「東涌羅浩楷」利愛安直髮新造型變化超大 一改經典佛祖頭 背心上陣性感有自信
利愛安（Kirsten）於2021年參加香港小姐面試落選，不過當時她憑搶眼外型及獨特氣質成功突圍，公開亮相一刻即引起全城熱話，獲網民封為「東涌羅浩楷」及「佛祖」。其後再經「抽水王」林作加持，利愛安成為話題人物，並簽約TVB成為旗下藝人，擔任節目主持及拍劇，發展順利。近日利愛安於社交網分享自拍照，一改以往的「佛祖」頭，豔妝上陣，全新造型獲網民大讚！
Photo from 利愛安 IG
黑長直髮新造型一洗「佛祖」味
利愛安最近在IG及TikTok分享多照自拍照，可見她把頭髮拉直，以全新黑長直髮型示人，又化上濃妝，畫了橘紅色眼影，塗上粉紅色唇膏，身穿吊帶背心亮相。她更自拍短片，擺出不同的動作，對鏡頭放電，又留言：「I am fab！（我很棒）」、「I am cute！（我很可愛）」表現自信又性感，與從前斯文及充滿年代感的形象有很大反差。利愛安的全新形象獲不少網民讚好，指她除下眼鏡，留了一把黑直長髮，再化上美豔妝容，造型好看且魅力十足！
Photo from 利愛安 IG
Photo from 利愛安 IG
Photo from 利愛安 IG
Photo from 利愛安 IG
Photo from 利愛安 IG
前年客串《愛回家》飾演工人姐姐獲讚搞笑
前年8月利愛安在TVB處境喜劇《愛回家之開心速遞》首次亮相，她飾演工人姐姐Naomi，在劇中是菲傭Liza（姜麗文飾）的同鄉。劇中利愛安留了一頭中分曲髮，戴上黑框眼鏡，演出入型入格，亮眼的表現獲網民好評，其後更戲份大增，與陳榮峻飾飾人氣角色「譚道德」有多場對手戲。當時有不少網民大讚利愛安演出可愛，更期望劇組可增加利愛安與姜麗文的戲份，開設一段描寫菲傭生活趣事的支線劇情。
Photo from 《愛回家開心速遞》
Photo from 《愛回家開心速遞》
Photo from 《愛回家開心速遞》
Photo from 利愛安 IG
林作讚利愛安有喜感是「進化版鍾麗緹」
利愛安參加2021年港姐面時引起一時熱話，當時「抽水王」林作自稱是利愛安的提名人，讚對方有「佛相」，看好她奪冠，其後利愛安受訪澄清，指陪她參加面試的哥哥才是真正提名人，更直言不認識林作本人，當時許多網民紛紛批評林作一直消費他人博取關注，但事主利愛安則自言沒有介懷，表現大方。其後利愛安與林作合作拍廣告，利安愛坦言獲林作介紹接下廣告代言工作，而林作又大讚她喜感十足，稱她是「進化版鍾麗緹」，風格獨特有趣，入行會有很大優勢。
Photo from 林作 IG
Photo from 林作 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
林作批評港姐質素，疑似收到大台律師信！被要求履行4大條件！極力懷疑寄信人身份：真係好伏feel
1 Jan 2022
現年32歲嘅林作一向都鍾意口出狂言，經常因為太過直接而引起熱議。最近，佢於IG上載有關「麥大力做返機師年薪達到200萬」嘅新聞，直指年薪太少；其後再將香港小姐比喻為銷售行業，並以「豬趴（扒）」形容大部分嘅港姐。直到昨晚（31日），佢表示收到一封自稱係大台寄出嘅email，令佢質疑是否屬實？！
Photo from 林作IG
傳機師麥大力將離巢做機師，年薪高達200萬？！
早前，有傳於2020年獲得《衝上雲霄大選》冠軍嘅麥大力（Derek）即將離巢，再做返機師！據悉依照Derek多年來嘅飛行經驗，佢已經達到機長級別，年薪可以達到200萬，同做藝人嘅薪酬差天共地。然而，麥大力喺接受媒體採訪時否認離巢傳聞。
Photo from 麥大力IG
林作認為機師年薪200萬太少！
現時已經投身保險界嘅林作睇到新聞後，就忍唔住喺IG發表自己嘅睇法，指「如果機師係一年得200萬，咁我唔會做機師。太少了。」認為投身銷售行業能賺到更多錢！隨後佢又於IG補充指自己由今年到5月為止，已經剛好賺到200萬！
Photo from 林作IG
以「香港小姐」比喻銷售業！
其後，林作以香港小姐比喻銷售業「香港小姐根本唔難選 - 每年選嘅人好多，但9成係豬趴（扒），一喺電視城落車你就知。最出名嗰個叫東涌羅浩楷（即藝人利愛安）」，仲認為賺到年薪200萬並唔難！以上嘅言論掀起熱議，不過大部分網民都唔太認同佢獨特嘅諗法。
Photo from 林作IG
Photo from 利愛安IG
疑似收到大台寄出律師信？！
