10蚊起串燒！長沙灣吉寸平民抵食串燒店～仲有來自離島既燒烤風味！

今日小編又為大家又貼地又好食既平野，就係位於長沙環既吉寸串燒店，呢間串燒店係做街坊生意，價錢十分親民，好多串燒都係10蚊起，而且每日新鮮返海鮮，有燒海鮮食，仲會推出來自大澳既燒海鮮乾，將離島風味帶出九龍！

流心芝士煙肉大啡菇（＄24）

呢個係必食之選，燒得好夠juicy，一切開芝士全部流曬出來，而且唔會燒得太乾，真係正！

即將推出既大澳燒，有燒魔鬼魚、蝦乾、魚春等等，另外仲有燒香既豬肉淋上來自大澳既蝦醬，最適合要來做小食，或者送啤酒！

好多串燒都係10蚊就有成交，包括各種蔬菜、芝士豆卜等等，而且份量唔少，真係夠抵食！

另外仲有多款即日返既海鮮，例如呢個燒白膳就非常值得推介，記者vivi食完都話，皮燒得非常甘香脆身，一咬落去吱吱聲，白鱔肉質好鮮嫩結實，正呀！

仲有燒聖子、元貝、蠔等等，價錢係睇海鮮時價，不過係度食都好抵食～

燒白蘑菇

汁燒京蔥五花腩（＄13）