陳家樂連詩雅過大禮氣勢迫人！成枱金器大晒「流星錘」龍鳳鈪

By Pat on 27 Mar 2023

Digital Editor

一對準新人陳家樂與未婚妻連詩雅（Shiga）即將於4月24日舉行婚禮，時間尚餘不到一個月，家樂就表示婚禮的籌備已經進行得七七八八，而且各兄弟姐妹亦都準備好，早前Shiga就跟一眾閨蜜舉行婚前派對（Bridal Shower），其後馬不停蹄地準陳生陳太就舉行過大禮儀式，而且過大禮的份量十足，金器海味多到要放在地上，絕對是氣勢迫人！

Photo from carlosbb@IG

舉行婚前派對自組最強女團

隨著婚禮越來越接近，Shiga的心情明顯亦越來越雀躍，日前更加舉辦婚前派對（Bridal Shower），跟一眾好朋友大玩特玩，而且陣容盛大，位位都像Shiga一樣身型苗條，而陳自瑤亦是座上客之一，派對以粉紅色作為主題，可見一班姐妹亦身穿碎花長裙，席間可見Shiga亦很高興地滿場飛敬酒。

Photo from shi_ga@IG

Photo from 網上圖片

過大禮龍鳳鈪誇張到放滿枱面

舉行完婚前派對之後，家樂就跟一班好兄弟上到Shiga家中過大禮，而根據照片可見，過大禮的禮品超級浮誇，足足有一條5隻連環串的金豬牌、另外還有7對超巨型龍鳳鈪，其中2對更加是「流星錘」的Size，另外多套首飾包括頸鏈、耳環與手鏈等，帶兩對在手已經可以上到手臂，還未計海量的參茸海味與及水果籃，門面功夫做到十足十！

Photo from shi_ga@IG

Photo from carlosbb@IG

Photo from shi_ga@IG

Photo from carlosbb@IG

陳家樂事後就於個人IG表示：「準備咗幾日，今日終於過大禮，開頭以為好輕鬆，但原來都係緊張到訓唔到覺，好在兄弟多，今日著晒波衫唔踢波黎幫我做搬運工人。」據知家樂之所以可以咁大排場全因有英皇老闆楊受成支持，金器首飾全部購自英皇珠寶，可以想像到大婚當日一定會更加隆重！

Photo from carlosbb@IG

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

陳家樂向連詩雅求婚成功，證實訂婚消息！二人情史同樣豐富！女方曾自爆4年內愛19位男生、男方緋聞對象大多係合作演員？！

Jun 7, 2022

藝人陳家樂今日（7日）驚傳求婚成功，與緋聞女友連詩雅（Shiga）結束2年地下情，正式拉埋天窗！有傳二人喺同朋友一齊出海釣墨魚時求婚成功，而陳家樂亦回覆媒體承認訂婚一事，但就尚未確定結婚日子，將會集中精神將手頭上嘅工作完成先，有好消息將會再作公佈～恭喜晒！

Photo from 《12個夏天》

陳家樂連詩雅2019年拍攝旅遊節目結緣！

陳家樂同連詩雅（Shiga）發展地下情長達2年，雖然並未有對外承認戀情，但已經係圈中公開嘅秘密～據悉二人喺2019年拍攝旅遊節目《十二個夏天》而認識，但當時二人都各有對象：Shiga同音樂才子徐浩交往中；而陳家樂就同陳瀅傳出緋聞。後來，佢哋因為同樣熱愛戶外運動而變得熟絡，繼而發展成情侶關係。

Photo from 娛樂新聞台

Photo from 連詩雅IG

船上求婚過程公開！

據悉，陳家樂當日相約女友以及朋友一齊出海釣墨魚；不過好戲在後頭，當Shiga再次回到船艙時，陳家樂突然跪地求婚，成功用誠意打動對方，二人2年嘅戀情正式修成正果！隨後，陳家樂透過所屬經理人公司承認已經訂婚「但係結婚日子未有確實嘅計劃，因為我哋手頭上仍然有好多工作要專注完成先，遲啲有好消息一定同大家分享。」

Photo from 《12個夏天》

連詩雅情史豐富，曾自爆4年內戀上19個男生！

其實二人自入行以來感情生活都非常豐富，曾多次傳出緋聞，女方仲自爆4年內戀上19個男仔。連詩雅剛出道時發展不錯，憑電影《喜愛夜蒲》人氣急升；直到2015年被爆與前男友曲赤嘅親密照片，其後佢開記者招待會承認16歲時與男方交往過，但並唔清楚照片流出嘅原因。

Photo from 連詩雅IG

坦承年少時誤打誤撞戀上有婦之夫？！

之後，連詩雅接受訪問時坦承16、17歲時曾與「永安太子爺」郭永淳交往，二人關係只係維持咗幾個月就結束！但佢分手後先知道對方係有婦之夫，仲因此被網民冠上「小三」之名，而佢亦因此而傷心流淚。其後，佢同王浩信喺2006年拍攝《愛你便愛》MV時擦出愛火，二人交往咗幾個月。

Photo from Miki IG

Photo from 《愛你便愛》MV

多次與合作男演員傳緋聞

2012年，連詩雅與周柏豪傳出緋聞，不過佢哋解釋佢哋已經相識10幾年，只係兄妹關係。其後，拍攝電影《喜愛夜蒲》系列時，因為同對手關楚耀有多場親密對手戲而傳出緋聞。當時關楚耀喺受訪時表示拍攝期間身心都有反應，仲因此愛上對方；搞到被關楚耀前圈外女友不停於社交媒體大罵Shiga係「小三」，男方後來澄清二人絕無發展空間，但Shiga已經因此而形象插水！

Photo from 娛樂新聞台

Photo from 關楚耀IG

先後戀上「麻將館大王」太子爺石恆聰、音樂才子徐浩

2014年，連詩雅傳出與「百億麻將館大王」太子爺石恆聰拍拖。2017年，佢就傳出與音樂才子徐浩熱戀，但當時一度盛傳佢與石恆聰「重燃愛火」，不過對方最終選擇同阿Sa一齊，而佢亦正式與對方斷絕來往，與徐浩相戀。其後佢於2020年出席活動時承認於2019年年尾與徐浩分手，結束2年多感情，二人再見亦是朋友！

Photo from 連詩雅IG

Photo from 徐浩IG

陳家樂入行後都緋聞不斷！

陳家樂入行後都曾傳出唔少緋聞㗎～2013年，陳家樂與林欣彤疑似因拍攝《DIVA華麗之後》而戲假情真；然而當時女方正與羅孝勇交往中，有傳二人亦因此而分手收場。

Photo from 《DIVA華麗之後》

Photo from 羅孝勇IG

被前女友「Emily-EY」爆料

後來，有一位名叫「Emily-EY」嘅女網民自稱係陳家樂交往多年嘅女友，突然於微博大爆遭男方背叛，暗示對方一腳踏幾船等；而陳家樂亦承認該女子係前女友，當時表示想一心專注工作先！

Photo from 陳家樂IG

Photo from 微博

與余香凝約4年情最受關注！

2014年，陳家樂因為拍攝《總有出頭天》與余香凝擦出愛火，二人愛得高調，經常一齊出席活動及大晒甜蜜合照，當時男方仲向傳媒承諾會於5年內與女友結婚！直到2018年，二人分手嘅消息傳出，而女方仲被拍到疑似移情別戀金融財俊Victor。後來余香凝否認因第三者介入導致感情決裂，而陳家樂就喺接受傳媒訪問時忍唔住傷心落淚，一度引起網民熱議。