車婉婉左眼受傷引熱議！多次貼出受傷相令網民擔心

TVB歌唱真人騷《中年好聲音》進入白熱化階段，主持車婉婉近日出騷為節目宣傳，不過佢日前貼出一張眼部受傷相片，搞到要戴「黑超」出席活動，其傷勢令一眾網民感到擔憂，甚至引起家暴嘅議論。

Photo from 車婉婉 IG

現年48歲嘅車婉婉係一名演員及歌手，曾推出音樂作品，佢於2013年與拍拖三年嘅澳洲籍男友、游泳教練Jonathon結婚，並於2017年以42歲高齡順產誕下一子，車婉婉不時分享出一家三口嘅生活片段，一家人關係睇落非常融洽。

Photo from 車婉婉 IG

眼部受傷引家暴議論

噚日（2日），車婉婉於社交平台上貼出眼部受傷照片，照片中，車婉婉嘅左眼紅腫發炎，並以毛巾敷眼，車婉婉解釋：「醫生話可能係因為呢排化好多妝，而且長鐘，有細菌入侵眼睛」，又以hashtag表示：「#有朋友見到我問我係咪比人打咗一錘 #答應咗嘅事就要做到底」，指仍會現身快閃活動，可能傷勢情況唔理想，車婉婉最終需戴太陽眼鏡出席《中年好聲音》嘅商場活動，對於車婉婉嘅傷勢，唔少圈中好友如李佳芯、胡杏兒、陳煒、謝安琪等均有留言，祝福佢早日康復，不過外界對車婉婉今次受傷一事就引申出家暴嘅議論。

Photo from 車婉婉 IG

Photo from 車婉婉 IG

即睇更多人氣文章：
梁競徽生日獲契媽送700萬名車 近年狂上內地吸金 網民猜測契媽真正身份
網民票選「8大男生最想娶職業」 第1位竟然係佢？當事人反駁要接受現實

多次貼出受傷相令網民擔心

車婉婉不時於社交平台上分享一家人嘅生活片段，包括仔仔BBQ嘅成長過程，但有媒體發現，車婉婉喺去年3月貼出自己手、腳纏繃帶嘅相，當時未有過多解釋受傷原因，令網民非常擔心，前年11月貼出仔仔受傷相，而車婉婉則解釋係「成日擒來擒去，冚爆個咀」。但可能係多次貼出受傷相，令外界因此質疑兩母子遭受家暴。

Photo from 車婉婉 IG

Photo from 車婉婉 IG

Photo from 車婉婉 IG

對於有關報道，車婉婉噚晚喺IG貼出story，似回應有關傳言：「多謝傳媒朋友對我一直以來的愛護...但係亂咁起題會令人唔開心同埋好擔心㗎...」

Photo from 車婉婉 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

中年好聲音｜支嚳儀豪宅曝光衣帽間擺滿名牌袋！做CEO生活富貴！

15 Mar 2023

《中年好聲音》參賽者支嚳儀係烘焙店老闆娘，佢一家三口所住豪宅曝光，空間感超大，衣帽間更有名牌包包陳列櫃。支嚳儀IG亦有唔少周遊列國嘅相片，生活十分寫意。

《中年好聲音》已去到12強階段，其中現年36歲嘅支嚳儀因為較年輕，以及外型而受到關注。其實支嚳儀曾經喺2010年參加過TVB全球華人新秀歌唱大賽，又做過NOW TV飲食節目主持，有一定嘅幕前演出經驗。

雖然支嚳儀參加過歌唱大賽，但佢後來漸漸淡出樂壇，於2018年創立連鎖自助烘焙店，現時佢旗下嘅烘焙店已發展到喺馬來西亞同菲律賓都有分店，事業版圖拓展得十分迅速。

創業後不久支嚳儀就升級做媽媽，佢IG不時會晒出湊仔片，兼顧家庭同事業兩方面。而支嚳儀同仔仔玩嘅相同片，就意外曝光咗佢哋一家三口住嘅「豪宅」內部。

即睇更多人氣文章：
台灣兩大媽為75歲情人當街MMA！老翁直認多女友：冇計，我就係一生風流！
全球顏值最高國家排名公布 印度人榮登榜首 中國/韓國10大不入

客廳有一張L型梳化，支嚳儀常與仔仔喺客廳玩，到聖誕節時佢哋更將一棵聖誕樹放置喺客廳，聖誕樹同支嚳儀老公差唔多高，即使擺咗聖誕樹客廳亦不顯侷促，可見空間之大，樓底亦頗高。

長走廊兩邊有幾間房，主人房陳設簡單，有一列大衣櫃，另外又有一部鋼琴，支嚳儀仔仔年紀輕輕彈琴就已經有模有樣。支嚳儀又曾經晒出自拍，背景似乎喺衣帽間，佢背後高身櫃內放滿名牌手袋，大部分都係Chanel，亦有keep到包裝盒，擺放得十分整齊。

至於飯廳方面空間亦十分闊落，可以擺到長型嘅飯枱，估計可以坐到12人！支嚳儀IG有唔少旅行相，以往曾周遊列國非常寫意，佢婚禮喺法國城堡舉辦，一對新人更搭馬車出場，相當有氣派。