After Class詹天文生日應援巴士遭網民狂踩！亂用logo侵權兼落錯生日日期？

By Wing Ws on 23 Feb 2023

Digital Content Writer

藝人生日，唔少粉絲都會特意為偶像搞應援慶生，有唔少都會曝光喺公眾面前，不過呢類應援未必個個人都欣賞。女團After Class成員詹天文(Windy)下個月迎嚟17歲生日，Windy嘅fans就為佢買咗巴士車身廣告作為應援，不過廣告設計就被網民彈「樣衰」，仲話fansclub亂用logo同落錯生日日期！

Photo from 詹天文 IG

適逢Windy生日，一班「天文台」（Windy fans名）整咗巴士應援作慶生。巴士上嘅廣告用咗綠色草地同藍天白雲為背景，車身嘅兩側有Windy嘅中英文名、近照，背面嘅「生日快樂」用四色砌成，車身上亦印上Windy嘅新歌名《原來寂寞得多》，歌名上方寫有「iTunes廣東歌榜NO.1」嘅宣傳。

Photo from 縱橫巴士綫．BusLanes FB

設計被嘲「影響市容」

不過網民就似乎唔係好buy，直斥廣告「樣衰」、「大整蠱」、「影響市容」，並指廣告「最失敗嘅係揀錯background同字體Design」，搞到變成「漁農署啲郊野公園廣告」咁，更有網民話似「小學畫畫比賽」、「長輩圖」、「奶粉廣告」、「幼稚園老師」、「屯門娜娜」等。

Photo from 連登討論區

Photo from FB

生日日期都錯？

有網民認為廣告上嘅生日日期唔清晰，再加上fans喺月份及日期前加「0」，令網民誤以為Windy生日係2月3日，有網民貼出Windy上年嘅巴士應援，指上年嘅字體設計其實都唔清晰：「上年個日期已經睇唔明」，而且個名淨係得白色外框，亦唔容易睇。

Photo from 連登討論區

亂用logo侵權？

另外，有網民指出fans喺巴士車身上加上「iTunes」logo係侵權：「等睇俾Apple告，iTunes個logo應該唔畀佢哋咁亂用」。

Photo from FB

Photo from 連登討論區

上年設計被指抄襲

有網民指出，Windy fansclub上年嘅巴士廣告設計似乎都「出事」，據媒體報道，fansclub上年推出以紫藍色背景嘅生日巴士應援廣告，但唔少網民都覺得好似半年前Jeremy@MIRROR嘅生日廣告巴士，認為fansclub抄襲有關設計。

Photo from 連登討論區

Photo from FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

姜濤超豪生日禮物大盤點新西蘭地皮/電車廣告韓國都應援?

30 Apr 2021

今日4月30號就係姜濤22歲生日嘅大日子！為咗慶祝姜B又大一歲，姜糖一早計劃咗一系列鋪天蓋地式嘅生日應援。當中最架勢莫過於全車印有姜濤生日祝賀廣告嘅電車「姜濤號」！香港電車公司甚至特意於社交媒體發帖說明「姜濤號」嘅有關安排。而姜B亦早於噚日下午開始透過IG限時動態感謝粉絲。

Photo from @keung_show 姜濤Instagram

人氣男子組合Mirror成員姜濤於今日迎接22歲生日，雖然佢仍要喺工作中度過21歲最後一天，但佢仍然無忘記姜糖今日為佢所做嘅準備。一眾姜糖早已豪擲超過50萬策劃一系列「Happy Keung To Day」應援，包括全港7幢大廈的巨型LED廣告牌、車站廣告、地鐵站廣告、電車車身廣告等，地點集中於姜濤居住嘅銅鑼灣，令銅鑼灣搖身一變成「姜濤灣」！

Photo from @goroeva Instagram

Photo from @vicky_keungshow Instagram

Photo from @ada0303 Instagram

香港電車為配合姜糖，安排咗印有姜濤廣告嘅電車「姜濤號」行駛來往石塘咀至北角嘅路線，途中亦會行經多幅姜濤廣告，不斷穿梭又名為「姜濤灣」嘅百德新街站（53E），畀乘客沿途打卡，非常貼心。香港電車解釋，由於姜B住喺銅鑼灣，佢嘅廣告亦經常出現喺依個區堿，所以百德新街站（53E）擁有此別名，更有姜糖連續三年「包起」「姜濤灣」作應援之用。