青春18車票2024｜價錢、使用教學全攻略！可無限任搭全日本JR線

去日本旅遊通常都會買唔同嘅周遊券，JR鐵路推出嘅「青春18旅遊周遊券（青春18きっぷ）」係其中一款超級抵買嘅車票，可不限次數搭乘全日本嘅JR線普通、快速列車，而且價錢超平！究竟「青春18」怎麼用？邊度買？即睇懶人包！

Photo from Coffee IG

#甚麼是「青春18」？

青春18車票早喺80年代已經有售，當時為鼓勵搭火車旅遊而推出。青春18於學生放長假嘅春、夏、冬3個季節發售，雖然命名為「青春18」，但並無年齡限制，兒童、學生、成人、老人都可以使用。

Photo from JR東日本

#青春18車票用途

Photo from PressLogic

青春18係「旅遊周遊券」，可不限次數搭乘全日本嘅JR線，包括普通列車、快速列車嘅普通車廂非指定座席。青春18不適用於新幹線、特快列車、急行列車、臥舖車廂、JR巴士。

Photo from JR東日本

#青春18車票2024年使用期限、發售日期

#青春18車票售價

青春18車票售價為12,050日圓（約$640港元）。一張青春18車票可以使用5次：可以同一人用5日；亦多人同時使用（但必須用於同一行程）。舉例嚟講如果一個人使用青春18，可以喺使用期間任選5日使用（不需連續），但留意如果係搭夜行車票，會按2日計算；如果5個朋友同時出行，一張青春18車票可供全部的人使用1日。

Photo from TVB

Photo from 森美IG

#青春18如何購買？

可到JR東日本主要車站嘅指定席售票機、JR售票處(Midori-no Madoguchi)或JR東日本旅行服務中心購買。部分車站並未販售此票券。

Photo from JR東日本

#青春18可以退款嗎？

根據JR東日本官網，有效期間內且未使用嘅通票，均可至各銷售點辦理退款，但需要支付手續費。

Photo from TVB

#咩人適合買青春18車票？

青春18特別適合中意享受悠閒慢活火車旅行嘅朋友，一張車票可以搭到全日本嘅JR線，相當抵玩。如果你嘅行程係要往返多地嘅不妨考慮買呢張青春18車票，或者同三五知己同遊都可以share車價，十分合算！

Photo from Hillary IG

相關文章：東京去大阪4大交通攻略 最快兩個鐘去到 車費最平唔使$300

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）