開心無敵獎門人｜兩對前度尷尬同場！王浩信蔡思貝再同框！胡定欣要同前男友馬國明啜乒乓波？

By Wing Ws on 02 Mar 2023

Digital Content Writer

TVB《獎門人Ladies First 感謝祭》日前拍攝請嚟《廉政狙擊》及《隱形戰隊》兩隊演員作為嘉賓，不過當中就衍生出兩對關係尷尬嘅「前任」同場，王浩信同前緋聞女友蔡思貝同隊同框，胡定欣仲要同前男友馬國明玩game，搞到佢要諗橋拆招！

Photo from TVB 娛樂新聞台 YouTube

《獎門人》又再返場

年頭宣布停播嘅《開心無敵獎門人》，繼早前農曆新年期間與「鄰住買」推出《獎門人新春感謝祭》大賺後，今次再就婦女節添食一集《獎門人Ladies First 感謝祭》，日前拍攝就請嚟《廉政狙擊》及即將播出嘅《隱形戰隊》演員對戰，《廉政狙擊》有王浩信、黃宗澤、吳卓羲、胡定欣、蔡思貝，而《隱形戰隊》就有馬國明、陳山聰、劉佩月、劉穎鏇等人。《獎門人》返場，觀眾固然開心，仲有得為兩套劇宣傳。不過唔知係有心定無意，今次兩隊演員人馬齊集就造就咗兩對關係尷尬嘅「前任」喺當中，分別係同隊嘅王浩信同曾經嘅緋聞女友蔡思貝，以及馬國明、胡定欣呢對昔日戀人。

Photo from TVB 娛樂新聞台 YouTube

同框王浩信同蔡思貝極力避嫌

去年被傳與太太陳自瑤離婚嘅王浩信，即使已成人夫，婚後仍緋聞不斷，被指偷食黃心穎、江嘉敏等圈中人士，其中一個就是蔡思貝，有指二人因劇集《踩過界》撻著，當時兩人被爆於VIP房撐枱腳打邊爐，又被拍到王浩信踩到女方家中過夜，雖王浩信事後否認並得到太太護夫，但有指陳自瑤對蔡思貝極為不滿，私下要求日後有飯局聚會嘅話就唔好同時請蔡思貝，又向監製明言，唔好同對方喺同一套劇出現！事隔多年，今次王浩信同蔡思貝再次同劇、同框，昨晚錄影前，無線新聞台於後台直播，鏡頭中二人未有眼神、肢體接觸，分開男、女兩組受訪，即使係同隊嘉賓合照中間亦隔咗個人，影完相即刻分開兩邊走。

Photo from TVB 娛樂新聞台 YouTube

胡定欣要同前男友馬國明啜乒乓波？

不過，相較同隊嘅王浩信、蔡思貝，馬國明、胡定欣呢對舊情人就冇咁好彩，兩人因舞蹈真人Show《舞動奇跡》結緣，2009年公開戀情嘅馬國明、胡定欣，當時拍拖好高調咁一齊返工放工，不過有指胡定欣嫌馬國明份人太悶，所以拍拖1年多就分開。雖說兩人再見亦是朋友，就算同場都零尷尬，但今次《獎門人》喺「開心無敵啜乒乓遊戲」中，胡定欣被安排同舊愛馬國明鬥啜乒乓波，胡定欣當刻就好警醒咁擺手拒絕，要求換人，最後由吳家樂頂替馬國明，成個情景真係隔住個mon都覺得尷尬！

Photo from TVB 娛樂新聞台 YouTube

有傳TVB曾有意再撮合馬國明胡定欣？

數年前，有指TVB有意撮合馬國明胡定欣，其後，兩人於《白色強人II》中再度合作，劇中胡定欣更講笑咁同馬國明表白。不過對於傳聞，馬國明於媒體訪問中表示未有收到公司安排，又稱對方係一個好對手，所以唔介意合作，而對於網民指希望兩人翻撻，胡定欣就話大家都係講吓笑，唔好咁認真。

Photo from 《白色強人II》劇集截圖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

Hillary劉沛蘅教路唔好同男友前度比較！洪卓立湯怡分手後各覓真愛

1 Sep 2022

洪卓立與《膠戰》女主持Hillary（劉沛蘅）公開戀情後一直愛得高調，近日Hillary喺IG Story玩「你問我答」，有網友問佢點避免同另一半嘅前度做比較，Hillary以好長嘅篇幅回覆，引起熱議！

Photo from 洪卓立IG

洪卓立與Hillary公開戀情，愛得高調

喺2022年初時洪卓立就喺IG Story公開Hillary同狗狗嘅親密合照，疑似公開新戀情，不過佢好快就delete返個Story，有網友發現Hillary經常會like洪卓立嘅IG，雖然雙方未有承認戀情，但好多網友已為佢哋送上祝福。

Photo from 洪卓立IG

到3月30號洪卓立於IG發文大方認愛，佢大讚女友：「佢係我見過最善良最有愛心嘅女仔，我哋每一日都好開心。」仲護花表示：「我會努力，令她成為『貪慕虛榮』的人」，翌日立立再公開女友與愛犬嘅合照，連環放閃。

Photo from 洪卓立IG

公開戀情後兩人都經常大方晒合照，彼此嘅IG都分享好多與戀人嘅生活日常。不過畢竟洪卓立前一段戀情十分為人熟悉，當時佢同湯怡未能修成正果亦都有唔少人大感可惜，Hillary難免會被外界拎嚟同洪卓立前任作比較。

Photo from 洪卓立IG

Photo from Hillary IG

Hillary表示唔好拎自己同男友前度比較

近日Hillary喺IG Story同網友玩「你問我答」，佢透露自己同洪卓立係打台灣牌認識，佢又公開同男友嘅合照，非常甜蜜。有網友問佢：「如何唔攞自己同另一半嘅前度做比較？」

Photo from Hillary IG

Hillary指自己都收到好多類似嘅問題，佢嘅回答亦頗長，佢坦言呢個世界總會有人比自己優秀：「但你另一半選擇嗰個係你吖嘛」，佢指每個人都有自己獨特魅力，要相信自己：「與其花時間去比較，令自己胡思亂想，不如好好建立屬於你同另一半嘅感情同回憶吧！」

Photo from Hillary IG

曾拍拖11年，洪卓立同湯怡分手收場

洪卓立曾經同湯怡拍拖11年，2018年兩人宣佈分手，令一眾網民大感震驚。事後洪卓立出席活動時談及分手一事更忍唔住落淚，但佢維護女方指二人之間唔存在第三者，而係因了解而分開。事實上佢哋「分手仍是朋友」，一直都有互相like IG，分手3年後湯怡宣佈與麥秋成奉子成婚，洪卓立亦大方留言祝福：「恭喜恭喜！身體健康！幸福快樂！」