63歲鍾楚紅自拍拒用美顏濾鏡！大方晒素顏真實狀態，網民：真女神

娛樂新聞

By Jennifer on 23 Feb 2023

Digital Editor

今晚食乜餸：小二，嚟一碟花生！

鍾楚紅（紅姑）係八、九十年代嘅女神，佢喺影壇有好多經典作品，不過佢淡出多年，近年周遊列國、不時行山、同好友相聚。近日佢喺微博晒出近照，年逾60歲嘅鍾楚紅無懼歲月洗禮，大方晒素顏自拍，獲網民大讚係永遠嘅女神！

Photo from TVB

鍾楚紅淡出影壇多年，但佢依然係唔少人心目中嘅女神，哥哥張國榮曾經指：「鍾記（鍾楚紅）就太靚喇！靚到就算佢做得唔好，你都會原諒佢。」紅姑早已過上退休生活，去旅行、約下朋友食飯，十分寫意。

Photo from 鍾楚紅微博

養尊處優嘅紅姑都會喺社交網站分享近況，即使年過半百亦容光煥發，狀態極佳！最近佢去咗馬來西亞沙巴過生日，並喺微博晒出近照：「在京那巴多岸河上，謝謝大家的祝福」

Photo from 鍾楚紅微博

戴上cap帽嘅紅姑晒出超近自拍，現年63歲嘅佢無懼素顏，亦無P圖或用美顏filter，大方公開真實狀態，即使有明顯嘅眼紋都睇得出紅姑過得好開心，而且皮膚都好好。

Photo from 鍾楚紅微博

唔少網民都表示紅姑夠晒自然美，又讚佢氣質出眾：「永遠的女神」、「還是那麼美」、「紅姑的狀態真好真健康！」

Photo from 鍾楚紅微博

有指紅姑有投資房地產，現時更持有3套物業，過億身家生活無憂。紅姑更係有名嘅環保人士，對環境問題十分關注。

Photo from 鍾楚紅微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

61歲鍾楚紅素顏勁搶鏡　面色紅潤與鄭秀文慶祝杜琪峯66歲生日！網民：似食咗防腐劑

23 Apr 2021

鄭秀文（Sammi）同杜琪峯（杜 sir）2000 年時因電影《孤男寡女》而認識，二人多年嚟喺電影上合作無間，私底下二人更係非常老友，不時都相約聚會，感覺就好似一家人咁。而尋日正正係杜 sir 嘅 66 歲生日，Sammi 當然要相約一齊慶祝喇！

Photo from sammi/IG

每年嘅 4 月 22 日就係導演杜琪峰嘅生日，但今年 66 歲生日嘅佢就因為疫情關係同往年有少少唔同，今年並冇盛大派對，同圈中紅星到賀，佢哋只係相約幾位好友一齊食飯，而其中 Sammi 同楚紅都係座上客之一。

Photo from 鍾楚紅/weibo

Sammi 更喺社交網中貼出佢哋同杜sir 嘅合照，留言：「杜sir家宴。對我而言，每年非常重要的日子，就是杜sir 的生日。??昨晚，還有紅姑，韋生（韋家輝）韋太和阿叔（張叔平），當然還有杜太啦！☺️簡單在杜sir家中吃飯聊天，就是幸福的一夜。」佢更加上 hashtag 「#二十一年前認識杜sir至今」、「#我最尊敬的杜sir」、「#亦師亦友亦女兒」睇得出佢哋嘅感情有幾好。