日本興起笑容講座改善社交障礙參加笑容講座學控制表情每堂學費要呢個數

By jack on 14 Mar 2023

Digital Content Writer

隨著疫情放緩，世界各地開始放寬防疫措施，日本政府昨日（13日）宣布全面解除口罩令，市民可自行判斷是否需要戴口罩。民眾為防疫戴了口罩將近3年，忽然要「除罩」生活，難免會感到不自在。日本人向來著重社交禮儀，早前有調查指有9成日本人都抗拒除口罩示人，原因是對自己外貌缺乏自信，怕未能控制自己表情，不懂與他人相處，而當地即有人開辦「笑容講座」，教市民做出完美的微笑表情，增強自信。

Photo from TBS News YouTube

日本人抗拒除罩因為怕被人看見真面目

有日媒早前進行街訪，調查日本市民在口罩令撒銷後會否繼續戴口罩生活，當中訪問了50位不同年紀的市民，有40人表示會繼續戴口罩生活，有5人表示會除罩，有5人稱仍在考慮中。其中一名40歲以上的媽媽坦言不打算除罩，擔心除罩後自己或小孩會感染疾病。一位30歲以上的主婦則表示要視察一下社會狀況，害怕自己被感染，不敢即時除罩生活。當中有不少人直言害怕除罩後要以真面目示人，擔心自己的外貌與別人想像的有落差。亦有女生表示戴了口罩一段時間，逐漸忘記如何化妝，不想除罩示人。

Photo from TBS News YouTube

日本「笑容講座」應運而生一堂學費644港元

不少日本市民為除罩生活做準備，開始參加各種整理儀容的課程，包括美容療程、學化妝、美白牙齒等，而當中最特別的是教人表情管理的「笑容講座」，據指這個課程相當受歡迎，節目組特地採訪了一間開辦該課程的公司「「笑容表情筋協會」目黑店，負責人表示「笑容講座」每堂最多90分鐘，學費11000日圓（約644港元），該課程去年開始舉辦，1年後學生人數倍增，線上課程每日有4名學生參加，其中一名學生成田小姐表示自從一直戴口罩生活，習慣了用眼睛傳達笑意，漸漸不懂使用面部肌肉微笑，更開始擔心自己臉部下垂，所以自去年底開始，每月都會參加1次「笑容講座」學習微笑。

Photo from TBS News YouTube

戴口罩令臉部活動減少從而不懂微笑

專門為日本企業開授「笑容講座」的川野惠子早前接受當地媒體訪問，她表示自3月13日全面解除口罩令後，日本各地愈來愈多人委托她開辦「笑容講座」，在去年11月到今年1月期間，她開辦的課程比前一年多出兩倍，她指疫情期間，很多人怕張開嘴巴會令口罩移位，所以大部分時間嘴巴都停止活動，而嘴晚的肌肉與臉部肌肉相連，長時間沒有活動，臉部肌肉會變弱，令人變得目無表情。而她舉辦的課程主要教授大家控制面部肌肉，展示美麗的笑容。

Photo from NHK News

30秒簡單臉部肌肉訓練做出完美笑容

川野惠子老師坦言要做出完美笑容，嘴角要向上，同時展露上排8隻牙齒，下排牙則隱藏起來，眼睛不能太用力，要呈彎月形給人親切的感覺，其後她更介紹了一個簡單的臉部肌肉訓練，首先用上排牙咬著下唇，然後嘴角上揚展露出上排8隻牙齒，再擺出「O」字口型，維持10秒。每日重複以上動作1至3次，即可有效訓練臉部肌肉，改善微笑表情。

Photo from NHK News

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

12歲少女對外貌失去自信長期戴口罩！就連男友都未見過「真面目」？最終突破心防公開樣貌！

2 May 2022

受疫情影響，口罩不知不覺已經成為咗必需品。日本一名正值青春期嘅12歲少女因為長期配戴口罩，而對自己嘅外貌失去自信，堅持就算喺屋企或者學校食飯都要戴住口罩？！有節目組親自拜訪嘗試幫佢解開心結，並成功令佢嘅「廬山真面目」曝光！

Photo from 《探偵！ナイトスクープ》

12歲少女愛上戴口罩？

基於疫情關係，現時網絡上成日都會出現好多「口罩美女/型男」，然而部份人卻越來越害怕被其他人見到「除罩」後嘅面貌。一位日本媽媽就向當地綜藝節目透露12歲嘅女兒唔願意除口罩，連喺屋企都長期戴住！

Photo from 《探偵！ナイトスクープ》

屋企都全程戴著口罩！

當日綜藝節目《探偵！ナイトスクープ》親身拜訪12歲少女「捺月」嘅屋企，少女坦承自己由小學升上中學後，一直以來都係戴住口罩認識新朋友。口罩亦無形中融入佢嘅日常生活，令佢更加唔習慣喺大家面前除口罩，覺得「除罩」後非常唔自在。就算喺學校食午餐，佢都堅持食完一啖後立刻戴返口罩咀嚼食物，返到屋企都係咁，認為口罩能夠俾到安全感佢！

