百億身家富豪招溫柔靚女開枝散葉？對女友要求極高，目標生50個兒子
有傳內地富豪徐波身家高達280億人民幣，佢不時會喺網上分享自己嘅生育觀，又公開招女友，要求生得高嘅靚女，有指佢有12個子女，仔女嘅母親分別係6名唔同嘅女子。佢為傳宗接代，目標係生夠50個子女。
Photo from 微博
徐波係內地嘅遊戲公司老闆，佢本身學歷唔高，加入遊戲公司後由低做起，但一到升職至公司高層，之後佢離職自立門戶，創立佢嘅遊戲公司，估計身家高達280億人民幣（約$316億港元），雖然係百億富豪，但佢十分低調，甚少公開露面。
Photo from 微博
但網上有人爆料佢嘅微博帳號，有關嘅微博帳號不時公開徵美女為佢生BB，又列出佢對伴侶嘅要求，普遍都高同靚女，佢曾經發文尋求女友：「23周歲內，健康的溫柔傳統淑女，B杯。」但基本上佢都寫明要求「美女」。
Photo from 微博
Photo from 微博
微博帳號更經常大晒小朋友嘅相同影片，有爆料指佢現時已有12個仔女，分別係由6位不同嘅女性誕下，佢同小朋友嘅媽媽並無結婚，而且12個仔女都係外籍。
Photo from 微博
Photo from 微博
有人爆徐波目標係生50個優質兒子，並將兒子全部培養成為社會精英，其中至少有10個係「頂尖精英」，因此佢會喺微博公開招女友。不過佢本人係不婚主義，又認為女性最少應該生2個小朋友。
Photo from 微博
該微博帳號曾經公開短片，片中有大批小朋友，目測約4～5歲左右，佢哋喺地上翻滾玩耍，又向鏡頭大嗌「爸爸」，有網民質疑呢啲小朋友全部都係佢嘅仔女。
Photo from 微博
對於有關嘅傳聞，徐波就發聲明表示自己至今未婚，亦都十分尊重女性，又表示所謂嘅「爆料者」未向佢求證就將佢同微博晒BB嘅帳號作連結，不過仍有好多網友認為該微博帳號就係徐波本人。
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
內地女公開擇偶條件：貌似楊洋、身高1.8米、月薪5萬！網民：難怪單身
13 Jan 2023
依家好多年輕人奉行「單身主義」，不過有啲人單身可能只係搵唔到適合嘅對象。早前內地一段直播街訪於網上瘋傳，原因係片中女生公開其擇偶條件：身高需180cm、月薪達5萬元人民幣等，女生苛刻嘅要求同直白嘅言論掀起網民熱議！
Photo from 《今天的戀愛》劇照
湖南女生直播公開擇偶要求
呢個瘋傳影片係嚟自一段於街頭邀請素人直播食辣嘢，食得越多就可以得到現金獎勵，期間更會訪問挑戰人士，有一位嚟自湖南嘅女生參與挑戰，並於直播中公開佢個人嘅擇偶要求。
Photo from 《單身男女》劇照
自稱單身4年因無遇到靚仔
女士自信表示自己好食得辣，被問到有無男朋友，佢指自己單身好耐，有三、四年，但直播主持卻指唔算耐有人單身18年，食辣女生隨即指可能同個樣有關。佢自稱單身嘅原因係無遇到好看嘅男生，主持追問佢嘅擇偶標準。
Photo from 抖音
Photo from 抖音
食辣女生指起碼要有1.8米高、顏值亦唔可以太低，主持即問佢點為止「顏值不低」，女生即舉例：「易烊千璽知道嗎？楊洋知道嗎？鹿晗知道嗎？」主持秒懂佢嘅標準。
Photo from 抖音
Photo from 易烊千璽楊洋微博
Photo from 楊洋微博
Photo from 鹿晗微博
理想男友月薪5萬、結婚需支付30萬彩禮
之後佢又提到理想對象應該要月入5萬人民幣，主持就表示呢個條件好多人都達唔到，女生稱佢覺得男生一個月賺唔到5萬應該係有缺憾。
Photo from 抖音
Photo from 抖音
主持又問佢如果結婚會收男家幾多彩禮，食辣女生狀似隨意：「彩禮30萬不過分吧！」仲話自己可以貼價值10萬嘅車，認為回10萬元嘅車已經「很了不起了」，男方要娶佢畀20萬出嚟好合理：「我怎麼知道他愛不愛我呢？他這點錢都不願意給我。」
Photo from 《逃恥》劇照
Photo from 《男人不可以窮》劇照
網民：單身有原因
直播後來被剪成短片於網上廣傳，唔少網民睇完後表示：「單身是有原因的」、「她這種條件還輪不上提那麼多要求」，又稱賺到5萬一個月嘅男士都唔會揀佢。
Photo from 抖音
Photo from 抖音
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
