馬國明為搵老婆本內地登台唱歌！來者不拒任影唔嬲 仲狂收大媽利是
幸福準新郎馬國明（馬明）自從年初宣布與湯洛雯（靚湯）將於年尾拉埋天窗，就密密地為老婆本「搵真銀」，除了瘋狂拍劇之外更加做直播帶貨又北上登台賺人仔，最近的復活節長假期有網民跟旅行團去到惠州，竟然發現晚會上馬明現身做嘉賓獻唱，出名乖仔的馬明更吸引一眾大媽們瘋狂合照兼收利是！
Photo from Roxannetong@IG
Photo from Roxannetong@IG
Photo from 小紅書
Photo from 小紅書
一千蚊唔使就見到TVB明星
根據網民透露，是透過香港旅行社報團去到惠州玩兩日一夜，盛惠$850港幣，行程包含美食、去三個景點打卡等等，而惠州晚會正是行程的其中一部分，不少有參加行程的網民對於馬明突然現身都覺得非常驚喜，而且影片可見更見到馬明來者不拒地合照，非常親民。台下的大媽們難得見到偶像都紛紛「集郵」跟「塞利是」，而馬明亦非常識做，收到利是之後都點頭微笑表示多謝。
Photo from 小紅書
Photo from 小紅書
Photo from 小紅書
網民們見到都紛紛留言指馬明絕對是新一代的「師奶殺手」，乖仔形象深入民心，更有網民覺得$850就可以見到馬明唱歌認為價錢有點太低，替馬明感到辛苦。
Photo from 小紅書
Photo from 小紅書
馬明認「搵錢真係好辛苦」
早前更有網民於Outlet「野生捕獲」馬明跟靚湯拍拖行街，事後接受傳媒訪問就表示自己去Outlet只是留意有沒有比較便宜的服飾可以購買，又指自己搵錢好辛苦，認真慳家！其實馬明努力賺老婆本都不是什麼新鮮事，早前他就聯同陳自瑤於淘寶為直播帶貨，更為吸引觀眾而穿上多年前《衝上雲霄》中馬國宏一角的機長服飾，當時該時段的觀賞人數更達到531萬人次，認真威水！雖然大部分的直播時間都由陳自瑤做介紹，馬明只負責密密食，引致不少觀眾都取笑馬明「係咪未食飯」，但仍然無損他在網民心目中好男人的形象。
Photo from 直播截圖
Photo from 直播截圖
Photo from 直播截圖
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
馬國明湯洛雯計劃2023年結婚！回顧兩人情史，馬明前女友偷食最轟動
Nov 14, 2022
Photo from 馬國明IG
馬國明同湯洛雯有意於2023旅行結婚
馬國明同湯洛雯2020年公開戀情後獲大眾祝福，雖然佢哋拍拖至今2年，但期間多次傳出婚訊，靚湯亦曾澄清仍未結婚，仲話有好消息一定會通知大家。馬明、靚湯越愛越高調，經常喺IG留言「耍花槍」，又大晒甜蜜合照，感情穩定。
Photo from 湯洛雯IG
近日馬明同靚湯同遊日本，靚湯IG更晒出相片，相信佢哋嘅日本之旅一定十分浪漫。返港後靚湯同馬明都公開表示有共識會於下年結婚，其中馬明講得好具體，佢指會喺2023年旅行結婚，而且因為靚湯中意歐洲，會考慮重返兩人讀書嘅國家加拿大同英國。
Photo from 湯洛雯IG
Photo from 湯洛雯IG
湯洛雯曾與羅天宇拍施4年
婚期有望，唔少網友為佢哋送上祝福，雖然佢哋交往只有2年時間，但外界一直都視靚湯為未來馬太，回顧馬明同靚湯以往嘅感情史，睇嚟終於遇上真命天子/真命天女。
Photo from 湯洛雯IG
湯洛雯參選《2012年香港小姐》雖大熱落選但仍獲TVB簽約成旗下藝人，佢入行以嚟除咗馬明之外，淨係公開過同羅天宇嘅戀情，靚湯喺2018年發文承認同羅天宇分手，兩人戀愛4年，分手後仍然係朋友關係，更一齊出演旅遊節目。
Photo from 湯洛雯IG
Photo from TVB
Photo from 湯洛雯IG
馬國明同胡定欣因《舞動奇跡》相戀
現年48歲嘅馬國明因為甚少負面新聞而獲封「荀盤」，佢入行超過20年，但公開嘅女朋友亦好少。2009年馬國明承認曾同胡定欣相戀，兩人因出演《舞動奇跡》結緣，但戀情僅維持2年，兩人於2011年和平分手。
Photo from TVB
2018年馬國明同黃心穎拍拖，但「安心事件」女方被爆偷食
之後馬國明同港姐亞軍黃心穎傳出緋聞，之後戀情「浮面」，兩人戀人關係成公開嘅秘密，之後亦不時會一齊出席活動打情罵俏，但2019年「安心事件」後黃心穎偷食，馬國明獲全城關注，唔少記者都追訪佢，馬明一直表現大方，更呼籲大眾畀啲空間黃心穎。
Photo from TVB
馬國明終遇上「真命天女」湯洛雯
2019年馬國明表明同黃心穎係「朋友關係」為兩人戀情劃上句號，直至2020年馬明同靚湯一同購物被拍，翌日佢哋喺IG晒出公仔合照公開戀情。湯洛雯曾同黃心穎交好，更同馬明分別以「好友」同「男友」嘅身份出席黃心穎生日派對。
Photo from 馬國明IG
Photo from 高海寧IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
湯洛雯晒照意外曝光半億豪宅？馬國明與女友Staycation不忘帶定情公仔！靚湯開心獻吻
7 May 2021
湯洛雯早前迎嚟34歲生日，一班好友幫佢慶祝，難得喺外地拍完劇嘅男朋友馬國明亦回港陪佢搬屋，近日靚湯晒晚餐照嘅時候，疑似曝光價值半億嘅新屋！
馬明靚湯相戀以嚟感情穩定，更多次傳出婚訊，有指靚湯爸爸更送價值半億、位於馬鞍山逾2,000呎嘅別墅畀女兒作嫁妝。
雖然佢哋否認即將結婚，不過馬國明早排結束《白色強人2》外景拍攝後返港，即馬不停啼幫女友手搬屋。
日前靚湯就公開咗一張打邊爐相，相中只有靚湯一人，不過後面背景就疑似係佢獨居嘅半億新屋！見客廳以米色為主調，感覺溫馨。飯枱亦好大！
喺34歲生日當日，靚湯亦公開咗許願相同一班好姊妹朱千雪、蔡思貝等為佢慶祝嘅照片。
男友馬國明都有留言：「祝身體健康」，但就被網友嫌棄「太行」無乜誠意，之後馬明再公開一張「合照」。
之前靚湯就被問到會回慶祝生日，佢話想香港一日遊去行山、主題樂園同Staycation，而馬明公開相片嘅背景嚟睇應該喺酒店，唔止有代表二人嘅定情公仔，隔離仲有獨角獸造型Cupcake。
而代表靚湯嘅獨角獸公仔更吻上代表馬明嘅小馬公仔嘅側面，場面浪漫，睇嚟靚湯都好滿意呢個生日！湯洛雯亦有晒「下衣失蹤」美照：「第一次在111樓渡過我的生日，看到四季風景，突然有雲層飄過的時候感覺好像以前坐飛機的時候，好神奇的經驗」，睇嚟佢哋都sweet過生日！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
