download HolidaySmart 假期日常 app
李嘉欣晒Hermès手袋，衣著品味被質疑！網友狠批：扮後生反而顯老

李嘉欣晒Hermès手袋，衣著品味被質疑！網友狠批：扮後生反而顯老

娛樂新聞
By Jennifer on 20 Mar 2023
Digital Editor
今晚食乜餸：小二，嚟一碟花生！

現年52歲嘅李嘉欣向來有「大美人」之稱，佢平時都會喺IG大晒靚相。近日佢就公開一張近照，拎住Hermès手袋嘅佢悉心打扮，卻被指品味欠佳？！以往李嘉欣亦常被指「無品味」，即睇佢嘅「出事造型」！

現年52歲嘅李嘉欣向來有「大美人」之稱Photo from 李嘉欣 IG

李嘉欣到大阪環球影城遊玩

「大美人」李嘉欣結婚後就無再接拍影視作品，但佢向來識得享受人生，不時會喺IG晒出打卡照，現年52歲嘅李嘉欣通常都會打扮得高貴大方，有時亦會同老公許晉亨合照，十分sweet～

「大美人」李嘉欣同老公許晉亨結婚後就無再接拍影視作品Photo from 李嘉欣 IG

最近李嘉欣就去咗大阪環球影城玩，佢公開唔少打卡照，仲有玩機動遊戲嘅自拍，睇嚟佢都玩得好開心。而近鏡見到李嘉欣果然無愧「大美人」嘅稱號，狀態超好，比實際年齡更年輕！

最近李嘉欣就去咗大阪環球影城玩，佢公開唔少打卡照Photo from 李嘉欣 IG

近鏡見到李嘉欣果然無愧「大美人」嘅稱號，狀態超好，比實際年齡更年輕！Photo from 李嘉欣 IG

晒Hermès手袋被指「扮後生」

日前李嘉欣晒出近照，相中佢著上黑色上衣，配灰色白摺裙，加上波點絲襪，打扮相當少女，最搶鏡嘅當然係佢拎住嘅Hermès手袋，其橙色皮革一睇就知價值不菲，保守估計炒價已超過$50萬！不過有網友就直言唔識欣賞佢嘅打扮：「像鍾楚紅、米雪、毛舜君般打扮會自然很多、年輕很多，你咁樣扮後生反而顯得老」，又有人指：「美人敵不過歲月！」

日前李嘉欣晒出近照，相中佢著止黑色上衣，配灰色白摺裙，加上波點絲襪，打扮相當少女，最搶鏡嘅當然係佢拎住嘅Hermès手袋Photo from 李嘉欣 IG

有網友就直言：「你咁樣扮後生反而顯得老」Photo from 李嘉欣 IG

有網友就直言唔識欣賞佢嘅打扮Photo from 李嘉欣 IG

有網友就直言唔識欣賞李嘉欣嘅打扮Photo from 李嘉欣 IG

螢光黃外套、銀色珠片褲

其實唔係第一次有人質疑李嘉欣嘅品味，之前佢同老公許晉亨合照就著上Bra Top配銀鏈，下身著銀色珠片褲、外面再搭螢光黃外套，真係唔係個個都carry到！連許晉亨都似乎被佢氣場壓倒，彈開咗成個身位！

李嘉欣著上Bra Top配銀鏈，下身著銀色珠片褲、外面再搭螢光黃外套Photo from 李嘉欣 IG

紅色格仔短裙、黑色長靴內襯花紋褲襪

之前李嘉欣曾post過一張喺樓梯影嘅相，拍攝角度成功令佢望落身型相當修長，但杏色外套配紅色格仔短裙，黑色長靴內襯花紋褲襪，呢身穿搭被網友狠批：「品味真的很差，穿的是啥啊！」、「搭配真亂，不高級也不fashion」

杏色外套配紅色格仔短裙，黑色長靴內襯花紋褲襪Photo from 李嘉欣 IG

網友狠批：「搭配真亂，不高級也不fashion」Photo from 李嘉欣 IG

悉心打扮但造型出事，網友直言品味差

新年時李嘉欣同老公帶埋狗仔齊齊影相，其中一身打扮戴咗灰色貝雷帽，粉紅色上衣配菱形牛仔褲，外搭紫色長款外套，再孭上桃紅色手袋，成身顏色相當豐富。另一身造型則係粉色連衣裙襯黑色粗belt，外搭毛毛背心，腳上著咗長筒靴，同樣孭咗桃紅色包包。

李嘉欣戴咗灰色貝雷帽，粉紅色上衣配菱形牛仔褲，外搭紫色長款外套，再孭上桃紅色手袋Photo from 李嘉欣 IG

另一身造型則係粉色連衣裙襯黑色粗belt，外搭毛毛背心，腳上著咗長筒靴Photo from 李嘉欣 IG

雖然睇得出李嘉欣好悉心打扮，但唔少網友直言佢啲造型「出事」：「顏值爆表，但衣品好差」、「一如既往的品味堪憂」，甚至叫佢：「好好找個造型師吧」

雖然睇得出李嘉欣好悉心打扮，但唔少網友直言佢啲造型「出事」Photo from 李嘉欣 IG

網民：「顏值爆表，但衣品好差」Photo from 李嘉欣 IG

網友留言：「品味真的很差，穿的是啥啊！」Photo from 李嘉欣 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

更多相關文章

李嘉欣兒子做網紅拍片教打機　大眼睛似媽咪！網友讚表現專業

19 Apr 2021

大美人李嘉欣（Michele）同老公許晉亨嘅兒子許建彤（Jayden）向來都好保護，甚少畀 Jayden 嘅樣曝光，就算喺社交網 post 合照都會盡可能遮咗兒子嘅正面，鮮有畀佢公開。而最近 Jayden 就有意成為 Youtuber 教人打機。

Photo from 李嘉欣/weibo

唔經唔覺 Jayden 已經 10 歲，自小品學兼優、才藝出眾嘅佢盡得夫母嘅優良遺傳。對上一次喺公開場合見到佢已經係兩年前 Michele 一家三口齊齊出席慈善活動，當時 Jayden 著上西裝戴着眼鏡，顯得乖巧斯文，樣子則比較似爸爸。

Photo from 李嘉欣/IG

不過原來 Jayden 唔止讀書叻，打機都好叻㗎。最近佢更有意進軍 YouTuber 界添！

Photo from NeonGaming369/YT

Jayden 喺 YouTube 中開設咗個人嘅 YouTube channel 分享自己打《Call Of Duty Mobile》（決勝時刻: Mobile）嘅心得，目前佢嘅 channel 雖然只有 5 條短片，但就己經有逾 400 人 follow。

Photo from NeonGaming369/YT

片中 Jayden 全程以英文講解遊戲同秘訣，講得都相當流暢㗎。而 Jayden 嘅一雙大眼睛仲激似媽咪，炯炯有神十分精靈。

Photo from NeonGaming369/YT

Photo from NeonGaming369/YT

唔少網民睇完佢嘅解說後更大讚佢表現專業，睇嚟 Jayden 相當有潛質成為遊戲界嘅 YouTuber。

Photo from NeonGaming369/YT

Jayden 教玩《Call of Duty Mobile》貼士及技巧：

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

娛樂新聞Hermès李嘉欣