台北春日限定櫻花露營體驗！滿開花海下入睡／星空下營火會／原住民風味餐點！

By Wing Ws on 01 Mar 2023

Digital Content Writer

進入春日賞櫻季節，除咗一邊睇花一邊野餐，大家又有冇諗過滿開嘅櫻花樹下露營呢？可以喺洋溢著花香嘅郊區chill住同家人、朋友度過一整日，同時欣賞到暖陽下嘅櫻花同夜櫻，相信位於台北新竹近郊嘅「蟬說：霧繞」就可以滿足大家所想！

Photo from 蟬說：霧繞 WooRao FB

2個品種櫻花樹

位於台北新竹五峰鄉白蘭部落嘅豪華露營區「蟬說：霧繞」正值櫻花盛開季節，踏入園中就可以見到一片粉色櫻花海，營地內種咗粉色富士櫻與偏桃紅色嘅八重櫻2個品種嘅櫻花樹，今年嘅富士櫻較早開花，八重櫻遲約2星期，假如撞正兩個品種花期中間嘅時間嚟，仲可以見到兩隻粉色交疊盛送嘅美景，不過大家想知道花況嘅話，最好詢問營區，或者留意營地喺社交網站上嘅花況報告！

Photo from 蟬說：霧繞 WooRao FB

豐收地：櫻花樹集中地

「蟬說：霧繞」分為「豐收地」及「山谷小鹿」2個營區，而櫻花樹集中喺「豐收地」，櫻花樹就種喺每個帳篷旁邊，踏出帳篷就可以見到大大片櫻花海，非常夢幻！夜晚開埋吊燈，氣氛就更加浪漫～加上營地位於海拔1000公尺，山嘅四周被薄霧包圍，朝早起身仲有機會見到翻騰雲海，好似進入咗仙境咁！

Photo from 蟬說：霧繞 WooRao FB

高聳杉木包圍／小木屋

如果大家想感受被森林包圍嘅感覺，「山谷小鹿」會喺一個唔錯嘅選擇，帳篷四周有杉木環繞，望住高聳翠綠嘅樹木，相信咩煩惱都會瞬間消失！唔想住帳篷嘅朋友都可以選擇「好冬小屋」嘅小木屋，可以見到壯麗嘅山景同落日美景！

Photo from 蟬說：霧繞 WooRao FB

泰雅族風味餐點

雖然話係露營，但大家都唔使擔心會好簡陋，營地內嘅帆船形帳篷有5米大，帳篷內有插座、除濕機、電扇、電熱毯、全身鏡等設備，營地亦有足夠數量嘅公用浴室，每個帳棚外仲有露營凳同木枱，可以同家人／三五好友休閑地傾偈！餐廳會提供泰雅族風味嘅膳食，非常特別！

Photo from 蟬說：霧繞 WooRao FB

星空下營火會

官方喺公布訂購詳情嘅時候，貼出當中二日一夜嘅行程，由下午2點半起就可以享用特製櫻花祭下午茶、嘗試手作DIY，夜晚仲有星空下營火會及部落表演活動，大家更可以燒綿花糖！除此之外，營地亦會定期舉辦唔同活動，如「泰雅族獵徑尋根」探究泰雅獵人打獵文化嘅付費活動。

Photo from 蟬說：霧繞 WooRao FB

如果大家對呢場限定櫻花露營體驗有興趣嘅話，就要留意營地嘅官方消息啦！因為今年嘅「櫻花祭」早於半年前就開放預訂，大家可以喺年中嘅時候提早book定，期待明年嘅櫻花盛宴！

Photo from 蟬說：霧繞 WooRao FB

【蟬說：霧繞】
地址：新竹縣五峰鄉桃山村白蘭298之3號
電話：03-6210-120
櫻花季價錢（一晚）：7500台幣（豐收地，港幣約1900元）、5900台幣（山谷小鹿，港幣約1500元）、4100台幣（山谷小鹿，港幣約1050元）
入園時間：14:00，入住時間：16:00，退房時間：11:00

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【韓國櫻花季2023】5間首爾賞櫻咖啡店推介！櫻花樹下歎咖啡/必試櫻花拿鐵！附交通詳情

24 Feb 2023

韓國櫻花季就快到啦！睇櫻花唔一定要去公園或郊外，首爾有不少Cafe同樣有超夢幻的絕美櫻花靚景～唔使同人逼，就可以在櫻花樹下邊賞花邊歎咖啡甜品，感覺超舒適療癒～以下推介5間首爾賞櫻咖啡店，仲附上前往方法，速速Mark實啦！