Photo from 《探偵！ナイトスクープ》
即睇更多人氣文章：
陳茵媺獲陳豪送超過200萬名牌袋！狂晒Hermès，最矜貴限量版曝光
 男子上班1小時被HR告知請錯人最後補償57元車馬費網民質疑事件有內幕

連男友都未見過少女樣貌！

其實少女現時正在熱戀中，男友係佢嘅中學同學；但最誇張嘅係連男友都尚未見過佢嘅「真面目」！據悉，二人約會嘅時候都時刻戴住口罩，少女擔心男友見到佢嘅樣貌時，會感到失望而唔再鍾意佢。

Photo from 《探偵！ナイトスクープ》

最終少女決定「除罩」！

經過節目組嘅勸喻，少女最終突破心房決定要除低口罩，並相約一班中學認識嘅朋友及男友到公園進行「除罩儀式」！抵達公園後，男友坦承非常期待見到女友冇戴口罩嘅樣貌，並有風度地先將口罩除低。眼見男友如此主動嘅舉動，少女亦逐漸敞開心房鼓起勇氣除低口罩。由於長期戴著口罩，少女嘅臉上都有「口罩印記」。

Photo from 《探偵！ナイトスクープ》

男友大讚少女樣貌可愛！

只見少女樣貌可愛清秀，青春無敵；而男友立刻大讚「是我見過最可愛的女生！」超sweet～而少女嘅媽媽亦終於可以放下心頭大石，並感謝節目組令女兒嘅外貌「重見天日」！

Photo from 《探偵！ナイトスクープ》

Text: HolidaySmart Editorial

100分女神「除罩」得返30分港男幻想破滅呻:點解向我落口罩降?

12 Aug , 2022

疫情關係大家都戴咗好多年口罩，不過就有人高呼遇到「口罩騙案」？有網民發文指面授課堂發現有女同學好受歡迎，但因為女神一直戴口罩而唔知女神真容，到有機會見到女神「除罩」，原來同佢想像中有好大出入，令事主崩潰問：「點解要咁過份向我落口罩降」。

Photo from 《女神降臨》劇照

有男網友係Dcard發文，以「Summer sem識咗個女神級女仔，但一除口罩...」為題，指暑期課程係面授上堂而返學校，發現一個以前無見過嘅女神級女仔，形容佢「眼大又瘦又白腳又靚仲有少少身材，把聲仲要勁甜」。而第一日上堂已經留意到男同學嘅視線經常停留係女神身上，而事主同班同學就成功邀請咗女神入組做組員！

Photo from 《女神降臨》劇照

事主話同組男同學都成日想約佢食飯或者出去玩，不過女神就以媽咪煮咗佢飯，或者家教好嚴要早返而拒絕。事主指一般女仔用呢啲藉口只會令人覺得好奇怪，不過「係靚女身上就只有加分、加分同再加分，咁正嘅女仔仲要係乖乖女，正呀！」，令事主更加採取主動攻勢，終於有一日約到女神放學後同事主單獨食飯！

Photo from 《女神降臨》劇照

事主形容「果刻真係興奮到XX」，並表示已經好多年無感受過約到女神單獨出街個種興奮，「一直以黎忍受嘅孤單寂寞凍係冇白費」，事主腦入面亦不斷幻想女神除罩嘅神聖一刻，不過幻想始終只係幻想。

Photo from 《功夫》劇照

後來事主見到女神真面目後，自稱個刻「心情由月球飛咗入銀河系中心黑洞」，直指對方未除口罩有100分嘅話，除咗口罩就得返30分，同事主幻想入面完全唔同，令事主失望到高呼「點解要咁過份向我落口罩降」。而原本嘅女神竟然「仲夠膽死問我除罩係咪差好遠哈哈」，事主只好繼續強顏歡笑黎掩飾自己嘅失望，答佢個個人除口罩都有唔同。

Photo from Dcard截圖

Photo from 《唐伯虎點秋香》劇照

兩人食完飯事主就打算可以「甩難」，點知女方竟然仲約事主睇戲，而事主一早講咗得閒，就勉為其難同佢行街睇戲，女方戴住口罩出街嘅回頭率更高到事主覺得有少少尷尬，到夜晚散場時仲戴住口罩同事主講玩得好開心，希望再同事主出街，令事主深感矛盾。

Photo from 韓劇劇照

後來女神同事主仍然有私下傳訊息，不過事主已經唔想再覆，但女神反而愈黎愈上心，知道事主有迪士尼金卡仲想約埋佢去玩，事主想拒絕又怕之後上堂會尷尬，於是發文求助。

Photo from 《唐伯虎點秋香》劇照

網民認為樓主嘅經歷好搞笑，讚佢文筆搞鬼，更指「有潮文feel，所以幾時都話而家呢個時期就唔好咁多幻想啦」，不過亦有唔少人好奇女神真身到底係點，先令比60分荃灣威威嘅樓主比30分呢個女仔；有人就認為樓主好膚淺，甚至有人建議樓主反正都去到呢一步，不如再了解下女神嘅為人先。亦有人提醒「建議大家唔好單憑對眼去定義男神女神，戴咗口罩真係人人都可以係靚仔靚女」。