【週末短Trip懶人包！3大刺激娛樂地標：融創樂園、廣州塔、卡丁車，朋友聚會必到！搭高鐵去旅遊使用電子車票，快閃冇難度～】

By Chavi Lee on 25 Apr 2023

Project Editor

通關之後，想追返過去3年嘅玩樂時間，梗係唔可以浪費每1個週末～今次小編就發掘到3個地標，無論室內定室外，唔同季節嘅體驗任你選擇，一定啱哂鍾意刺激嘅朋友結伴同行！而且搭高鐵由香港西九龍站去廣州一程時間最快唔使1個鐘?！啱哂鍾意即興，又要行程有彈性嘅朋友仔～依家上12306買電子車票可以直接用證件入閘搭車，慳返好多時間之餘，喺12306仲可以綫上隨時自行改票或退票，超有彈性，去到想玩耐啲夜啲走都冇問題啦！

Photo from MTR

#地標1：廣州融創樂園｜玩齊山、水、雪3大刺激體驗區域！

作為廣洲大型嘅室外主題樂園之一嘅廣州融創樂園，集齊多種高科技遊樂元素，除咗有樂園必玩嘅過山車外，仲有一年四季都可以體驗嘅滑雪＋玩水！

Photo from MTR

「熱雪奇蹟（融創雪世界）」係目前華南地區面積最大嘅室內冰雪場館～啱哂上一個冬天未有機會滑雪嘅朋友先行嚟到初體驗！場內有齊5種唔同難度嘅基礎雪道，無論係初階定高階嘅不同級別滑雪者都適合！仲有2條全球首創嘅立體交叉雪道＋460米超長室內高山滑雪道！滑雪裝備及服裝更係免費租借，隨時兩手空空去體驗白雪之中嘅速度與快感！另外喺「娛雪玩雪區」仲有好多其他娛樂設施提供，好似雪上飛碟、飛躍冰川、冰上碰碰車、探險步道等，俾唔滑雪嘅朋友玩或者同班Friend鬥鬥邊個玩得叻，真係各適其適，玩得盡興！

Photo from MTR

樂園另一個賣點 —「融創水世界」四季恆溫，以“海上絲路”為設計主題，場內分別有「海底寶藏區」、「冒險港區」、「海上奇旅區」3大主題區～小編激推鍾意速度感嘅朋友必玩高18米嘅「龍捲狂風滑道」同下滑坡度接近95°嘅「奇幻漂流滑道」，體感＋聽覺雙重刺激體驗絕對會令大家尖叫！

【廣州融創樂園】
地址：廣州市花都區鳳凰北路78號
建議交通：從香港西九龍站出發，乘搭高鐵至廣州南站或廣州東站，轉乘的士前往，約1小時。

#景點2：廣州塔｜不只觀景！必玩全透明「橫向摩天輪」＋「極速雲霄垂直速降」

Photo from MTR

去到廣州，又點可以唔去廣州「小蠻腰」之稱嘅廣州塔呢～作為中國第2高嘅塔式建築物，除咗可以360°遠眺廣州全巿景觀，滿足愛觀景嘅朋友之外，廣州塔仲有兩大必玩刺激設施－「橫向摩天輪」＋「極速雲霄垂直速降」！

Photo from MTR

「橫向摩天輪」以全透明材質嘅球體客艙設計，成個視野範圍內無遮無擋，真係小啲心血都唔得！摩天輪再會以360°橫向旋轉設置沿着廣州塔嘅橢圓形塔頂旋轉，視覺一流～而「極速雲霄垂直速降」會先由離地約450米嘅頂層慢慢上升到485米嘅高空俾大家一覽廣州市景，然後再急速下降，失重快感同離心力絕對唔惹少！廣州塔有齊動態、靜態活動同加埋塔內有齊各地美食餐廳，啱晒想輕鬆遊玩又或者想留於室內嘅朋友仔～

【廣州塔】
地址：廣州市海珠區閱江西路222號
建議交通：從香港西九龍站出發，乘搭高鐵至廣州南站，轉乘地鐵7號線，於漢溪長隆站轉乘地鐵3號線，於廣州塔站下車，步行約5分鐘；或乘搭高鐵至廣州東站，轉乘地鐵1號線，於體育西路站轉乘3號線前往。

#景點3：鳳凰山莊經典卡丁車俱樂部

Photo from MTR

講到刺激，又點少得最經典嘅卡丁車呢～要同朋友嚟一場專業嘅卡丁車對決，近近地都可以"Chur"一聲去到面積超過1萬平方米嘅鳳凰山莊經典卡丁車俱樂部！場內大約有8至10個髮夾形彎道，盡情體驗速度難度嘅快感，玩足全日都唔悶，加上有雙人卡丁車場地，拍住好朋友或者帶埋另一半嚟大顯身手都唔錯㗎！卡丁車玩厭咗，仲可以挑戰越野山地車，駕駛外形粗獷嘅山地賽車絕非易事，可以喺野外小山丘嘅泥路上奔馳，成功感十足！

【鳳凰山莊經典卡丁車俱樂部】
地址：廣州市番禺區陳邊村金甌北路二橫路33號鳳凰山莊
建議交通：從香港西九龍站出發：乘搭高鐵至廣州南站或廣州東站，轉乘的士前往，約45分鐘。

#愛搭高鐵去旅遊！Let’s go！

自從有咗香港西九龍高鐵站後，返內地真係又快又方便！而且除咗小編以上介紹嘅活動之外，過去3年內地亦同時新增咗好多唔同旅遊熱點，搭高鐵都可以好容易去到，啱哂港人嚟個快閃Trip！即Click： https://eqrco.de/a/qIKc9G 去「高鐵遊攻略」網站睇更多旅遊熱點，約埋朋友發掘更多好玩景點啦！

#高鐵電子車票x回鄉證2合1！快閃／改行程超彈性～｜電子車票詳情

Photo from MTR

內地多咗咁多娛樂新地標，想隨時起行玩得更順暢無阻，當然選擇高鐵。依家高鐵仲可以使用電子車票搭車，購票時系統會將證件同車票資料自動連結，電子車票 x 回鄉證2合1，一證就可以入閘啦！而且用埋12306綫上票務平台，喺網站或者用手機App隨時預訂車票，唔使再喺車站排隊買車票，加上實名驗證同檢票2合為1，乘車流程更順暢，慳返好多時間之餘，仲可以隨時自行改票或退票，超有彈性！