金像獎頒獎嘉賓被批唔專業！王丹妮唔識讀人哋個名／凌文龍頒獎甩轆！

第41屆香港電影金像獎昨晚（16日）完滿結束，不過當中有唔少爭議點，就連頒獎嘅嘉賓都引起討論，網民批評嘉賓唔識讀得獎者個名之餘，仲搞到頒獎甩轆，就連劉德華都有出錯！

Photo from ViuTV

麥浚龍被指收咗廣告費？

「最佳服裝造型設計」由麥浚龍頒發，佢拎住個Gucci手提袋上台，並放喺頒獎台上右側，表示：「想借呢個機會，向兩位曾經同我並肩合作嘅前輩致敬，一位係吳耀漢先生，另外一位係坂本龍一先生。」不過，手提袋上嘅Gucci Logo就被指係賣廣告，當日麥浚龍亦身穿Gucci訂製西裝登場，而佢帶上台嘅手袋價值$40500，係Gucci今年嘅新款，唔少網民因此認為麥浚龍「收足廣告費」兼唔尊重場合。

Photo from ViuTV

Photo from Gucci 官網

王丹妮劉俊謙唔識讀人哋個名

嚟到「最佳編劇」，由王丹妮、劉俊謙二人頒發，得獎者係電影《神探大戰》嘅韋家輝、陳偉斌、麥天樞，不過王丹妮讀出得獎者名字嘅時候，唔識讀麥天樞嘅「樞」字，轉而向一旁嘅劉俊謙求救，不過劉俊謙都唔識，唯有大聲宣布電影《神探大戰》獲獎。有關舉動被網民批評唔專業，認為應該查清楚讀音再上台。

Photo from ViuTV

即睇更多人氣文章：
日本61歲美魔女甜嫁29歲男 32年婆孫戀引熱話 相遇經歷似偶像劇
韓國網紅來港搭的士投訴「找假錢」！香港網民罕有一面倒為司機平反

凌文龍談善言頒獎甩轆

「最佳動作設計」由凌文龍、談善言頒發，得獎者係由《明日戰記》黃偉亮奪得，凌文龍隨即表示由於黃偉亮今日未能出席，所以由佢哋代為領獎，點知導演吳炫輝隨即上台代為領獎，凌文龍驚訝之餘向對方道歉，台下觀眾亦非常愕然，凌文龍、談善言二人都有啲尷尬。

Photo from ViuTV

劉德華都讀錯名？

由劉德華頒發嘅「最佳女主角」都出現蝦碌情況，劉德華將《流水落花》讀錯成《落花流水》，不過冇咩人意識到。

Photo from ViuTV

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

Bob飲醉大鬧胡杏兒老公生日會？！與崔建邦上台爭歌唱場面尷尬

20 Mar 2023

胡杏兒老公李乘德（Philip）日前50歲生日大搞Party，邀請咗唔少圈中人出席，期間胡杏兒於台上準備獻唱，Bob林盛斌同崔建邦突然上台唱埋一份被人叫「落返嚟」，場面尷尬。Bob之前曾因飲醉而喺唔同場合出事，今次已算輕微？！

Photo from 胡杏兒IG

胡杏兒老公李乘德（Philip）50歲生日Party

胡杏兒同李乘德（Philip）喺2015年結婚，婚後兩人育有3個兒子，最近Philip迎嚟50歲生日，胡杏兒為老公開咗一個生日Party，好多圈中人都有份出席，十分熱鬧。

Photo from 胡杏兒IG

有出席嘅賓客喺IG Story分享咗部分生日會嘅片段，生日會上設有一個小型舞台，仲有live band伴奏，十分有氣氛。胡杏兒亦有上台欲為大家獻唱一曲。

Photo from Ricky IG

Bob、崔建邦突然自薦上台與胡杏兒合唱，被台下賓客「嫌棄」

不過喺胡杏兒唱歌之際，阿Bob（林盛斌）同崔建邦突然自薦行上台欲與胡杏兒一齊唱歌，點知台下賓客十分「唔畀面」，大嗌：「無你嘅事呀，落返嚟啦！」場面尷尬。遭到「嫌棄」嘅崔建邦即表示：「我哋唔收利是㗎！唔落台㗎！」

Photo from Ricky IG

即睇更多人氣文章：
何超欣上國際舞台演講口窒窒，學霸身份被質疑？麻省理工、清華畢業
3unshine「最醜女團」成員Cindy瘦身大改形象！退團改名仍未能成功翻盤？

Bob唱到爆咪被指「喧賓奪主」

此時胡杏兒都忍唔住問佢哋係咪「運吉」，崔建邦打圓場指：「唔係運吉，係運氣啫！」佢稱同到Philip、胡杏兒做一世朋友好幸運：「除咗做人情外，仲想講幾句嘢，以表我哋對你一家人心意。」阿Bob亦以金句「畀啲掌聲」向杏兒夫婦送祝福：「唔好講咁多嘢，在場朋友畀啲掌聲胡杏兒，第二個係Phil。」

Photo from Ricky IG

之後佢哋即合唱，但Bob唱到爆晒咪，搞到胡杏兒放棄演唱，將個台交畀阿Bob，即使崔建邦想阻止，Bob仍然堅持唱晒全首，唔少網民斥佢此舉「喧賓奪主」。其實Bob之前都試過出席宴會時「出事」。

Photo from Ricky IG

Photo from Ricky IG

Bob出席錢國偉婚宴激到陳小春爆粗掟咪？！

2015年已故導演錢國偉婚宴上Bob就曾經飲到大醉，當幾位「古惑仔」獻唱《友情歲月》時，Bob突然衝上台令陳小春大為不滿，更即場掟咪，現場火藥味甚濃，但眾人否認有不愉快事件發生，只表示大家都係「搞氣氛」。

Photo from Bob Facebook

Photo from 梁烈唯微博

Bob飲醉出事有前科？！

亦曾有報道指喺張美妮婚宴上飲多兩杯嘅阿Bob對住當晚司儀「大王」安德尊大叫，直言佢「好大聲好嘈」，更要大王「收皮」，事件最終要張美妮出面擺平，後來美妮表示佢哋並無不和，又指大王同Bob向來都愛互窒。

Photo from TVB

到2017年又有傳唔少圈中人到張繼聰家中團拜，當時謝安琪懷緊二胎，而Bob飲大咗不但喺家中周圍食煙又大聲講嘢，令Kay忍唔住「下逐客令」，但之後張繼聰同Bob都否認事件。

Photo from 張繼聰IG