阿嬌旅行靚相被指美顏太重手！fans跪求放棄濾鏡，月前暴瘦到見骨嚇親網民！

By Wing Ws on 21 Feb 2023

Digital Content Writer

近年拍攝多部綜藝、發展得有聲有色嘅鍾欣潼（阿嬌），最近終於有得休息，於是趁機聯同朋友去美國洛杉磯旅行，仲post咗唔少靚相同fans分享，不過就有fans留意到阿嬌似乎係美顏濾鏡開得太重手，搞到差啲認唔到樣！

Photo from 鍾欣潼微博

阿嬌近年主力喺內地發展，參加咗內地綜藝節目《乘風破浪的姐姐》後，人氣大升，不斷接job。工作過後，都係時候畀自己放鬆吓！近日，阿嬌喺社交平台上post咗多輯美國洛杉磯嘅旅行相，並留言指：「LA vibe，短暫的旅行結束，調整狀態迎接新工作」、「旅行是yummy的，終於集齊18宮格」，貼出旅行靚相及大量美食照。

Photo from 鍾欣潼微博

fans跪求放棄濾鏡

阿嬌突然上水分享靚相，令fans非常興奮，紛紛留言叫佢好好休息，希望之後開工可以見到佢！不過，亦有fans留意到阿嬌上鏡相嘅濾鏡似乎太重手，認為阿嬌咁靚女，唔使用呢類美顏濾鏡：「希望下次放棄濾鏡」、「鍾欣潼放棄濾鏡！」

Photo from 鍾欣潼微博

事實上，阿嬌早前post出嘅圖片就有網民認為濾鏡開得太重，令樣貌失真，仲差啲認唔到係阿嬌本人，因此留言勸說：「濾鏡只會擋住你的美貌」、「求求了，不要濾鏡！明明早期自拍是top級別的！」

Photo from 鍾欣潼微博

上月暴瘦到見骨令fans心痛

不過，見到阿嬌分享旅行美食照，fans都感到安慰。因數年前，阿嬌因荷爾蒙失調等原因「爆漲」，令身型走樣，喺參加內地綜藝節目《乘風破浪的姐姐》第三季成功瘦身，成個人肉眼可見地由圓潤變到纖瘦，但早前網絡上一段Twins互相交換禮物嘅影片中，阿嬌身穿低胸背心，睇落又瘦咗啲咁，心口位置仲見到明顯嘅骨形，令一眾fans心痛，叫阿嬌唔好再減肥，要好好食飯！

Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

阿嬌內地跨年晚會原圖曝光，網民大讚比P圖好看千百倍

27 Jan 2023

鍾欣潼（阿嬌）出道21年，剛過去的年初二（21日）正式踏入42歲，不過多年來一直時肥時瘦，「有肉地」彷彿成為阿嬌的代名詞，但自從回到內地發展，參加了內地綜藝節目《乘風破浪的姐姐》第三季後已經成功減肥，回復到當年狀態大勇的身型，顏值重回巔峰，就連一向童顏的蔡卓妍（阿Sa）都比下去。最近微博就瘋傳一張內地粉絲拍下Twins參加湖南衛視跨年晚會舞台的原圖照片，並稱：「清個相冊信筒（欣潼）這是什麼生圖牛逼症」，引得一眾網民驚呼！

Photo from 绝世美零子@微博

內地網民留言：彷如仙女一樣

照片可見當時Twins應該正為晚會而表演，而用手機拍攝的照片清晰卻顯得真實，二人身穿白色紗紗裙，在阿Sa的旁邊阿嬌顯得身型嬌小，皮膚更加可見光滑零瑕疵，雖然有機會是受到舞台上的乾冰效果所影響，卻依然令人好想保護她。網民們紛紛都留言驚呼：「怎麼有人能漂亮成這樣」、「我還有700多張感覺完全不用修」、「說出去都不相信是生圖」、「P了還沒原來她好看」、「我五體投地」、「怎麼有人能漂亮成這樣」。