直到昨晚（31日），林作於IG表示收到自稱係大台法律及規管事務部所寄來嘅email，內容大約係批評林作發表針對有關《香港小姐競選》以及旗下藝人利愛安嘅言論。根據上載嘅email截圖，要求佢作出以下4個行動：
1 停止於社交媒體發佈有關言論，並且刪除貼文
2 向大台以及藝人利愛安作出書面道歉，澄清言論與事實不符
3 在Instagram帳戶顯眼位置，刊登上述第二項的書面道歉及澄清最少24小時
4 向電視台書面保證已經履行上述要求
Photo from 林作IG
Photo from 林作IG
林作懷疑email真實性！
然而，睇返林作收到之後並冇感到特別驚慌，並懷疑對方嘅真正身份「封Email係咪真係TVB出架……大家點睇？認真問?」隨後仲表示自己正在收看Johnny Depp及前妻Amber Heard嘅案件直播，講笑話係為將來做準備？！而截止現時為止，林作都未有將該貼文刪除，似乎對律師信嘅真實性存疑。
Photo from 林作IG
Photo from 林作IG
網民建議
部份網民認真地提出意見，認為林作應該直接致電大台查詢確定email嘅真偽；亦有網民講笑咁話「你都係律師啊（曾經）」等。
Photo from 林作IG
相關文章：余文樂NFT拍賣金額破亞洲紀錄！狂賺逾1億港幣！被林作反斥：只係靠炒
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
袁嘉敏疑不滿鍾培生與女星來往爆內幕？林作出售對話紀錄賺錢被鬧爆
4 Apr , 2022
袁嘉敏早前連環爆料斥鍾培生，兩人關係撲朔迷離。有指袁嘉敏之所以咁嬲係為咗鍾培生爭風呷醋，不滿佢同另一女星來往，於是大爆料。另一方面林作就喺IG公開出售同袁嘉敏嘅對話紀錄，被袁嘉敏直指「這種男人也真悲哀」。
Photo from 袁嘉敏 IG
鍾培生承認有向袁嘉敏提供經濟支持
雖然鍾培生發文指因為性格不合早就無再同袁嘉敏見面，但佢承認的確有向袁嘉敏提供經濟支持。而袁嘉敏亦極速回應，表示有收過錢：「他自己堅持要畀，全部是他主動提議。」
Photo from 鍾培生 IG
林作晒對話紀錄抽水賺錢惹袁嘉敏不滿
袁嘉敏又爆自己當鍾培生係細佬咁，唔止陪對方練拳，仲幫佢改伴郎份講稿，兩人關係非常密切！與此同時同鍾培生甚有淵源嘅林作亦喺Facebook公開與袁嘉敏嘅對話紀錄，並表示：「本人已和飛離香港的袁小姐取得聯繫。欲知對話內容，請DM本人。位位5舊。本人只接受PayMe / 轉數快。」
Photo from 袁嘉敏 IG
Photo from 林作 IG
Photo from 林作 Facebook
其後林作再晒一個轉帳紀錄：「你地係咪痴線架！搞到我成晚都冇訓過！收錢收到手軟」，又指收$500太少。袁嘉敏不忿被林作擺上台，喺IG Story怒斥對方，佢稱自己提供唔少拳賽免費門票畀林作，但林作為$500就出賣朋友：「這種男人也真悲哀」。
Photo from 林作 IG
Photo from 林作 IG
Photo from 袁嘉敏 IG
袁嘉敏稱曾與鍾培生關係要好
袁嘉敏曾表示唔會再回應事件，但有關爆料涉及嘅人越嚟越多，除咗陳詩欣老公外，再有一名女星都與事件有關？！
Photo from 袁嘉敏 IG
有指袁嘉敏之所以咁嬲，全因佢同鍾培生喺去年感情要好，袁嘉敏亦提及過鍾培生事無大小都同佢傾訴，又聲稱對方主動打電話同佢傾心事「叫我每個電話收返他錢」。
Photo from 袁嘉敏 IG
有傳袁嘉敏不滿鍾培生與葉蒨文來往
但兩人嘅關係卻從未公開，傳袁嘉敏不滿鍾培生與女星葉蒨文（Sophie）來往甚密，一同出席公開活動，於是一怒之下大爆料？而葉蒨文就承認同鍾培生識咗好多年，但並非單獨出席活動，而係成班人一齊去。
Photo from 葉蒨文 IG
Photo from 葉蒨文 IG
葉蒨文更喺IG Story大晒與男友合照放閃，慶祝拍拖4周年，雖然無公開到男友正面，但力證自己與男友感情穩定！
Photo from 葉蒨文 IG
袁嘉敏否認收鍾培生近百萬經濟緩助
袁嘉敏被指獲鍾培生「經濟支持」，報道稱每次都有一筆可觀嘅進帳，合共收取近百萬！袁嘉敏否認有關傳聞，直言收嘅錢數目好少，不值一提。佢曾喺IG Story表示佢多次拒絕收錢，只係鍾培生堅持要畀。
Photo from 鍾培生 IG
Photo from 袁嘉敏 IG
Photo from 袁嘉敏 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
