蕭若元拍片回應王晶言論，指6條橋拍成世：佩服40年堅持拍爛片！

By Wing Ws on 29 Mar 2023

Digital Content Writer

馮淬帆怒罵王晶一事掀起熱議，當中，王晶嘅回應提及到嘅前電視、電影編劇蕭若元昨日拍片，以多年同事及對其認識講述王晶為人及工作態度，蕭若元講明話唔會鬧王晶，不過就全程以明讚暗踩方式評論，仲話王晶6條橋拍足40年。

Photo from memehongkong YouTube

早前，馮淬帆怒罵導演王晶一事引起熱議，當時王晶於微博發文反擊：「之前有個姓蕭的，自以為是燈神，再有個姓杜的，自以為是食神，今天又跑出個姓馮的，患上被害妄想症，自以為是八旦神。錢導你大發慈悲譲他繼續治療吧，用病人當演員省不了多少，還違法。」當中，疑似被批評為「燈神」嘅蕭若元昨日（28日）連出兩條片講王晶。就被王晶批評為「燈神」一事，蕭若元表示：「我唔會鬧王晶嘅，即佢無端端講個姓蕭嘅去咗台灣，以為自己係燈神，我都唔介意，我嘅自信堅強到不得了......係因為我講嘢比較一致，廿幾年如一日，價值觀念同行為都有原則。」

Photo from 王晶微博

暗示王晶無料

《公子多情》係蕭若元及王晶第一部合作嘅作品，但大橋、角色都係蕭若元諗出嚟，另外，《鹿鼎記》、《倚天屠龍記》、《至尊卅六計之偷天換日》、《九品芝麻官之白面包青天》等作品，雖然編劇係王晶，但蕭若元表示條大橋都係自己度。而另一部成績唔錯嘅《絕代雙驕》原本係由曾志偉執導，但之後轉咗畀王晶「執尾」。

Photo from memehongkong YouTube

佩服王晶40年堅持拍爛片

講到對王晶嘅睇法，蕭若元表示：「如果一個人一生堅持做一樣嘢，由頭到尾，我一定敬佩佢嘅」，而王晶「佢竟然可以堅持40年都係拍爛片，無論你有幾多錢畀佢，佢都係拍一部爛片出嚟」，又提到拍片時都賭錢，直指王晶「從來做事唔認真」、「40年貫徹拍爛片／唔認真嘅精神」：「除非嗰條友會揼佢......佢就會認真啲拍戲，如果唔係佢平時拍戲，喺度賭馬喎，開枱打麻雀都夠膽喎，叫個副導演喺度拍」，但用好多時間「溝老細、明星」。唯一「認真少少」嘅戲喺大壓力下完成，《賭神》嗰段時期嘅片因為有向華勝監督，所以睇得出係認真。

Photo from HOY TV

不停遲到／早退

蕭若元與王晶合作多年，不過令蕭若元感到「激氣」嘅係，當時同王晶一行人組成小組洽談電影內容，王晶作為導演，卻不停遲到、早退：「嚟到坐半個鐘頭，有時就走咗去，講幾句......佢就會畀啲意見，但佢嘅橋，有時我已經睇穿晒佢嘅路數，佢永遠都係propose（提出）嗰幾樣嘢啫......」

Photo from memehongkong YouTube

6條橋拍足40年

談及度稿，蕭若元指王晶度橋都好快，而且「現場寫幾頁紙就拍」。更直指王晶「6條橋食一世」，包括：一個有錢仔扮窮人去溝女、一個窮人扮有錢仔去溝女、一個有錢女扮窮去溝仔、一個窮女扮有錢去溝仔，而呢4條橋「已經佔咗佢（拍嘅戲）7、8成」，另外嗰兩條係：一個人突然傻咗然後復甦（指《賭神》），及好叻嘅人被好信任嘅親信出賣（指黑社會題材），蕭若元表示：「6條橋可以拍足40年，點到你唔佩服呀！」而到現時，「王晶撈到今時今日，汁都撈埋，佢專拍兩種片，一種係將70年代黑社會片翻拍又翻拍，第二就係賭城系列，繼續用到周潤發做喜劇，周潤發就幫佢做鬧劇，成績都唔錯，但啲橋都係以前嗰啲：被內部人背叛嗰啲」。

