王君馨自爆曾有機會做飛輪海師妹！因TVB藝人身份被禁出席叱咤頒獎禮

By Pat on 10 Apr 2023

Digital Editor

王君馨（Grace）自小在美國長大，自2021年年尾約滿TVB後為完自己多年的心願，以獨立歌手「G. Racie」名義重新出道自資做唱跳歌手，最近她為了首支個人英文主打《LIGHT IT UP》接受商台專訪，向主持人梁泰來透露兩年前離開TVB的原因，與及年輕時原來曾有機會簽約台灣HIM華研音樂以女團出道做飛輪海師妹，可惜因友情最後選擇放棄，直到34歲她選擇重新追夢。

Photo from gwgurlie86@IG

自小夢想做跳唱歌手

Grace當年參加《2007年度香港小姐競選》奪得亞軍而加入TVB，入行以來大家都知道她從小習舞，卻一直只能當個演員，直到2016年憑《城寨英雄》劇集奪得「最受歡迎電視女角色」獎項人氣急升，演技受到讚賞。後來簽約星夢兩年做歌手，但因為主要都是唱劇集主題曲，Grace坦承滿足感不大：「似唱緊人哋嘅故事，我想自己嘅歌有自己嘅故事或訊息。」

Photo from TVB

Grace又透露原來當年在美國唸高中時曾經與兩位同學組過一隊三人女子夫Hip-Hop組合「SEVEN XPRESS」，更曾用組合名義於當地辦過慈善演唱會。而她亦於節目中表示，原來16歲時曾有機會簽約台灣HIM華研音樂，以女團出道做當年紅遍亞洲的飛輪海師妹，一嘗跳唱歌手夢，但最後因為跟當年好友的承諾而拒絕了華研的邀請，「我哋三個女仔去台灣面試之前，承諾過大家要一齊去一齊返，但對方只係想簽我一個，所以就turn down咗。」

Photo from gwgurlie86@IG

Photo from 《隱型》MV

為追夢甘於嘗試

而自2020年Grace轉型成為獨立歌手後，跟鍾舒漫合作的歌曲《隱形》成為重燃自己唱跳舞的契機：「雖然我喺音樂路嚟講算係比較遲，但我驚我四十歲未必有勇氣去做呢樣嘢。」而事實上，離開TVB後，Grace一直堅持自己於音樂路上的創新，更參加內地的綜藝節目《了不起！舞社》，對於第一次參加全跳舞的比賽，而且參賽者的年齡大部分是18-26歲的參加者，Grace就於節目中表示人生只有一次，希望做到離開的一刻不留遺憾，更坦言自己會繼續堅持落去不會放棄。

Photo from 《了不起！舞社》

TVB藝人身份被禁出席頒獎禮

Grace又自爆其實2020年時以G.Racie身份推出的處女作《Casada》成績很好，更一度成為903叱咤樂壇流行榜專業推介第二位，差點就可以成為ViuTV Chill Club推介榜冠軍歌，但礙於當時身份關係未能夠道謝：「我記得嗰陣佢哋想俾Number 1我，但因為個身份仲喺舊公司，我唔可以say thank you。」之後，她還承認當年因跟TVB未完約所以被禁止現身叱咤頒獎禮。

Photo from gwgurlie86@IG

老公一直無條件支持

而Grace更透露自己之所以有勇氣去任性是因為老公Daniel一直無條件在旁支持，就連想買樓生小朋友都可以暫時擱置，她表示「樓可以遲啲買！但夢過咗就過咗，我唔想自己後悔！」亦表示現階段跟老公有共識「我唔想有一日望住仔女，對佢哋講我為咗佢哋所以無追夢！」希望可以完成手上想完成的工作，才專心一意做個負責任的媽媽。

Photo from gwgurlie86@IG

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

王君馨離巢後北上參加跳舞節目組女團？！王祖藍帶領藝人內地搵錢受阻礙！連陳貝兒都無辜受牽連？

Mar 17, 2022

2007港姐亞軍王君馨（Grace）上年年尾正式宣佈離開TVB，隨後一度傳出佢會過檔ViuTV以及專攻唱歌跳舞，令唔少網民都直呼期待。最近，有消息指佢已經返內地參加跳舞選秀節目，似乎希望能夠成為唱跳歌手，努力追夢中！

Photo from 王君馨IG

# 王君馨離巢後即刻被消失？！

現年35歲嘅王君馨上年12月宣佈離巢，結束同與TVB合作14年嘅關係。有指佢係因為不滿於新劇《超能使者》嘅海報中「企側邊」，而且談續約時未能達成共識，毅然決定離巢！有網民就發現TVB宣傳《鐵拳英雄》時竟然將戲份頗重嘅Grace除名，令網民都留言斥責「TVB好小氣」；唔少網民都支持Grace往外闖，替佢感到不值。

Photo from 《超能使者》海報

Photo from 微博

# 曾多次公開大讚友台ViuTV

過往，王君馨曾自爆有追睇友台ViuTV選秀節目《全民造星4》，仲喺IG發千字文大讚選手嘅表現；而佢亦發佈嘅歌曲《Casada》仲入圍《Chill Club》榜單，仲公開感謝ViuTV，令網民都開始猜測佢係為未來鋪路有意轉投ViuTV？！

Photo from 王君馨IG

# 轉往內地參加跳舞選秀真人騷！

日前，有消息指王君馨將會轉戰內地參加跳舞選秀節目《了不起的舞社》，向舞蹈方面發展。而佢亦於IG上載疑似於內地嘅照片，並寫上「New Challenge Awaits ?#繼續挑戰自己#為夢想努力奮鬥??」，狀態大勇！

