超浪漫泡泡屋～冰島可以瞓住喺度睇極光唔洗捱凍追光！人生一大享受～

相信唔少人都認為一生人一定要去一次冰島睇北極光，冇錯！小編都係咁認為～但可以訓住睇極光你又點睇？唔洗諗都知會好正！
Photo from Instagram

位於距冰島首都雷克雅末克93公里嘅Bubble酒店，絕對係一個睇北極光嘅好去處。係呢度，冰島嘅天空就係你嘅屋頂，住係透明泡泡嘅屋，周圍嘅森林就好似酒店嘅lobby咁，除非你好怕大自然，又或好需要個人密實嘅一個空間。如果唔係，係度訓一晚，絕對係人生一大享受！
Photo from Instagram

Bubble 屋透明嘅氣泡可以俾旅客隨時隨地親密接觸大自然，夏季聽鳥語花香，冬季就欣賞極光星星！嘩！就咁計～夜晚天空上會有500萬顆星星伴你入眠，呢度絕對係5星星星星級的家啊！
Photo from Instagram

泡泡酒店最初係由酒店董事長兼創始人羅伯特•羅伯森（Robert Robertsson）係北極考察時開始思考嘅概念酒店。泡泡酒店一共有5個房間類型，分別為Una，Asta，Thorunn，Valdis，Maria。分別係半透明及全透明可以揀，每個類型嘅房費都係around HKD2,200-2,500，室內配有雙人床或大圓床，一個夜燈，兩個手提箱，適合2名成年人同1名兒童入住。
Photo from Instagram
Photo from Instagram

泡泡直徑為3米，而且都係鋁結構，採用充氣式搭建系統同無噪音嘅通風系統，以保證室內空氣清新，並根據恆溫器來調節溫度，防止濕度。
Photo from Instagram

咁樣住係泡泡屋就唔會怕夏熱冬冷啦～不過由於狹窄嘅空間，室內並冇盥洗室，但酒店係泡泡周圍配備咗相應嘅公共區域：衛生間、淋浴室同埋自助廚房。
Photo from Instagram
Photo from Instagram

創辦人 Robert Robertsson就係因為多年來嘅經驗同埋了解到大嘅需求，所以就設計出呢個透明泡泡屋，等大家可以喺郊外舒舒服服咁追光！不過雖然佢就叫酒店，但感覺就似旅館多D，用住酒店嘅價錢，住係呢個泡泡屋，仲要同人share bathroom，坦白講係就係貴啲，但有啲咁嘅環境又唔使捱凍追光，小編覺得都值得嘅～（真係見人見智！）
Photo from Instagram

小編覺得呢間屋有少少似倫敦嘅igloo泡泡屋～人一世物一世，好多野都要試下！如果小編去到冰島，都會豪一次住番一晚～試諗下同心愛嘅另一半係萬千星星下依偎係埋一齊，幸運時仲可以訓住睇極光，係幾咁浪漫～
Photo from Instagram

可以瞓住喺度睇極光，相信係好多人夢魘以求嘅事，哇！好正呀！
Photo from Instagram

小編都好想去旅行啊～又一個check list儲埋係袋仔！
Photo from Instagram

大家都可以上官網睇啊！

Text: Holiday editorial

Source： Instagram

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）