Coffee林芊妤晒「Sing之天使」合照！各散東西14年，近況大公開

娛樂新聞

By Jennifer on 04 Apr 2023

Digital Editor

今晚食乜餸：小二，嚟一碟花生！

Coffee林芊妤轉型做KOL後事業十分成功，佢曾喺IG分享自己於《耳分高下》擔任「Sing之天使」嘅舊照。最近佢同幾位「Sing之天使」再聚，做佢哋嘅瑜伽老師！Coffee大晒合照，幾位天使嘅現況公開！

Photo from Coffee IG

Coffee轉型做KOL，瑜伽事業超成功

Coffee嘅YouTube Channel突破150萬訂閱，作為全港最成功嘅KOL之一，Coffee嘅瑜伽事業同樣咁成功，佢嘅個人運動服品牌十分受歡迎，而且獲唔少節目邀請佢教瑜伽。

Photo from Coffee IG

當年Coffee喺TVB發展一般，並未有令人留下深刻印象嘅角色，佢亦2014年離巢，但估唔到離開後佢卻發展得越嚟越順利，依家已經搖身一變，成為圈中知名嘅瑜伽導師，創出一番事業。Coffee曾經喺IG分享佢以往喺TVB嘅舊照，感歎運動改變咗佢好多。

Photo from Coffee IG

Coffee於《耳分高下》擔任「Sing之天使」雪梨

Coffee於2009年喺綜藝節目《耳分高下》中擔任「Sing之天使」雪梨。《耳分高下》由錢國偉擔任監製、主持人係庾澄慶同鄧健泓。錢國偉監製嘅節目《美女廚房》、《味分高下》等都捧紅過唔少女助手，不過當年Coffee就唔算太受關注。

Photo from TVB

《耳分高下》「Sing之天使」重聚！

最近Coffee就同另外幾位「Sing之天使」重聚，包括「藍莓」劉俐、「香蕉」王嫣辰、「菠蘿」郭穎橋，Coffee表示：「認識了14年，一起出道由黃毛丫頭到現在都長大了。我們都有不同的發展，今晚用瑜伽老師身份教她們做瑜伽，她們還穿著我個人品牌的運動服，別有一番風味啊！」

Photo from Coffee IG

「藍莓」劉俐、「香蕉」王嫣辰出演完《耳分高下》後，獲安排擔任另一節目《美女廚房2》嘅美味天使，不過10幾年過去，佢哋都淡出大眾視線好耐。Coffee喺IG Story公開咗唔少片段，事隔14年再聚佢哋都好捧場，著住Coffee個人品牌運動服上瑜伽堂。

Photo from TVB

Photo from Coffee IG

「藍莓」劉俐、「香蕉」王嫣辰、「菠蘿」郭穎橋近況公開

「藍莓」劉俐算係「Sing之天使」中比較出名嘅一位，佢身型高眺，樣子精緻。現時佢轉行做保險，「藍莓」IG有唔少靚相，IG follower亦有逾2萬人。「藍莓」曾經被影到同洗米華於澳門密會，事隔多年藍莓外型都無咩變化，佢熱愛舞蹈，閒時仲有參加錦標賽。

Photo from 劉俐IG

「香蕉」王嫣辰（前名王淑玲），佢喺TVB雖然有出演過唔同嘅電視劇，但都係群眾演員，佢離巢後現轉行睇風水。根據佢IG簡介，佢對紫微斗數、風水佈局、奇門遁甲、梅花易數、八字、文王卦都有所研究。「香蕉」嘅IG仲有post過天使聚會照，當時出席嘅仲有「檸檬」李悅彤（Liddy），佢2014年因為介入香港導演彭順同李心潔嘅婚姻而受千夫所指，Liddy於2018年下嫁澳門富商老公並誕下一子，佢出席「Sing之天使」聚會時仲帶埋仔仔添！