Photo from 王君馨IG

# 未來可能成為唱跳女團成員？！

據悉《了不起的舞社》係全新嘅跳舞選秀節目，將會由內地藝人擔任導師帶領舞團，主打塑造女團。雖然現時尚未正式公佈節目嘅參賽者，但眼利嘅網民就發現Grace同內地女團GNZ48成員一齊跳舞嘅影片，似乎已經暗地裏證實咗呢個消息喇～

Photo from 微博

# Grace舞蹈實力高強！

其實王君馨一直都舞蹈功力深厚，入行後參加《舞動奇跡II》而為人熟悉，當時仲勇奪冠軍殊榮。直到2020年，佢就以獨立歌手G. Racie出道，一貫佢性感嘅風格，推出2首國語舞曲；亦有份喺TVB真人騷比賽《盛舞者》擔任導師，實力備受肯定！

Photo from TVB

# 王祖藍帶領首批藝人返內地吸金！

除咗Grace之外，有唔少TVB藝人都北上工作搵真銀！其中首席創意官王祖藍早前就率先帶領高海寧、王浩信同張振朗去內地進行交流，於綜藝節目《你好星期六》臨時組成「大灣區好6團」，於內地擁有唔錯嘅迴響。

Photo from 王祖藍微博

Photo from 《你好星期六》

# 即將夫妻檔主持節目？！

打算乘勢追擊嘅王祖藍打算推出清談節目《有個姊妹叫祖藍》，連同老婆李亞男一齊主持，並邀請北上工作嘅香港藝人上節目，為佢哋炮製港式驚喜，一解鄉愁～不過，王祖藍飛往廣州嘅航班上有人確診，導致佢突然需要接受隔離，仲令佢到埗後一齊飯聚嘅陳貝兒同麥長青都受到牽連！

Photo from 王祖藍IG

# 需要接受隔離一星期，吸金大計受延誤！

有報導指，因主持《無窮之路》獲評為「感動中國2021年度人物」嘅陳貝兒礙於疫情甚少出席應酬，但見王祖藍百忙之中抽空見面先應約；而獲邀出席唔同商演嘅佢唯有暫時推掉工作，吸金大計似乎都大受影響！

Photo from 央視

Photo from 陳貝兒IG

相關文章：陳展鵬透露有意北上搵真銀？！首次開微博直播！期望上綜藝節目做「哥哥」

相關文章：李國麟抖音突崩潰爆喊！北上賺人仔掛住媽媽：我真的很想家

Text: HolidaySmart Editorial

57歲曹永廉決定隻身北上工作養家！疫情下收入大減7成！詳細賺錢計畫曝光

24 Feb , 2022

香港正在爆發第五波疫情，因此政府再進一步收緊防疫限制，一系列措施亦令經濟大受影響。唔少藝人嘅工作量都大大減少，而曹永廉 (阿廉) 就係其中一位。據悉，佢嘅收入比高峰時期減少咗70%咁多，正密謀北上搵真銀養家，開拓全新商機！

Photo from 曹永廉IG

# 1994年歌手身份出道

現年57歲嘅曹永廉 (阿廉) 入行至今已經28年，初期用歌手身分出道但大眾反應一般，所以1998年就轉戰電視圈簽約成為TVB藝人。過去佢曾經參與多部電視劇，包括：《妙手仁心II》、《超時空男臣》等，飾演男配角居多！

Photo from TVB

# 曹永廉收入大減7成！

據悉，曹永廉嘅收入亦受到疫情影響，向傳媒透露近呢2年除咗拍劇就冇接過其他工作，喺香港工作可以話係零外快，仲以「坐食山崩」形容！佢表示收入同高峰時期相比足足減少咗7成，宜家都只係靠以往嘅積蓄養家，暫時尚能夠維持生活，但就必定要再另覓出路。

Photo from 曹永廉IG

# 決定北上工作！

曹永廉已經諗好解決方法，計畫要暫時離開妻兒，隻身北上賺錢養家！而佢就打算先住喺廣州，最多逗留半年左右，原定於3月實行計畫。可惜疫情導致佢有份出演嘅新劇《破毒強人》拍攝受阻，令返內地嘅時間要延遲，而佢都表示對新發展感到非常期待！

Photo from 曹永廉IG

# 原來仲有投資其他生意？！

其實曹永廉本身同好友洪天明、唐文龍一齊喺內地投資生意，主要出售兒童用品以及飲料，但佢就坦承自己過去都好少參與，認為可以趁機好好開拓更多商機。雖然佢宜家依然仲喺香港，但聽聞佢已經獲邀品牌邀請成為飲品機嘅代言人！

Photo from 曹永廉IG

# 近年身體接連出問題

上年，曹永廉就透露自己曾經因為心臟問題而秘密入院進行「通波仔」手術，但後來又發現出現腎石問題！而佢就話20幾時就已經飽受腎石問題困擾，仲痛到行唔到路，幸好今次問題不大，唔需要做手術。拼搏工作之餘都真係要好好注意身體啊～

Photo from 曹永廉IG

# 稱家人係動力來源！

曹永廉2007年同姜大衛大囡姜依蘭結婚，婚後育有一子一女，分別係10歲同13歲。非常顧家嘅佢曾經話家人就係佢嘅動力來源「做好多嘢都係為咗小朋友，希望為佢哋將來做好準備」，又難怪佢會趁年輕嘅時候決定北上工作好好闖一下嘅～而外父姜大衛過往就喺節目講笑咁話「將個囡養到咁大交俾個咁嘅人」，令大家爆笑，二人關係真係十分融洽～