Photo from memehongkong YouTube

同成龍、譚詠麟嘅不同之處

講到有冇佔女明星便宜，蕭若元認為：「咁多人想拍戲，咁王晶唔係聖人，我相信王晶有......尤其是對幾個人就好到不得了嘅，當然就唔使我講，大家都知啦，就係邱淑貞啦。」更不滿指：「永遠攝咗個邱淑貞落嚟，而且邱淑貞喺佢導演之下，戲份越加越長」，不過王晶「冇虧待過老婆同女，除咗出去滾（偷食）之外。」蕭若元指王晶肯使錢落女人身上，而且爛賭，因此40年來雖拍逾200部片，收過億元，但就唔多錢剩，上一次時蕭若元同王晶見面時講過呢個問題，王晶當時指：「做男人既然娶咗老婆又有鍾意嘅人，你將你嘅錢畀咗佢，都係好合理呀！」蕭若元指：「我相信佢畀咗好多錢老婆同女朋友」，認為呢個係王晶同成龍、譚詠麟嘅不同之處。

Photo from memehongkong YouTube

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

馮淬帆怒罵王晶拍戲離譜害人後悔狂拍胡鬧笑片王晶回擊:佢有被害妄想

22 Mar 2023

77歲的馮淬帆（緊哥）早年在香港出道拍戲，80年代出演多部港產喜劇大受歡迎，他一臉正經地演出搞笑戲碼，更獲影迷封為「冷面笑匠」。暫別幕前5年的馮淬帆最近復出接拍台灣電影《蝴蝶大廈》，日前馮淬帆出席電影開鏡儀式，他重提過往自己演過的港產喜劇，直指大部分都是爛戲，自覺是「一生恥辱」，更狠批導演王晶拍戲離譜，害了很多人！

Photo from 夏雨 FB

演過多部經典港產喜劇80年代移民台灣定居

馮淬帆出身於廣東粵劇世家，1950年跟隨家人搬至香港，60年代開始投身香港影視圈發展，多年來拍過不少經典港產電影，如王晶執導的《精裝追女仔》、《最佳損友》系列、洪金寶執導的《最佳福星》系列及曾志偉執導的《小小小警察》等，他在《精裝追女仔》被塗收縮水，於《最佳損友》用水果代替罵人字句的演出至今仍讓觀眾津津樂道。1987年馮淬帆移民台灣定居，生活了30多年，最近馮淬帆與台灣新世代男星曹佑寧出演全新驚悚電影《蝴蝶大廈》，電影開鏡儀式於昨日（21日）舉行，馮淬帆接受當地媒體訪問，他表示很喜愛今次電影劇本，所以決定參演，他坦言疫情期間推掉了不少演戲機會，又強調自己是台灣人，住了在當地很久，歡迎再有台灣導演找他合作。

Photo from 馮淬帆 FB

自言以前狂拍「爛戲」批評王晶拍戲離譜害人

馮淬帆談到自己早年拍下的電影，形容很多都是「爛戲」，更自言：「這是我一輩子的恥辱」他表示6、7年前已發誓，往後不再接演「爛戲」，他豪言不論片酬多高，都不會考慮出演「爛戲」，但他表明會接演喜劇，他解釋以往自己演的根本不算是喜劇，只是鬧劇。他對於過往被定型做搞笑角色感到不滿，直言：「所謂搞笑，我一聽到這兩個字就討厭」他更點名大罵導演王晶，直指對方害了很多人，拍的戲實在胡鬧得太離譜，同時亦不解為何香港觀眾會受落。其後馮淬帆透露將來最想出演大反派，希望有生之年能一圓心願。

Photo from 香港電影金像奬 YouTube

自爆當年為搵食狂拍胡鬧笑片

馮淬帆從影多年拍過無數經典港產喜劇，不過他早年接受訪問都有表明自己不喜歡拍胡鬧笑片，但當時為了賺錢維生，才會不停接演這些電影。當年他出演多部港產笑片都大受歡迎，亦被定型做搞笑演員，甚少有正劇找他演出，他自言這是一個很大的遺憾，指自己初出道亦演過不少正劇，不明白為何導演只找他出演笑片，他又指自己不愛看笑片，覺得演笑片無深度及成就，更令觀眾忘記他的演技。

Photo from 《福星高照》

王晶發文回擊批馮淬帆有被害妄想

被馮淬帆點名批評後，今日（22日）導演王晶於微博發文，他上傳了一張馮淬帆於《精裝追女仔》被塗收縮水的電影截圖，他表示很多港人到了台灣後都頭腦混乱，胡言亂語，表示：「之前有個姓蕭的，自以為是燈神，再有個姓杜的，自以為是食神」疑是暗指曾批評過他的蕭若元及杜汶澤。其後王晶續道：「今天又跑出個姓馮的，患上被害妄想症，自以為是八旦神。錢導你大發慈悲譲他繼續治療吧，用病人當演員省不了多少，還違法。」疑是回應馮淬帆的批評。