鄧兆尊揭上位三大條件實情！指個樣要突出：騎呢啲比較容易上位

TVB高層樂易玲早前接受傳媒訪問時，公布力棒藝人名單，及其需具備條件，日前，喺娛樂圈打滾多年嘅鄧兆尊再亮相YouTube頻道「田祖豪3寶」，大談有關條件實情，仲提到TVB棒人選擇同簽約有關！

Photo from TVB

「樂小姐名單」引議

早前，作為TVB高層之一嘅樂易玲接受內地傳媒訪問時，公布咗公司力棒藝人嘅「樂小姐名單」，包括有張振朗、朱敏瀚、周嘉洛、吳偉豪、黃庭鋒、丁子朗、陳瀅、劉佩玥、陳曉華、蔣家旻、何依婷、陳嘉慧、羅毓儀、郭柏妍，並揭上位者嘅三大條件，包括顏值高、用功及領悟夠快，不過呢份名單出街後就引起唔少爭議。

Photo from TVB

揭上位三大條件實情？

日前，鄧兆尊再上YouTube Channel「田豪祖3寶channel」直播，對於樂易玲提到嘅三大條件，鄧兆尊認為：「顏值高我就覺得比較抽象，坦白講句，而家紅咗嗰啲好多都唔係顏值高，都係騎呢啲比較容易上位，即係突出啦⋯⋯其次係用功，即係襟用、勤力，一日做廿個鐘冇問題、捱唔病嘅⋯⋯第三領悟快，即係睇眉頭眼額，一嚟睇到樂小姐，就（嗌）『樂小姐』，咁你咪聰明囉，掂囉。」又提到簽約時嘅經歷：「我唔知，因為我離開咗太耐，以前我返工，問過一個好得意嘅問題，第一簽約長，公司用得你耐先捧你，你簽3年都唔會捧你，你起碼簽7年，起碼叫正常，簽7年就棒你喇，最好簽經理人，經理人管晒所有嘢，咁就比較好啲。」

Photo from 田豪祖3寶channel YouTube

即睇更多人氣文章：
梁競徽生日獲契媽送700萬名車 近年狂上內地吸金 網民猜測契媽真正身份
網民票選「8大男生最想娶職業」 第1位竟然係佢？當事人反駁要接受現實

認同有後台、識擦鞋

就鄧兆尊嘅睇法，有網民留言指：「應該係『簽長約、有後台、識擦鞋』就真」，鄧兆尊於是回應：「嗱！唔係我講㗎⋯⋯我認同，我認同呢啲嘢，但係呢啲唔係個個都做，我呢啲唔識做，咪冇乜嘢囉。」

Photo from 田豪祖3寶channel YouTube

識直播帶貨都係其中一個條件？

講到藝人最近嘅直播帶貨風氣，前DJ曾志豪提到，新生代藝人除咗上述條件，或需要識帶貨，鄧兆尊未有否認，另指外界誤解藝人直播帶貨「咩貨都帶」：「我都有人搵過我帶，譬如樓盤、地產嗰啲，我唔做，因為我驚個樓盤唔好，譬如豆腐渣，我幫你做完宣傳，人哋買咗，怨咗我就唔好喇⋯⋯錢係好多，但唔好做，覺得過唔到自己囉。」

Photo from TVB官方微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

TVB樂易玲公開力捧藝人名單！陳瀅、劉佩玥、周嘉洛、吳偉豪等14人

29 Mar 2023

TVB旗下有唔少藝人，而邊啲藝人會獲力捧向來都受到關注。近日高層之一嘅樂易玲接受內地傳媒訪問時就公開咗公司力捧嘅幾位藝人，其中包括曝光率好多嘅陳瀅、劉佩玥、周嘉洛、吳偉豪等人，下一個視帝、視后或者就係佢哋？！

Photo from TVB

TVB高層樂易玲公開力捧藝人名單

每年TVB台慶大合照都顯示出藝人嘅身份地位，同時亦揭示邊啲新人獲公司力捧。近年TVB嘅劇集有唔少新面孔，而樂小姐更首次公開TVB嚟緊力捧嘅藝人名單，一共有14位男女藝人，掀起網民熱議。

Photo from TVB

樂小姐作為TVB嘅助理總經理（藝員管理及發展），同一眾藝員關係良好，每年過生日都獲大批男女藝員為佢送蛋糕慶祝，而唔少藝人喺頒獎禮得獎後於台上致辭都會「多謝樂小姐」。

Photo from TVB

張振朗、朱敏瀚、周嘉洛、吳偉豪4大小生有望上位

近日樂小姐就接受內地傳媒嘅訪問，並親口認證公司將會力捧嘅幾位藝員。喺男藝員方面，樂小姐指張振朗、朱敏瀚、周嘉洛、吳偉豪呢4位小生係公司力捧，另外仲有黃庭鋒、丁子朗，樂小姐大讚佢哋都好努力，亦係力捧對象。

Photo from TVB

即睇更多人氣文章：
何超欣上國際舞台演講口窒窒，學霸身份被質疑？麻省理工、清華畢業
3unshine「最醜女團」成員Cindy瘦身大改形象！退團改名仍未能成功翻盤？

吳偉豪、朱敏瀚、張振朗、丁子朗都曾經攞過「飛躍進步男藝員」，不過現年35歲嘅張振朗年資要比其他人深。另外周嘉洛係幾位小生中資源最好嘅一位，唔止擔正做男主角，入行短短時間已獲得「最佳男配角」、「最受歡迎電視男角色」，有望成為下一個視帝！

Photo from TVB

Photo from TVB

Photo from TVB

Photo from TVB

《美麗戰場》陳瀅、劉佩玥、陳曉華、蔣家旻；《下流上車族》羅毓儀、郭柏妍或成新一代當家花旦

至於女藝人方面，樂小姐表示現時公司投放最多資源嘅就係陳瀅、劉佩玥、陳曉華、蔣家旻，亦係有份出演《美麗戰場》4位女藝人，另外仲有再後生啲嘅何依婷、陳嘉慧、羅毓儀、郭柏妍，樂小姐稱會慢慢規劃，安排啲重點戲、好啲嘅角色，畀機會佢哋發揮。

Photo from TVB

Photo from TVB

Photo from TVB

陳瀅近年擔正《美麗戰場》、《痞子殿下》女主角，絕對係力捧嘅女藝員，而劉佩玥亦有唔少新劇，最近喺《隱形戰隊》嘅演出亦好受關注，密密接job曝光率急升。羅毓儀、郭柏妍則憑《下流上車族》而備受好評。

Photo from TVB

Photo from TVB

Photo from TVB

內地網民替劉穎鏇感不值

有內地網友表示朱敏瀚、張振朗出道咁耐應該唔算係新人，亦有網民不滿樂小姐寧願捧陳瀅都唔捧劉穎鏇，直言陳瀅演技同身型都唔合格，替劉穎鏇感不值。

Photo from TVB

Photo from TVB

Photo from 微博

Photo from 微博