·延南洞櫻花家｜연남동 벚꽃집

Photo from IG@yn_cherryblossom

位於弘大、直接從住家改造而成的「延南洞櫻花家」，向來係人氣超高的首爾賞櫻咖啡店。店內的裝潢設計以英式復古風打造，相當別緻！這裡共有兩層樓，如果想觀賞到唯美櫻花，當然要選擇視野更好一些的二樓。庭院種植了一棵超大的櫻花樹，每逢春季都可以見到櫻花盛開的夢幻情境！

Photo from IG@yn_cherryblossom

這裡仲可以品嚐到櫻花主題的餐點～有機會一定要品嚐招牌飲品-櫻花咖啡（Blossom Spanner），咖啡上覆蓋了一層濃厚的奶蓋，再灑上粉色糖粉和自製櫻花糖片，不但口感充滿驚喜，顏值亦超高，春季打卡一流！溫馨提示，為了讓更多人都能享受到一邊觀賞櫻花一邊歎咖啡的悠哉時間，「延南洞櫻花家」在櫻花季節時會有用餐時間限制，以及禁止商業攝影。

Photo from IG@yn_cherryblossom

延南洞櫻花家｜연남동 벚꽃집
營業時間：星期一至四 11am～10pm（最後點餐：9.30pm）｜星期五至日 11am～11pm（最後點餐 10.30pm）
地址：首爾麻浦區延南洞256-9
交通：首爾地鐵2號線、京義中央線弘大入口站（홍대입구역）3號出口
官網：yn_cherryblossom

·GREYLAB｜그레이랩

Photo from IG@greylab_

位於麻浦區合井站（합정역）附近的「GREYLAB」每年春季都吸引人前來賞櫻打卡～咖啡店係一棟獨立建築，充滿現代感的裝潢，雖然面積不大，但不論係室內、庭院或天台，整個環境都相當舒適！其中，在別致的小庭院種植了很多櫻花樹，每年櫻花季都可以見到櫻花瓣漫天紛飛的情境，充滿春天的氣息。有興趣來自打卡的朋友，一定要品嚐GREYLAB的招牌千層蘋果飲品，不論係凍飲或熱飲都非常值得一試，而且獨特的造型打卡一流！

Photo from IG@greylab_

GREYLAB｜그레이랩
營業時間：星期一至五 10am～10pm｜星期六至日/國定假日 12pm～10pm
地址：首爾麻浦區土亭路3街16
交通：首爾地鐵2號線、6號線合井站（합정역）7號出口
官網：greylab_

·Dear Moment｜디어모먼트

Photo from IG@dear._.moment

位於首爾一條櫻花小路旁邊、鄰近大興站（대흥역）的「Dear Moment」，同樣係賞櫻咖啡店的推薦之選～店鋪裝潢以白色為主調，整體風格十分簡樸，尤其加上巨型透明玻璃窗，感覺特別開揚又舒適愜意！坐在觀景窗前的位置就能欣賞到盛開的夢幻櫻花美景！值得一提，店家每逢櫻花季都會提前一個小時營業，如果想坐到最佳賞櫻位置，就一定要提早來預約排隊～Dear Moment除了以櫻花咖啡店聞名，這裡的各種不同口味的奶油捲、三文治和蛋糕等同樣係必點之選！濃郁芝士味的奶油大大減低了蛋糕的甜膩感，而且口感綿密，絕對值得一試！溫馨提示，這裡同樣係禁止商業攝影。

Photo from IG@dear._.moment

Dear Moment｜디어모먼트
營業時間：11am～10pm
休息時間：星期三
地址：首爾麻浦區大興路80-34 2F
交通：首爾地鐵6號線大興站（대흥역）3號出口
官網：dear._.moment

·Cafe ARC｜카페아르크

Photo from IG@cafearc_

不同於其他賞櫻咖啡店，位於景福宮站（경복궁）附近的「Cafe ARC」，由於位於建築頂層，不但可以一覽絕美的櫻花，仲有周圍圍繞的韓屋景色都盡收眼底，絕對係與眾不同的視覺享受！咖啡店主要分為室內外座位，櫻花季節當然要選擇頂層的露台位，可以近距離觀賞櫻花，而且隨時都能看到隨風飄落的櫻花，漫天的櫻花雨超唯美～另外，這裡的飲品、烘培食物亦非常值得品嚐，味道和賣相都一流！