ToNick恆仔為血癌父親直播唱最後一曲，為免失場而忍痛上台，望父親放心離去

By Wing Ws on 11 Apr 2023

Digital Content Writer

ToNick前晚（9日）於協青社蒲吧嘅「蒲吧春季音樂祭 2023」中獻唱，其後，主音趙善恆（恆仔）於社交平台上以「給爸爸」為題發文，悼念血癌離世父親，指演唱當天係父親垂危之時，但為免失場而堅持上台表演，表演中佢以直播方式向父親演唱，並吐出心底話，望對方放心離去。

Photo from Tonick FB

為免失場忍痛上台表演

恆仔昨晚（10日）於社交平台上發文，貼出眾人挽住父親左手嘅照片，表示感謝父親養育之恩及教誨，指父親現已「不需要再受病痛之熬」，恆仔指父親係「最好的爸爸」，而前晚嘅表演亦係父親「在這個維度裏看我的最後一場表演」。恆仔表示，自己作為ToNick主音，因確定演出，所以「有責任站上台」，他指：「兄弟們很好，說我應該留在家人旁但我知道自己不能失場」，得到家人鼓勵，恆仔於是從醫院返到屋企，調整情緒後，再到現場表演。

Photo from 趙善恆 FB

直播演出畀爸爸睇

恆仔喺表演中對大家表示歉意：「我要講聲唔好意思先，今日個狀態有少少差」，同時指現在自己正直播現場表演，亦希望大家記錄接下嚟講嘅嘢，因為所講嘅嘢「想全世界都聽到」，恆仔接下嚟指：「我想講，我有一個好好爸爸，我有一個好好嘅屋企，我有一個好好嘅媽咪，我有一個好好嘅妹妹，爸爸幾年前患咗血癌，呢幾年媽媽照顧得佢辛苦，多謝媽咪，辛苦晒你。我爸爸亦都好犀利，佢入過幾次深切治療部都出番嚟，妹妹都好犀利，因為我工作好忙，佢幫我處理屋企嘅事，我爸爸而家瞓咗喺醫院，佢仲好努力咁支撐住自己，媽咪同阿妹陪住佢，我想同爸爸講，多謝你一路支撐我哋，多謝你生我出嚟，多謝你照顧得我哋咁好，你好叻，你係全世界最好叻嘅爸爸。」

Photo from 趙善恆 IG

唱《離散序》送予垂危父親

「你可以好proud咁樣去一個再好啲嘅地方，睇住我睇住屋企，因為你個仔金像獎又攞埋，而家電視劇男主角又做埋，你應該好proud好proud，你放心，媽咪同妹妹我會好好照顧，我一定會照顧得好好，我唔想見到你繼續咁辛苦，所以，送呢首歌畀你，希望我哋好快喺第二個更加好嘅地方相遇，老竇你放心，我有全世界最好band，全世界最好朋友同事，全世界最好觀眾⋯⋯所以爸爸你要放心，我一定會好好過活，我同媽咪妹妹都好錫你好愛你，我哋送呢首歌畀你，我哋約定喺第二個地方再見。」接著唱《離散序》，送畀喺醫院嘅爸爸，希望對方知道「每一次分開也是下一次重遇的序幕」。

Photo from 趙善恆 IG

叫爸爸放心離開

一曲終結後，恆仔問現場觀眾：「我爸爸喺我心目中係唔係最好嘅爸爸」、「我媽媽喺我目中係最好嘅媽媽」、「我妹妹喺我心目中都係最叻嘅妹妹」、「ToNick出歌你哋都會永遠支持係咪」⋯⋯再對住鏡頭講：「爸爸係睇到啦，冇嘢需要擔心，放心。媽媽同妹妹我一定會好好照顧，喺一個更好嘅地方繼續守護住我哋，我哋遲啲見」。

Photo from 趙善恆 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

恒仔小花十年情終分開，有傳女方恨嫁男方只顧闖事業？

24 Feb 2023

恆仔@ToNick（趙善恆）和小花（譚杏藍）的情侶形象自從公開關係以來一直都深入民心，可惜雙方日前於其個人IG上卻突然發表一篇長文表示二人原來已經和平分開一段時間，並且表示大家仍然會是好朋友，希望好好保護這段美好的回憶。

Photo from hanatam@IG

共同成長的十年

雖然小花跟恒仔現時都各有一番成就，一位是健身中心跟指甲店的老闆娘兼當紅Youtuber，而另一位則是火鍋店老闆加新晉導演及演員兼當紅樂隊主音，但二人一起度過由零開始的青春，見證著對方身份上不停的轉變，十年時間無論心態上或是事業上不多不少都被對方影響不少。

Photo from hanatam@IG

男方忙著去闖事業終導致分手？

小花曾經公開多次表示當初因為太欣賞ToNick（恒仔樂隊），當年主動加恒仔的facebook，再向共同朋友請求希望恒仔可以接受她的交友邀請，後來二人網上聯繫了一年多才開始拍拖。而雙方拍拖多年都一直都非常穩定，小花多年來更多次不諱言地向男友表達愛慕之情，更三番四次為對方製造浪漫的驚喜，曾經因為恒仔生日，當時仍身在日本工作的她，為慶祝其生日竟工作結束後漏夜秘密買機票趕到男方家樓下，並拍下紀錄影片，當時的恒仔一臉難以置信，而且一臉感動。

Photo from 譚杏藍@Youtube

而恒仔近幾年除了音樂事業發展得越來越順暢，於2022年聯同周國賢憑《一秒拳王》的主題曲「時間的初衷」奪得「第40屆香港電影金像奬」最佳原創電影歌曲獎，而恒仔早於讀書時期已經渴望拍攝屬於自己的電影，終於於2017年第一部執導的電影《救殭清道夫》成功開拍重拾他的導演夢，其後2021年的《一秒拳王》更大獲好評，榮登2021年港產電影票房的第五位。

Photo from hanatam@IG

Photo from 《救殭清道夫》

Photo from 《一秒拳王》

對外表示「唔恨嫁」卻想做「導演夫人」？

雖然小花曾多次於訪問中表示自己「唔恨嫁」，但有網友就表示早於恒仔拍攝第一套電影《救殭清道夫》時，小花於其facebook出文稱呼自己為「導演夫人」，而恒仔多次跟馬來西亞女神的林明楨合作，有網民就直指覺得恒仔的性格比較適合跟寡言的明楨在一起。而且單憑雙方於個人社交平台的展示，小花對恒仔的愛跟付出感覺上相對比較多，所以網友猜測很大機會是因為恒仔忙著剛剛起步的事業，不想談婚論嫁，最終忽略了小花的感受而導致分手。