楊冪來港疑與女兒小糯米團聚！近3年無見，劉丹曾指孫女唔掛住媽媽
楊冪與劉愷威離婚後吸金力爆燈，穩坐內地一線女星之位。佢哋嘅女兒「小糯米」就由劉丹代為照顧。因為疫情原因楊冪同愛女已近3年無見過面，近日有爆料指楊冪與父母齊齊現身香港，更買咗唔少玩具，疑與小糯米相聚？！
Photo from 楊冪微博
與劉愷威離婚，楊冪離婚後吸金力驚人
楊冪與劉愷威於2013年結婚，婚後不久楊冪就誕下女兒「小糯米」，成為一女之母嘅楊冪演藝發展並未受到影響，佢主演嘅劇集《古劍奇譚》、《三生三世十里桃花》都十分受歡迎，楊冪狂接廣告代言，仲成為「嘉行傳媒」老闆之一。
Photo from 楊冪微博
Photo from 楊冪微博
不過楊冪同劉愷威2018年宣佈離婚，兩人表示會共同照顧撫養女兒小糯米，劉愷威其後亦離開公司嘉行傳媒，正式分道揚鑣。劉愷威最近公開與女星李曉峰拍拖，而回復單身後楊冪亦曾同其他男星傳出緋聞，但佢都未有承認戀情。
Photo from 楊冪微博
Photo from 楊冪微博
小糯米由爺爺劉丹照顧，楊冪與女兒甚少見面？！
離婚後楊冪與劉愷威嘅女兒小糯米由爺爺劉丹照顧，楊冪則專心喺內地工作，佢吸金力爆燈，更盛傳佢身價高達50億人民幣！楊冪雖然已36歲，一向keep得好嘅佢多次獲讚少女味濃，更被封為「少女冪」，完全唔似係一女之母。
Photo from 楊冪微博
Photo from 楊冪微博
女兒出生後就常與媽媽楊冪分隔兩地，喺綜藝節目《真正男子漢》第二季中楊冪就曾同女兒小糯米通話，當時佢哋未有咩交流，楊冪大部分時間都係同老爺（當時仍未離婚）劉丹對話，但臨收線時小糯米卻sweet爆話：「媽媽，I love you～」
Photo from 《真正男子漢2》
Photo from 《真正男子漢2》
Photo from 《真正男子漢2》
劉丹指孫女小糯米好少提及媽媽楊冪？！
楊冪因為喺內地工作，本已甚少見女兒，加上後來疫情，母女已有近3年未曾見過，劉丹出席公開活動時多次被問到會唔會安排小糯米同楊冪見面，佢都一概回應：「我真係唔知啊！」又表示甚少聽孫女提及媽媽，似乎小糯米已習慣媽媽唔喺身邊？！
Photo from 楊冪微博
Photo from TVB
楊冪被爆同父母現身香港酒店，帶玩具疑似與女兒團聚？！
不過隨住香港開關，母女終於有團聚機會，近日楊冪就被爆同父母喺香港酒店出現，仲帶住一袋LEGO玩具，疑似來港與現年8歲嘅愛女會面。一直以嚟外界都有唔少聲音指楊冪對女兒關心不足，咁耐無見小糯米恐怕已經唔認得媽媽。
Photo from 微博
Photo from 楊冪微博
Photo from 楊冪微博
但亦有內地網民反駁稱劉愷威一家唔帶小糯米返內地同外公外婆同媽媽楊冪見面，而要楊冪一家咁頻撲去香港，質疑楊冪去香港仲要住酒店，亦唔見男方家人做過咩安排！
Photo from 劉愷威微博
Photo from 微博
Photo from 微博
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
楊冪替身整容變本尊？連影相pose都「複製」！6年前未變樣舊照曝光！
28 Sep 2022
內地一線女星楊冪人氣極高，連帶佢拍戲嘅替身都惹人關注，早前有指楊冪《三生三世十里桃花》嘅替身卓亨瑜故意整容成楊冪，更將佢6年前舊照翻出，引起網民熱議。
Photo from 楊冪微博
Photo from 卓亨瑜微博
36歲嘅內地小花楊冪人氣高企，拍過唔少偶像劇，早已擠身一線女星行列。佢貴為一線花旦，拍劇當然都有替身啦！
Photo from 楊冪微博
楊冪拍《三生三世十里桃花》嘅替身都成為話題，楊冪替身叫卓亨瑜，未成名前曾經做過模特兒同臨時演員，做咗楊冪替身後知名度上升，有越嚟越多嘅工作機會。
Photo from 《三生三世十里桃花》
Photo from 卓亨瑜微博
卓亨瑜同楊冪外貌有幾分相似，所以做佢替身無違和感，但近日有指佢其實係整容整成咁樣！
Photo from 卓亨瑜微博
Photo from 卓亨瑜微博
微博上流傳卓亨瑜6年前嘅舊照，稱係佢「未動刀」嘅樣子，指佢喺呢幾年改頭換臉，而且連日常照都複製楊冪嘅pose，引起熱議。
Photo from 微博
Photo from 楊冪微博
Photo from 卓亨瑜微博
卓亨瑜就否認自己模仿楊冪。卓亨瑜已結婚，仲育有一個仔仔，佢喺微博晒出仔仔嘅相，佢仔仔眼大大都幾可愛，似乎側面反映佢並無整容。
Photo from 卓亨瑜微博
Photo from 卓亨瑜微博
Photo from 卓亨瑜微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
