香港的士司機投訴拒載No.1？乘客上車想過海卻被中途放低

By Pat on 22 Feb 2023

Digital Editor

香港嘅服務態度喺旅客心目中相信都略有印聞，除咗茶餐廳侍應嘅「服務態度」良好之外，相信最有名嘅一定就係的士司機了，自從Uber嘅出現，有得選擇嘅本土乘客自然都識揀，網上都有多次傳出的士司機態度惡劣嘅問題，所以嚇到大家心怕怕。但自從開關之後，的士司機又可以多返啲生意，近日就有一位由澳門嚟嘅乘客，於「小紅書」平台上寫「香港的士大哥，你良心不痛嗎？」為題發文，指佢由澳門經港珠澳橋到港，拖着一袋二袋諗住坐的士過海，點知就被司機於過海途中放低叫佢自行搭車，真係嚇到佢呆一呆。

Photo from 《降魔的》劇照

樓主指出，自己那天剛從澳門到港，諗住攞到成手都係嘢所以就搭的士過海，原本成程車都好哋哋，點知就到過海隧道時，司機問佢想經邊一條隧道，樓主就回應：「紅隧不堵的話就紅隧吧。」司機聽罷就回應佢一句：「不知堵不堵！」然後二話不說再補一句：「我把你放到大角嘴，你自己坐過海的吧。」樓主聽完就覺得啞口無言，並問網友們「這是哪門子操作？」只可以感歎「人真黑」

Photo from Chin小展靈 @小紅書

Photo from 《十年》劇照

其實香港的士司機會拒載都唔係第一日嘅事，而且香港法例只要的士司機拒載就屬於違犯，而根據《道路交通(公共服務車輛)規例》，的士司機如無合理辯解，不得「故意拒絕或忽略接受租用人的租用，不論該租用人的意圖是以明顯或默示方式表示」，以及不得「拒絕或忽略駕駛該的士至租用人指示的任何地方」，否則即屬犯罪，一經定罪可處罰款1萬元及監禁6個月。

Photo from shutterstock

唔少網民見到帖文都分享曾經被的士司機欺負，又指「喺香港我最驚就係的士司機同茶餐廳伙計，食餐飯都要睇人面色，我真金白銀消費，真係唔理解。」，更有網友指樓主應該「大」返個司機「係應該直接一句，送我去最近嘅差」、「香港的士司機，大部分態度好差！我自己喺香港人我都唔搭，明明畀錢佢賺好似欠佢咁樣，大部分嘅司機都唔會識得講唔該！」

Photo from Chin小展靈 @小紅書

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

港媽$200招聘司機接送兒子！網民：以為學童半價？搭的士都唔夠啦!

Aug 23, 2021

唔少小朋友都需要跨區返學，而負責接送佢哋嘅家長亦十分辛苦。最近，有位港媽就網上招聘私人司機幫忙接送小朋友返學放學，然而佢嘅出價就令唔少網民覺得非常低，引起網民熱話！

Photo from TVB

有唔少小朋友而家都需要跨區返學，而要接送佢哋一來一回嘅家長亦非常忙碌！近日，有港媽就於討論區出價$200招聘「私人司機」，由大埔到何文田接送小學4年級嘅兒子。

Photo from 大埔 TAI PO FB Group

港媽係網上招聘即日起至長期嘅私人司機，仲表明司機分別需要喺早上7點同下午3點，來回接送小朋友從位於大埔嘅住所到何文田嘅國際學校。港媽表示將會以每段車程計算：單程就$120（包含隧道費）；雙程就$200（包含隧道費），即每程$100。

Photo from TVB

私人司機可自行選擇送單程或者雙程，薪水將會每星期結算一次。如果小朋友放假或請病假將會再另行通知，一切以實際搭載為準。

Photo from TVB

不過唔少網民見到港媽嘅post之後，就對佢嘅起價有異議，認為佢出價太低「$120一程搭的士都唔夠啦」；有網民仲非常用心咁計算「私人司機」實際可以賺到嘅薪水，「就算行最平獅隧$8一程，來回$16、油錢豪俾你當$1一公里，單程18公里，來回油錢都要$36，加加埋埋總成本最平都要$52」，司機只能夠賺$68！