Race黃婉佩@2R成商界女強人！網上地產平台成功於美國上市！創下歷史！

By Wing Ws on 24 Mar 2023

Digital Content Writer

女子組合2R成員Race（黃婉佩）2011年退圈後，並與妹妹Rhonda（黃婉球）一同創辦網上地產平台Ohmyhome，日前公司於社交平台宣布喺美國上市嘅消息，仲創下歷史，成為首間由女性創立兼於美國上市房地產公司，非常犀利！

Photo from 黃婉佩 IG

三姊妹都係女強人！

女子姐合2R於2002年出道，當時，Race（黃婉佩）憑偶像劇《當四葉草碰上劍尖時》收獲話題，成為唔少人嘅女神。自2011年退出娛樂圈後，兩姊妹各有發展，家姐Rosanne（黃婉君）於2009年同混血牙醫Derek（白恩庭）結婚，婚後育有2子，老公喺中環開牙醫診所，Rosanne亦推出咗個人品牌。妹妹Race於2016年與年長佢19歲嘅房地產富商David Loh結婚，婚後育有一子一女，並定居新加坡，Race不時於社交平台上晒出生活照，曝光豪宅，有指豪宅市值超過1億。雖然生活無憂，但Race仍繼續事業，更聯同細妹Rhonda（黃婉球）一同創辦網上地產平台Ohmyhome。

Photo from 《第29天》MV

Photo from 《當四葉草碰上劍尖時》劇集截圖

Photo from ohmyhomesg IG

成首間由女性創立兼於美國上市房地產公司

近日，Ohmyhome於社交平台上宣布，公司喺美國納斯達克（NASDAQ）證卷交易所正式上市，Race及Rhonda姊妹二人更身穿印有公司名嘅橙色外套，於紐約地標之一嘅華爾街銅牛(Charging Bull)前合照，家姐Rosanne都有現身撐場。其後，Race、Rhonda、公司員工及合作夥伴等舉行收盤敲鐘儀式，順利敲響收盤鐘。據知，Ohmyhome以每股4美元價格，發行380萬股普通股，公司首日嘅開市價為3.8美元，閉市為4.07美元，當日文易股價收高1.75%。與此同時，Ohmyhome係今年第一家喺美國上市嘅新加坡公司，並成為第一家喺美國上市兼僅由女性創辦嘅房地產科技公司，創造歷史！

Photo from ohmyhomesg IG

Photo from 黃婉君 IG

Photo from 黃婉佩 IG

新加坡評論最多、評分最高房地產交易平台

Ohmyhome係一間提供一站式房地產平台，以數據驅動方式營運，為客戶提供房地產解決方案及服務。於2016年成立以來，Ohmyhome成功交易逾萬個房產，幫助數千戶家庭，亦收獲唔少客戶好評，係新加坡評論最多、評分最高的房地產交易平台，評分更達4.9星！

Photo from 黃婉佩 IG

共同演講提成長經歷

生意搞到有聲有色，相信兩姊妹都落足心機！談到創辦平台嘅初衷，兩位創始人Race及Rhonda於收盤敲鐘儀式嘅共同演講中提到：「身於一個移民家庭，喺成長過程中，我哋搬家達20次，因為明白房屋交易中嘅美好願景及沮喪，以及呢啲情緒對一個家庭嘅影響，我哋知道必須以誠實正直嘅態度處理房屋交易，呢個都係Ohmyhome代表嘅價值觀。」

Photo from 黃婉君 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

TVB前「御用丫鬟」李焯寧做咗政協，由妹仔做到轉戰商界開公司做CEO，再踏足政界！

21 Feb 2023

TVB前「御用丫鬟」李焯寧為無線效力10年，相信唔少觀眾對佢都有印象，不過今日令大家佩服嘅係，10年前呢位大家印象中做丫鬟嘅演員，做到開公司變CEO，仲踏足政界做政委！

Photo from 李焯寧 IG

做10年「妹仔」

現年43歲嘅李焯寧，於2000年加入TVB，自第一個正式角色係《金裝四大才子》嘅婢女「安安」，其後接拍嘅幾個古裝劇角色都係丫環、妹仔，因此被封為TVB「御用丫鬟」。

Photo from 《金裝四大才子》劇照

離巢後角色戲份增加

李焯寧喺TVB工作嘅10年多為小角色，自覺未有突破嘅佢喺2010年約滿後離巢，其後加入HKTV，拍咗5部電視劇，角色唔再限於「妹仔」，有更多發揮。2017年再於TVB拍《使徒行者2》，飾演臥底「梁斯敏」，戲份增加不少，演技獲觀眾大讚。翌年，李焯寧決定北上拍劇，曾出演《戰毒》、《家族榮耀》、《黑金風暴》等電視劇，最為人熟悉嘅係古裝劇《九流霸主》中「德妃」一角。