德國女遠嫁台灣4年終決定離婚，與公婆關係融洽，唯1事感委屈！

大家認為幸福婚姻的要素是什麼？有可愛的小朋友？有愛錫自己的另一半？抑或是與公婆關係融洽？如果相愛的話，異國戀又會否是一大難題？一位遠嫁台灣4年的德國女子對婚姻有以下看法。

Photo from Stopkiddinstudio YouTube

訂閱者過百萬嘅YouTube頻道「Stopkiddinstudio」近日發佈一段影片，嘉賓是來自德國法蘭克福市的Sally，她今年27歲，在19歲的時候到台灣學中文，當時的目的是為了之後可以到德國航空業工作。在台灣留學期間，Sally在一個外拍場合認識一位將要去慕尼黑學德文的台灣男子，兩人成為朋友。兩年後，兩人於德國重逢、開始約會。交往數月後，男子提出想與Sally一同回台灣，但Sally表示，只願意以老婆的身份與男子離開，然後男子同意了。由於男子的家人是苗粟客家人，Sally便搬到該地開展新生活，兩人很快開始德國手作甜品生意。

Photo from Instagram @sally_tpe

Sally表示，自己當時很努力地學中文，因為要與對方父母同住，「我不止想當客家媳婦，我想跟他父母聊聊天，增加感情。」而男子父母與Sally相處亦十分融洽，兩老視Sally如自己女兒般，而且從未給予壓力，知道兩人創業辛苦，所以非常支持，令Sally十分感動。

Photo from Instagram @sally_tpe

即睇更多人氣文章：
徐子珊神隱3年現身英國倫敦！息影後被網民偶遇，大讚真人又高又靚
英國新娘結婚當日被悔婚，舉辦1人婚禮同親友徹夜狂歡

結婚4年，Sally表示感謝老公的付出與陪伴，兩人在這些年是一同工作、生活嘅戰友，但可惜的是，兩人沒有辦法真正地瞭解彼此，雖然兩人都很聰明，興趣也一樣，但卻無法產生心靈上的共鳴，後來吵架越來越多，兩人都無法坐下好好溝通，甚至Sally在上年大病一場才發現，彼此無法將心比心，最終Sally忍痛結束婚姻。

Photo from Instagram @sally_tpe

Photo from Instagram @sally_tpe

經歷了一場失意的婚姻，Sally認為幸福的婚姻與國籍、身高、樣貌、資產沒有任何關係，與另一半能否合得來才是關鍵，Sally表示：「要擁有一段成功的關係，沒什麼比建立深度的心靈連結及了解彼此感受更重要，因為我們只是一個普通人。」

Photo from 《婚姻故事》劇照

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

再見愛人2｜艾威不滿老婆通宵打麻將！結束18年婚姻，分居不離婚

2 Nov 2022

內地真人騷《再見愛人2》搵咗幾對已離婚嘅夫妻一齊去旅行，其中香港藝人艾威與佢前妻陳美玲（Lisa）亦有出演節目，艾威表示佢哋離婚嘅原因係因為佢難以接受老婆打通宵麻將，終於結束18年婚姻！

Photo from 《再見愛人2》

艾威2020年與Lisa結束18年婚姻

現年63歲嘅艾威喺TVB出演過多套劇集，有「綠葉王」之稱。佢同圈外人太太陳美玲（Lisa）喺2002年結婚，兩人婚後並未生育子女，但就養咗愛犬，一家三口樂也融融。

Photo from TVB

不過2020年兩人卻傳出離婚消息，當時曾令網民感震驚。近日艾威就聯同前妻Lisa上內地綜藝節目《再見愛人2》擔任嘉賓。

Photo from 《再見愛人2》

艾威上內地綜藝《再見愛人2》談離婚原因

《再見愛人2》搵咗3對已離婚或正面臨情感危機嘅夫妻，一齊坐房車去旅行，節目一共有13集。而艾威夫妻一登場即成為話題，離婚兩年嘅佢首次喺節目公開佢哋離婚嘅真正原因。

Photo from 《再見愛人2》

當初艾威曾表示與妻子睇法有唔同，做法都唔一樣，曾想辦法維繫，但無奈事與願違，又指自已花1年時間先走出離婚陰霾。節目中第一集佢就表示佢哋夫妻之間一直解決唔到「打麻將的問題」。

Photo from 《再見愛人2》

即睇更多人氣文章：
港媽帶4歲女兒遊日本被迫滯留？大呻因航空公司大意導致未能返港，卻反遭網民批評？
男友獨自旅行原來係去整容？質問下解釋背後原因 港女知真相後超震驚

艾威前妻Lisa常打通宵麻將

艾威表示佢唔係唔畀Lisa打麻將，而係對方嘅身體狀況唔容許佢捱夜打麻將。艾威指5年前Lisa有應承過打牌打到夜晚11點鐘：「只是她控制不了自己。她一打麻將，電話都不會回的。」

Photo from 《再見愛人2》

Photo from 《再見愛人2》

艾威直言前妻一坐底打牌就連阿爸姓乜都唔知，經常打到三更半夜、甚至第二朝先返屋企。Lisa每次出門打牌，其實艾威都瞓唔著。於是艾威同老婆商量既然你控制不到打牌時間，咁就唔好再打。艾威表示佢同Lisa討論打麻將嘅情況討論咗幾十次，更直言為此感到絕望：「為甚麼她選擇麻將不選我。」

Photo from 《再見愛人2》

Photo from 《再見愛人2》

艾威曾花光積蓄為太太做手術醫病

艾威表示佢「最後通碟」同Lisa講佢再去打麻將就代表佢哋兩個人離婚，但3個月後Lisa若無其事同佢講去打麻將，終成離婚導火線。期間Lisa曾想出言解釋，但就被艾威打斷。Lisa喺訪問時表示佢有向過艾威解釋，但對方根本唔聽。

Photo from 《再見愛人2》

Photo from 《再見愛人2》

Photo from 《再見愛人2》

Photo from 《再見愛人2》

事實上艾威同Lisa嘅愛情故事曾為一段佳話，幾年前Lisa患病，需切除子宮瘤，當時艾威已離巢，佢不惜花光積蓄，為太太先後做3次大手術支付費用，更一度考慮轉投補鞋行業。因此佢擔心老婆身體，唔畀佢打牌都情有可原。

Photo from 艾威Facebook

網民指出艾威婚姻問題，艾威指分居不離婚有原因

之後Lisa亦忍唔住落淚，佢表示自己都好後悔。第一集播出後，唔少觀眾指好理解艾威嘅決定，但亦有人認為兩人相處都睇到佢哋之間嘅問題，艾威經常打斷Lisa講嘢，根本唔畀空間對方表達意見，所以無法進行有效嘅溝通，亦係令呢段婚姻走到盡頭嘅原因之一。

Photo from 《再見愛人2》

雖然兩人因為打麻將有分歧，但Lisa亦坦承仍愛對方。艾威同Lisa分居兩年，但未有辦理離婚，佢坦言係為咗幫對方辦身後事。艾威最後用4個字—「非常失敗」形容自己嘅婚姻。

Photo from 《再見愛人2》

Photo from 《再見愛人2》

Photo from 《再見愛人2》