唐詩詠近照髮線再後移？因拍劇壓力脫髮而離巢TVB！一舉動獲讚真誠

By Wing Ws on 09 Mar 2023

Digital Content Writer

41歲無線視后唐詩詠(Natalie)，去年9月離巢TVB，當時Natalie曾表示拍劇壓力大導致脫髮等身體問題，需要放個長假休息，並表示自己將會繼續放假並專注寫作，為改篇自其經歷嘅動畫片寫故事。近日，唐詩詠就帶咗爸爸去日本旅行，並於社交平台上分享旅行照，不過有人發現唐詩詠嘅近照再現髮線後移情況，似乎未能改善脫髮問題。

Photo from 唐詩詠 Natalie tong FB

近照髮線再後移？

日前，唐詩詠貼出與爸爸在咖啡店前影嘅照片，並指：「世界上所謂的「成功」有千萬種最實在的成功卻只有一種就是按照自己喜歡的方式過這一生」，fans留言大讚孝順、靚女，但就有網民錯重點，留意到唐詩詠髮線似乎再後退，側身面向鏡頭嘅佢露出左邊頭皮，加上可能喺假期中未有整理髮型，髮線似乎比以往上鏡造型再上移。

Photo from 唐詩詠 Natalie tong FB

曾自爆出現脫髮問題

事實上，唐詩詠去年曾於活動中自爆出現脫髮問題，表示數年前由髮型師發現，仲「後移咗一格」，Natalie覺得同壓力有關，因此當時希望拍完無線劇集《隱形戰隊》就可以放長假唞吓，更大嘆：「女仔冇頭髮真係唔得，真係想喊。」其後，Natalie於一次訪談中提到拍劇壓力及離巢原因，坦言自己一年拍4套戲，而近年更係身體變差：「好明顯呢兩年我係冇停（休息）過，但其實我已經係入行頭嗰幾年先試過一年4套，嗰時仲可以，但近呢兩年我再係咁，就覺得好似返唔到嗰個狀態」，拍劇一套接一套令私人時間大減，Natalie表示「其實我想生活」、「呢個年紀我想停一停，我想做返自己想做嘅嘢先，好似正常人咁生活吓先」。

Photo from ChillGOOD TV YouTube

網民大讚真誠

雖然因脫髮問題深感困擾，但Natalie未有避談有關問題，直言有壓力及生活問題，社交平台上亦不介意展現自已「不完美」一面，大方分享自己生活面貌，因此被網民大讚真誠，認為離開TVB嘅Natalie睇落「放開咗好多」。

Photo from 唐詩詠 Natalie tong FB

Photo from ChillGOOD TV YouTube

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

唐詩詠自爆曾拜神挽回偷食男友，踢走第三者！入行19年有3段戀情

17 Apr 2022

現年40歲嘅唐詩詠獲網民封為「最girlfriendable」嘅絕世好女友，佢日前上《絲打圍爐》做嘉賓，大談曾經歷男友偷食，仲為咗擊退第三者而不惜借助「拜神」力量！

Photo from 唐詩詠 IG

《絲打圍爐》唐詩詠坦言自己愛撒嬌

蝦頭（楊詩敏）同連詩雅（Shiga）主持嘅節目《絲打圍爐》邀請咗視后唐詩詠做嘉賓。佢哋齊齊討論如個達至「完美女人」嘅境界。

Photo from 《絲打圍爐》

蝦頭同Shiga都覺得男性會中意唐詩詠呢個類型，唐詩詠坦言熱戀中自己會對男朋友撒嬌，例如會攬住對方話：「我哋去邊度食嘢呀？」兩位主持即時表示佢嘅語氣「好嗲」。

Photo from 《絲打圍爐》

認為第三者避無可避，曾拜神求偷食男友回心轉意？

不過佢唔認為女生識得撒嬌就可以得到男人心，因為第三者總有可能會出現：「你做得幾好佢（男友）都會有小三㗎啦！要有就有㗎喇！」唐詩詠仲自爆佢為咗踢走第三者咩都做過！

Photo from 《絲打圍爐》

唐詩詠指佢試過帶男友拜神，隨即引起蝦頭同Shiga熱議，不過唐詩詠表示佢唔係求趕走小三：「我求佢（男友）要好愛我咁囉。」唐詩詠指當出現第三者，女生好易會陷入怪圈：「淨係諗小三快啲走啦，或者你返嚟我度啦！」

Photo from 《絲打圍爐》

Photo from 唐詩詠 IG

佢認為即使有第三者，女生都要好好生活，因為無可能避免到有第三者出現：「男人要選擇佢（第三者）都係會選擇佢」，所以最緊要唔好被呢樣嘢影響到自己。

Photo from 《絲打圍爐》

入行以嚟有過3段戀情，余文樂係初戀？

唐詩詠自2003年參演首部電視劇《當四葉草碰上劍尖時》出道至今已有19年，曾有3段戀情，喺2017年余文樂宣佈結婚時唐詩詠公開送上祝福，對方係佢嘅初戀男友，兩人於2002年合作拍香港電台劇集《青春@Y2K》後拍拖一年，有傳余文樂因拍戲戀上盧巧音，與唐詩詠分手。

Photo from 唐詩詠 IG

Photo from 余文樂 IG

與崔建邦9年情，對方多次被爆偷食

2005年唐詩詠同崔建邦傳出緋聞，多年後兩人公開戀情，不過呢段戀情經歷離離合合，期間崔建邦多次被爆負面新聞但唐詩詠都不離不棄，獲封「絕世好女友」，但男方屢屢被指偷食，最終2014年兩人正式分手。

Photo from 唐詩詠 IG

Photo from 崔建邦 IG

因劇生情戀上洪永城

2013年唐詩詠與洪永城合作拍劇《載得有情人》萌生愛火，男方經常同其他女星傳緋聞，雖然唐詩詠多次公開表示十分信任對方，但戀情維持5年，佢哋於2017年宣佈分手，唐詩詠曾指分手有好多原因，而洪永城早前上節目時自爆前女友曾因為佢同黃翠如感情太好而「心中有條刺」，令唔少網民估佢講緊前女友唐詩詠！不過唐詩詠喺IG post出同黃翠如嘅合照隔空回應：「多年前我遇上了一段純真友情，不帶刺的」