施明開腦手術後自拍報平安，大壽前夕出事家人哽咽，李泳豪回覆詢問
去年年尾因意外頭部受創、需動開腦手術嘅施明，沉寂3個多月，昨日（16日）終貼出近照，雖仍未出院，但見到施明出post，網民紛紛鬆一口氣。
Photo from 施明 FB
大壽前夕出事，大仔哽咽
上年12月，藝人李泳豪媽媽、現年71歲施明生日前夕於家中不慎跌倒，導致頭部受到重創，需接受緊急開腦手術，其後於深切治療部昏迷留院，情況危殆。其家人對此十分擔心，大仔李泳漢當時接受傳媒訪問時更一度哽咽，表示：「只要佢康復返，要我做咩都可以」、「而家最緊要係佢個人冇事」，提到為媽媽準備嘅慶生飯，李泳漢大嘆：「我哋仲諗住遲啲擺大壽，地方都安排咗，（但）諗起阿媽生日都要喺醫院度過……」
Photo from 李泳豪 IG
鼎爺曾爆氣拒答前妻情況
其後，一家人均未有回應施明情況，繼細仔李泳豪於媽媽出事後出席活動引議，導致兄弟不和浮面，前夫李家鼎（鼎爺）再被問到施明情況時，一向低調處理家事嘅鼎爺拒答記者問題：「唔好提嗰啲嘢喇好冇？家事我唔想提。」更爆氣表示：「再問掟咪走！」
Photo from 李泳豪 IG
施明於FB報平安
時隔數月，施明仍未現身，唔少藝人、網民紛紛到其社交網站上留言，直至昨日（16日），施明終於FB上載自拍報平安，照片中，施明因開腦手術而剃光頭髮，頭部仍貼上紗布，並開重手濾鏡掩蓋臉上憔悴。見到施明出post，網民紛紛留言祝佢早日康復，亦有藝人如林盛斌(Bob)、胡渭康等留言。另外，有媒體就此事詢問細仔李泳豪，李泳豪則以短訊回覆：「?」，似乎為媽媽嘅事鬆一口氣。
Photo from 施明 FB
Photo from 施明 FB
施明係混血兒，70年代修讀麗的映聲第五期藝員訓練班，曾加盟無綫及亞視，有指施明有「陰陽眼」，近年主持有線電視《怪談》等靈異節目。施明1977年與李家鼎結婚，生下李泳漢、李泳豪二子，並於1994年離婚。據報，施明淡出幕前後，近年一直想復出。
Photo from 施明 FB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
李泳豪暗指李泳漢爆料勁不忿，大孖無奈回應！李家鼎處理家事心力交瘁
8 Dec 2022
施明喺家中跌倒受傷，情況嚴重需入ICU。細仔李泳豪接受訪問時發火暗指係孖生哥哥李泳漢爆料，更叫對方唔好講咁多嘢！而大孖李泳漢則平靜回應細佬，爸爸鼎爺亦力撐大仔，不過佢坦言自己得知前妻入院都徹夜難眠。
Photo from TVB
施明受傷入院，李泳豪怒極暗指哥哥放料
現年71歲嘅施明日前喺屋企跌倒，由於頭部受傷情況緊急，現時留醫ICU。施明受傷消息傳出，外界指媽媽受傷後李泳豪仲同老婆一同出席活動，面色如常，又影合照放閃，似乎唔係太重視媽媽受傷呢件事，有唔少批評聲音。
Photo from 李泳豪IG
Photo from TVB
Photo from TVB
成為「眾矢之的」嘅李泳豪接受娛樂新聞台訪問時卻爆seed回應，更將矛頭直指孖生哥哥李泳漢，暗示佢就係爆料人。佢表示自己同爸爸鼎爺本身想低調處理，但有人放料畀傳媒知媽媽受傷嘅事令佢相當憤怒。
Photo from 李泳豪IG
Photo from 李泳豪IG
李泳豪句句有骨
李泳豪指：「我同鼎爺不嬲都話家事呢啲嘢唔會講，但有人就咁講咗出嚟，之後就好多謠言滿天飛，所以有啲人真係唔好再講嘢。」被問到有無同哥哥聯絡，李泳豪表示：「我唔需要同佢聯絡，佢亦無同我聯絡，我能夠叫佢做嘅，就係唔好講咁多嘢！」
Photo from TVB
Photo from 李泳豪IG
主持人問佢係咪即係哥哥爆料，李泳豪似有所指：「呢啲我相信觀眾明就會明㗎喇，其他人睇到都知咩事！我淨係想講佢唔女好講咁多嘢。」李泳豪亦解釋佢喺媽媽入院後如常出席活動因為佢係藝人，又一早應承咗人哋會出席，另外佢亦唔想外界知道媽媽受傷一事，所以一直表現到好似咩事都無咁。
Photo from TVB
Photo from TVB
李家鼎為大孖李泳漢澄清
李泳豪公開質疑係哥哥放料，兄弟不和浮面。不過爸爸李家鼎就為大仔澄清指一定唔係阿漢講出去，力撐對方唔會咁做。對於李泳豪不滿哥哥鼎爺則指呢啲家事佢會處理。前妻入院後鼎爺亦相當擔心，佢坦言自己都4點先瞓。
Photo from 李泳豪IG
Photo from 李泳豪IG
被細佬指責嘅李泳漢就表示鼎爺已為佢澄清並非佢爆料：「佢（李泳豪）仲要咁講我都無辦法。」佢指唔想兩兄弟隔空對話：「佢（李泳豪）鍾意點講就點講。」又指近日有好多傳媒搵佢，佢全部都無回應，現階段只想媽媽無事，其他嘢唔想再講。
Photo from 李泳豪IG
李泳豪否認媽媽施明同太太不和
其實之前李泳豪婚禮，媽媽施明同哥哥李泳漢都無出席，當時就有指施明不滿新抱Agnes年紀大屬高齡產婦，但李泳豪就表示根本無婆媳不和，兩人相處無問題。
Photo from TVB
Photo from TVB
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
