鹿兒島西大山站一日遊，4大行程推介！打卡黃色郵筒／大片花海勁震撼！

日本旅遊

By Wing Ws on 06 Apr 2023

Digital Content Writer

大家去旅行嘅時候或者會想留1日去近郊一類嘅地方遊玩，遠離煩囂。日本鹿兒島就有一個「日本最南端車站」，環境優美之餘，仲有唔少適合打卡景點，非常適合大家前來放鬆！

Photo from Twitter

位於九州鹿兒島嘅「JR西大山站」係宿枕崎線嘅最尾站，同時亦係為人熟知嘅日本最南邊嘅無人車站，嚟到仲會見到個「日本最南端車站西大山站」嘅牌，雖然係一座無人車站，但其人氣一直不減，反而因為周邊優美嘅風景，吸引唔少人到來朝聖。

Photo from Twitter

車站到著證明

西大山站每日得8班列車，大家記得睇清楚時間表前往～嚟到西大山站，除咗要捕捉列車嘅身影，大家都可以去車站附近嘅「かいもん市場久太郎」商店，買一張「JR日本最南端車站到著證明」打卡！

Photo from Twitter

黃色郵筒／幸福之鐘

同時，大家可以買一張明信片及國際郵票，投入代表幸福嘅黃色郵筒中，再敲響幸福之鐘，為自己嘅幸福祈願。

Photo from Twitter

Photo from 鹿兒島縣觀光聯盟官網

大片油菜花／太陽花花海

講到西大山站，當地嘅花海都係不可錯過！12月中旬至2月可以見到黃色嘅油菜花花海，8月則可以睇到太陽花，春季嘅時候，撞正車站櫻花盛開嘅時候，仲可以影到櫻花同列車同框嘅美景！

Photo from Twitter

Photo from 鹿兒島縣觀光聯盟官網

Photo from Twitter

參拜龍宮神社

去到西大山站，又點可以唔去埋龍宮神社！龍宮神社又名「龍宮岬」，離西大山站開車10分鐘距離，傳說浦島太郎係由呢度前往龍宮。龍宮神社面海，加埋紅色嘅鳥居，睇落就非常適合影相！值得一提嘅係，龍宮神社嘅繪馬係貝殼，大家可以喺貝殼寫上自己嘅心願。

Photo from Twitter

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

星野集團溫泉酒店進駐鹿兒島望高原火山景露天浸溫泉賞芒草

28 Nov 2022

「界霧島」是星野集團旗下新溫泉酒店，位於鹿兒島高千穗峰的半山腰，去年開幕，所有客房均可俯瞰櫻島及大片草原高地，更設有露天溫泉賞芒草，環境優美。

酒店提供49間客房，共4種房型，雖然房型選擇唔多，但房間都好大，空間感十足，夠晒舒適。

可左右滑動看圖：

房間多以和式風格裝修，部分房間更設有私人溫泉，可以邊賞景邊浸溫泉～

酒店除咗室內溫泉外，最特別嘅係有一個露天溫泉，位於一片芒草叢中，溫泉水來自霧島山脈深處，賞住芒草浸溫泉，好chill！

可左右滑動看圖：

鹿兒島縣物產豐饒, 盛產魚貝等海鮮，亦有火山噴發物堆積而成的「Shirasu台地」也有獨特的農畜產品，溫泉酒店會採用這些當地食材，為客人烹製成充滿特色料理，住宿方案包含早晚兩餐，早餐會提供日式定食，如以鹿兒島縣鄉土料理「薩摩汁」為中心的日式食膳，晚餐則會有採用當地食材炮製的正宗「懷石」料理，如加入了鰹魚幹的特色涮涮鍋以及用黑醋調味的日本牛蒸籠蒸等。