馬天佑巴黎時裝周「集郵」驚現大批炒車相！薛凱琪真實面貌曝光？！范冰冰瑕疵盡現！

By Wing Ws on 06 Mar 2023

Digital Content Writer

巴黎時裝周熱切進行中，唔少藝人紛紛飛到法國參加，有參與盛事嘅網絡紅人到現場與一眾藝人「集郵」，但就影到部分人個樣「炒車」咁，瑕疵盡現，連偶像小生、搖滾天后都避無可避，同IG嘅造型相唔同晒樣。

Photo from 馬天佑 IG

香港男歌手兼YouTuber馬天佑日前飛到巴黎，並於社交平台上貼出與一眾參與時裝周藝人「集郵」相，當中包括范冰冰、加拿大搖滾天后Avril Lavigne、雲浩影(Cloud)、薛凱琪等人，但未知當時是否太匆忙，抑或係角度問題，一眾藝人個樣睇落同自己社交平台嘅相有啲唔同樣，仲「炒晒車」咁。

范冰冰臉上瑕疵盡現

范冰冰當日以哥德風造型登場，化咗個煙熏妝，加上紅唇、禮服，並於山根、鼻頭、嘴唇上裝上銀色扣環，睇落霸氣十足！但新造型唔係個個接受，有網民認為冰冰唔適合哥德風，更大指新look「醜到想抵制」。對比喺社交平台中貼出嘅相，同馬天佑嘅合照中嘅范冰冰臉部及膚色相對暗沉，黑眼圈、凹陷線條盡現，似乎係用原相機所影，真實面貌盡現。不過呢張相馬天佑都有啲「炒車」，睇落相對憔悴。

Photo from 范冰冰 IG

Photo from 馬天佑 IG

薛凱琪真實面貌曝光？！

馬天佑其中一張「集郵」相搵咗薛凱琪同雲浩影(Cloud)一齊影，近年41歲嘅薛凱琪就不時出現「變臉」一說法，更有指撞樣范冰冰。對比薛凱琪於個人IG中嘅相片，馬天佑鏡頭下嘅佢睇落膚色偏黃，未有IG照片中白皙，臉上更疑似出現法令紋。不過，大概係張相影嘅時機唔太啱，見到另一邊Cloud嘅表情都斜晒眼，未準備好咁。

Photo from 薛凱琪 IG

Photo from 雲浩影 IG

Photo from 馬天佑 IG

偶像小生驚現大叔樣？

除咗一眾天王巨星，馬天佑仲偶遇《偶像練習生》出身、現年28歲嘅成龍外甥董又霖，面容俊朗嘅董又霖喺社交平台貼出今次巴黎之行之後，就有大批fans於留言區大讚「帥氣」，不過對比以往網民印象中嘅佢，合照中董又霖似乎靚仔樣不再，可能係燈光問題，重手陰影加上臉上嘅細紋，同佢自己post出嘅相睇落唔同咗樣！

Photo from 董又霖 IG

Photo from 馬天佑 IG

Avril Lavigne都出事？

除咗一眾中港明星，巴黎時裝周上仲有唔少外國巨星，馬天佑同加拿大搖滾天后Avril Lavigne影咗張自拍，並興奮表示：「佢(Avril Lavigne)問我點樣先可以叻啲影 selfie. 我諗咗兩秒跟住我話，let me demonstrate（證明）. 影咗幾張之後 then shes like “ure goooooood!”」雖然Avril Lavigne同平時型格、臉部線條利落嘅形象大不相同，但鏡頭下展露笑容嘅天后，親切一面令網民非常受落，紛紛留言表示羨慕馬佑！

Photo from Avril Lavigne IG

Photo from 馬天佑 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

章子怡着過季衫去巴黎時裝周引議，被指地位不再？網民批待遇不及Jisoo

3 Mar 2023

Dior秋冬巴黎時裝周2023日前開跑，唔少巨星紛紛飛到法國出席，現場非常墟冚！但有網民就發現過去喺國際時裝周上盡顯風采嘅「國際章」章子怡着咗件過季產品到場，而且冇專車接送，待遇比韓團BLACKPINK嘅Jisoo差好多，令一眾內地網民大為不滿，仲叫章子怡下次唔好再嚟！

Photo from 章子怡工作室微博

章子怡穿過季產品到場

內地女星章子怡約10年前憑《臥虎藏龍》打入荷里活，曾於巴黎時裝周上獲品牌高層親自迎接，兼且坐第一排睇騷，排場風光。時隔3年再現身國際時裝周，呢位喺影壇上具有影響力嘅女星即引起媒體關注。當日，章子怡身穿白色襯衫及皮革長裙，手持Dior白色手提袋，再梳上「大背頭」，低調但不失霸氣。在場亦有唔少巨星，另一位備受矚目嘅女星可以話係韓國女團BLACKPINK嘅Jisoo，身穿低胸紫色Tube dress嘅Jisoo，拎住黑色Dior細袋，披上及腰波浪卷髮，非常吸睛！但有眼利嘅內地網民就發現，章子怡着嘅係「過季」2023年早春皮裙，但Jisoo嘅禮服就係2023年早秋系列嘅「超季」產品，再對比其他內地女星如劉雨昕着嘅都係今年春夏「當季」產品，令章子怡粉絲因此感到不滿，懷疑主辦方冷待章子怡呢位前輩。

Photo from Dior Twitter

網民質疑章子怡不被尊重

更令內地網友不忿嘅係，坐專車到場嘅Jisoo，由Dior公關總監牽手進場，住嘅酒店係由Dior特意安排，由Jisoo喺IG所post嘅相所見，酒店內有唔少Dior準備嘅禮物。相較之下，章子怡據報不但冇專車接送，座位靠邊，當時未有高層上前接觸，更有指佢住嘅酒店都係自費。有網民因此感到不忿，表示章子怡曾經為Dior宣傳，同佢哋嘅總監又係朋友，如今竟然被冷落，另有網民發現另一位在場嘅內地女星劉雨昕都要排隊，雖然後來有粉絲力證有pr為佢開路，但仍未能平息網民情緒，認為品牌唔尊重章子怡，叫佢下次唔好去。

Photo from 微博

帶保溫杯入場意外收獲好評

對於外界質疑地位不再嘅評價，章子怡未有急於澄清，其後透過工作室貼出喺後台與高層及知名女星合照，留言道：「子怡和老朋友 @DIOR迪奧相聚浪漫之都」，似乎令謠言不攻自破，其中一張手持保溫杯嘅照片更係被fans瘋傳，笑指：「居然帶保溫杯入場看秀」、「暴露年齡」、「歲月靜好」，更有網民大讚章子怡真係「咩大場面都見過」，足見巨星風範！

Photo from 章子怡工作室微博

Photo from 微博

金像影后充當Jisoo護花使者

當日，作為Dior品牌大使兼「Dior親生女」嘅Jisoo一現身就成為全場焦點，金像影后Charlize仲特意上前同佢合照，更充當護花使者，打開大褸話要保護Jisoo，場面搞笑！完騷後，有大批媒體擠擁上前，Jisoo最終喺工作人員護送下離開，而Dior其後喺Twitter上單獨貼出Jisoo照片，大讚Jisoo嘅到來為現場添上光彩！