由出道到依家演藝生涯超成功，入行以嚟兩段戀情都係和平分手，未有影響工作。

Photo from Stephy IG

連登討論區有網友開post「其實Stephy 係咪香港偶像派嘅典範」，樓主細數Stephy出道以嚟喺多個領域都有所發展，入行至今20年仍然有口碑、叫座力，直言：「可以話係樂壇偶像派嘅一個奇蹟！」

Photo from Stephy IG

Yes校花選舉奪冠入行，Stephy以女子組合Cookies隊長出道

Stephy 17歲時參加由Yes!舉辦嘅「全港校花校草選舉」，成功奪得冠軍並獲模特兒公司睇中簽約成旗下model。兩年後佢加入唱片公司並於2002年以偶像組合Cookies出道。

Photo from Yes！

當時Stephy幾乎係零唱歌跳舞經驗，但喺Cookies入面擔任隊長，更係隊內人氣王，Cookies一出道唱片銷量已超高，當時更有傳Twins經理人公司考慮加入新成員硬撼Cookies。

Photo from YouTube

唱功被批但Stephy樂壇發展不錯，有好多經典歌曲

由9人到4人時期，Stephy工作量都好多，有拍過電視劇、電影，可以話係全隊個人發展最好嘅成員。單飛後Stephy亦成為Cookies首位推出個人專輯嘅成員，其出道作仲取得白金唱片成績。

Photo from YouTube

Photo from Stephy IG

雖然Stephy唱功屢受批評，但佢擁有好多經典作品，包括：《不要離我太遠》、《他不准我哭》、《藍鞋子》、《電燈膽》等，仲有同方力申合唱嘅眾多電影主題曲，係好多人唱K必點嘅歌～

Photo from Stephy IG

Photo from YouTube

影壇千萬票房電影女主角

除咗樂壇外，Stephy喺影壇都有唔少作品，與方力申合作出演葉念琛嘅愛情三部曲：《獨家試愛》、《十分愛》、《我的最愛》，都係經典作，《十分愛》同《我的最愛》票房突破1,000萬，係青春愛情電影嘅代表性女主角。

Photo from 《獨家試愛》劇照

到2010年Stephy曾經北上拍戲，更推出國語專輯，但其後佢喺2017年回港發展，拍攝咗《空手道》、《藍天白雲》、《金都》等港產片，更兩次入圍《香港電影金像獎》「最佳女主角」。Stephy憑《空手道》平川真理一角奪得《香港電影評論學會大獎》「最佳女演員」。

Photo from 《金都》劇照

Photo from 《空手道》劇照

鄧麗欣堅持演港產片

Stephy於2020年《香港亞洲電影節》網上直播「香港電影圓桌會議」中提到自己曾經上內地拍戲，但係返到香港拍電影，個感覺完全唔一樣，坦言拍港產片嘅感情係無可取替。外界常指佢係專演「港女」嘅演員，Stephy毫不介意，坦言自己喺香港出世，唔演港女咁演咩？佢表示：「如果連香港演員都唔支持香港電影，咁結果會點？」所以即使港產片片酬唔及內地高，佢亦堅持繼續演港產片。

Photo from 香港電影圓桌會議

參演電視劇口碑好

網友形容「好多演員入咗影壇就不屑拍電視劇」，但Stephy即使已經攞過「最佳女演員」，都接拍電視劇《男排女將》，而且劇集口碑好好。網友表示Stephy雖然係偶像派出身，但佢嘅演藝生涯並未如一般偶像咁好快就完結，出道至今20年，同佢同期嘅實力派好多都沒落咗，但Stephy仲有口碑、叫座力，大讚：「可以話係樂壇偶像派嘅一個奇蹟」。