日本兵庫縣立淡路島公園～擺放左54款蠟筆小新公仔~仲有禮物換同遊戲玩添！

By 123testing on 01 Sep 2017

蠟筆小新相信好多人都唔陌生，甚至陪伴好多人成長，如果鍾意小新嘅朋友就更加唔可以錯過啦！而家日本兵庫縣立淡路島公園裹面，就擺放左54個蠟筆小新公仔，個個造型鬼馬可愛，比大家跟小新同埋佢D朋友一齊大影Selfie。

Photo from prumie_re_neige@Instagram

淡路島位於大阪同四國之間，同時都係瀨戶內海最大島，但係前往嘅交通比較唔方便，原先島上嘅鐵路係１９６６年就被廢除左，目前遊玩淡路島嘅方式除左自駕之外，就係高速巴士。大家可以係JR大阪站、JR新神戶站、高速舞子巴士總站搭車，都有通過明石海峽大橋前往淡路島嘅高速巴士運行。其中高速舞子巴士總站出車數量最多。
Photo from prumie_re_neige@Instagram

公園內真係有好多小新嘅蹤跡，多款得意可愛嘅造型，吸引唔少人黎影相。
Photo from prumie_re_neige@Instagram

就好似下面嘅造型，相信唔係小新迷都知道，佢最出名嘅行為翹起個patpat，仲畫埋雙眼，調皮得黎又惹人鍾意！
Photo from prumie_re_neige@Instagram

仲有冇著褲又急尿嘅小新，欠打又搞笑！
Photo from prumie_re_neige@Instagram

做完咁多久打嘅動作，當然忍唔住比人打啦，你睇下小新，頭上又生左個高樓啦！
Photo from prumie_re_neige@Instagram

除左小新，仲有好多小新家人、朋友同埋老師嘅公仔比大家影相，例如有可愛嘅小白、小新妹妹向日葵、成日流鼻涕阿呆等等，簡直有排影呀！

クレヨンしんちゃんめっちゃおった♡ #兵庫県立淡路島公園 #クレヨンしんちゃん

@aaaiii_1228 分享的貼文於 2017 年 8月月 20 4:00上午 PDT 張貼

今次個展覽除左可以同小新們影相之餘，仲有好多正野！提提你，影相外仲要記得掃下每個公仔腳底嘅QR code，再配合二次元之森App，就有公仔出場介紹，仲可以儲印花，齊集54個，仲可以去換取神秘禮物添呀！
Photo from hrkkkk1995@Instagram

行到中間，會經過一間蠟筆小新週邊專賣店，裏面有各式各種嘅小新商品賣，有公仔、文具、零食等等，岩晒小朋友呀！
Photo from prumie_re_neige@Instagram

賣完野繼續向前行，走到盡頭，會有一個超大嘅「壯烈！戰國大冒險！」實戰遊戲玩，係模擬戰國時代嘅城寨，概念來自小新劇場版電影，小新仲會以古裝出場。依度分三種等級，１米高嘅幼幼班、4.5米嘅進階班同埋7米高嘅侍大將班，後面兩個就需要１２０公分以上先可以玩。而票價方面，１米高幼幼班係６００日元，4.5米同7米都係３３００日元。玩家需要係半空中越過好多障礙物，成功到達終點，喜歡高空活動又或者鍾意挑戰嘅朋友不妨試下。
Photo from prumie_re_neige@Instagram