內地女60萬買日本屋內那霸島被指受騙？兩項拍賣都被撤回！前島主現身說法

By Wing Ws on 14 Feb 2023

Digital Content Writer

早前內地一名34歲女子喺網絡聲稱買下日本70萬平小島，呢個島正係日本沖繩北方嘅「屋那霸島」。事件於內地及日本引起軒然大波，唔少日本網民不滿日本政府將小島出售，不過近日，就有媒體報道，質疑女子購入小島嘅消息並不屬實，仲可能係俾人呃。

Photo from 微博

晒地皮證明書

一名34歲女子早前喺抖音上分享，指2020年3月時，買咗沖繩附近村落隔離嘅一座小島「屋那霸島」，並晒出地皮證明書指，小島有70平方米，分成多塊地，而呢位女子買咗其中不足6成，獲得720張房產證。女子聲稱，小島係家族做房地產相關嘅公司買下，會用作自住或地產等生意。佢表示唔方便透露具體價格，但指出網站上嘅拍賣價係60多萬，女子表示購入價相對會較高。

Photo from 抖音

兩項拍賣被取消或撤回

當中，女子表示自2020年開始拍賣小島。但日本媒體《SUKISIRU》近日引述拍賣信息網站上嘅情報指，「屋那霸島」於2020年7月及2021年3月的確曾被拍賣，但兩項拍賣記錄卻顯示被取消或撤回。

Photo from 抖音

前島主擔心女子被騙

一名70歲自稱前島主嘅男子向《SUKISIRU》爆料：「呢個島一直係欺詐嘅舞台，我擔心呢位女性喺今次嘅騷動中被騙。」事實上，該男子嘅公司都曾經因為出售島上嘅土地而遇上麻煩，佢表示：「幾年前，新加坡投資企業承諾以每塊5000萬日圓購買40塊土地、總價20億日圓，但最終只收到5千萬日圓訂金。」於是，感到困擾嘅前島主另覓買家，最終賣咗畀一間房地產公司。

Photo from SAKISURU 網站

價格有一定差距

女子聲稱小島嘅拍賣價係60多萬起，但據該名前島主所指，「屋那霸島」嘅大部分地區以3.5億日圓（約2078萬港元）賣畀東京嘅一間房地產公司，雖然女子未有明言，但兩者嘅價格似乎有一定差距。呢間房地產公司嘅網站上有「令和3年（2021年）3月取得沖繩縣屋那霸島」嘅告示，《SUKISIRU》員工日前喺登記處確認該所有權。據指，呢間房地產公司嘅辦公室位於東京都港區，社長似乎係中國人，與女子喺內媒受訪所指嘅「家族企業購入」說明似乎有關聯。前島主則表示聽說購買小島嘅人係台灣人，但《SUKISIRU》編輯部向有關公司詢問時，有關人士卻指購買人係日本人。另外，日本媒體《NHK》亦有就此事作出報道，指位於東京都港區嘅中資企業收購「屋那霸島」約38萬平方米嘅土地，係島嶼面積嘅一半。有指該企業將會與其他建築公司合作喺當地發展度假村，而附近嘅村民直到最近先知道有企業發展計劃，因此感到不安。

Photo from SAKISURU 網站

女子拒回應任何質疑

對於種種質疑﹐女子早前發佈影片指，本意只係分享美景及心情，唔會對此事作出任何回應，又表示呢個島係「家裏公司買的」、「做生意的都明白很多持股是內部的」。不過對於女子嘅回應，有網民感到不滿：「這能等於你買的嗎」、「可能有一點點關聯，就能說島是自己買的嗎？可能一大群人都能說島是自己買的」。有網民留言指：「她是這家公司的員工」，女子則回覆：「你如果真那麼確定的話你實名出來舉報我，我們會立刻馬上讓律師告你污蔑誹謗」。

Photo from 抖音

日本民眾籲修改法律

對於「屋那霸島」嘅爭議，因日本政府未有禁止外國人購買日本房地產，一眾日本網民為此感到不滿，認為日本政府應該盡快修改法律，阻止外國人購買日本土地，以免被呢類中資企業逐步侵略沖繩。

Photo from NHK 網站

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

日本溫泉告急！過度開採致泉水耗盡，多間溫泉旅館因水源溫度不足結業

20 Jan 2023

日本溫泉一直是遊客冬季遊日放鬆消閒的好去處，而溫泉是一種由地下自然湧出的泉水，泉水從地殼升上來的地下水經由地熱加熱而產生，而地殼上有很多地方偏佈地熱溫泉，但卻並不是每一個都適合被用來泡澡的，因為過熱的泉水若果浸泡有可能會導致皮膚燙傷或死亡。不過早前就有日本傳媒報導，近日日本全國陷入溫泉枯竭危機，多個地區的溫泉水量跟溫度都大幅下降，更有溫泉旅館因泉水不足而被迫歇業。