陳自瑤直播卸妝面露疲態，收工後凌晨直播8個鐘，網民感心痛

近年開始直播帶貨嘅陳自瑤(Yoyo)，於上月TVB聯乘淘寶嘅2場直播中，成績可觀，近日，Yoyo再開直播與網民互動，更大玩卸妝，素顏示人，不過疲倦嘅面容就令唔少網民感到心痛。

Photo from 陳自瑤 IG

現年41歲嘅陳自瑤(Yoyo)近年不時直播帶貨，早前，無線與淘寶合作直播帶貨，Yoyo嘅直播觀看次數達300萬人，全場銷售額更突破7320萬人民幣（約港幣8357萬元），唔少觀眾更大讚Yoyo專業。

Photo from 陳自瑤 微博

即睇更多人氣文章：
日本61歲美魔女甜嫁29歲男 32年婆孫戀引熱話 相遇經歷似偶像劇
韓國網紅來港搭的士投訴「找假錢」！香港網民罕有一面倒為司機平反

面露疲倦令網民心痛

近日凌晨，Yoyo工作後於抖音進行直播，更喺網民面前卸妝，畫面中，見到Yoyo皮膚仍然光滑，但可能係工作咗成日，眼神睇落有啲疲倦。令唔少網民感到心痛，指Yoyo工作後，又直播8個鐘，凌晨返到屋企先食宵夜，先會睇落咁攰。

Photo from 小紅書

Photo from 小紅書

網民意見兩極

對於今次Yoyo直播卸妝，有網民感到震驚：「年輕的時候還是很有靈氣的」、「疲憊了」、「真的老了很多」、「她幾歲啊？眼部皺紋還是蠻明顯的」、「怎麼會這麼老態？平時在電視看她都年輕啊」。不過都有唔少網民撐Yoyo，認為保養得當，同妝後冇差別：「42歲還能保持這個狀態比很多人好」、「保養得很好」、「妝前妝後沒差別」、「卸了妝真的沒差別 很厲害」、「畢竟都40好幾了...狀態算很不錯的了...加上可能相機拍出來不太好看，真人應該好看很多的」。

Photo from 小紅書

Photo from 小紅書

Photo from 小紅書

Photo from 小紅書

Photo from 小紅書

Photo from 小紅書

無懼素顏示人

事實上，Yoyo都曾經喺鏡頭前素顏示人，喺YouTube頻道嘅Vlog中大晒起床全素顏臉，無懼公開臉上暗瘡、痘印等瑕疵，仲將鏡頭zoom到勁近，畀觀眾睇佢痴雙眼皮膠紙，非常有勇氣！

Photo from 陳自瑤 YouTube

Photo from 陳自瑤 YouTube

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

傳陳自瑤王浩信正式離婚！女方要接受治療？一文睇過往屢傳婚變事件

16 Aug 2022

陳自瑤同王浩信結婚11年，近年兩人屢傳婚變，不過有指佢哋最近關係緩和，但娛樂新聞台卻引述報道指兩人已正式離婚！有指Yoyo更要接受治療抒解負面情緒，即睇兩人過往「婚變事件」。

陳自瑤同王浩信屢傳婚變，近日被指關係緩和

陳自瑤同王浩信婚後育有一女，雖然結婚後佢哋一度以恩愛夫妻嘅形象示人，但王浩信劇接劇，曾與唔同女主角傳緋聞，近年更屢屢傳出同陳自瑤貌合神離，外界唔少報道直指兩人婚姻早已亮起紅燈！

Photo from 陳自瑤微博

Photo from 王浩信IG

Yoyo近嚟事業迎來突破，首度擔任女主角，而老公王浩信則北上工作賺人仔，佢對Yoyo做女主角曾公開表示替對方開心。王浩信同陳自瑤早前分別公開與女兒王靖喬去迪士尼玩嘅相片，被指一家三口出遊，而Yoyo亦有公開提及老公王浩信，兩人關係似乎緩和不少。

Photo from 陳自瑤IG

Photo from 王浩信IG

Photo from 陳自瑤IG

Photo from 陳自瑤IG

娛樂新聞台引述報道指陳自瑤王浩信正式離婚

但娛樂新聞台官方Facebook卻引述報道指陳自瑤王浩信正式離婚嘅消息，據報道稱兩人將終結即將11年嘅婚姻關係，Yoyo更要接受療法以抒解負面情緒。王浩信則專注事業，報道表示王浩信將開設經理人公司，並簽約曾代表香港參加奧運會嘅劍擊運動員余繕妡，掀起網民熱議。

Photo from 娛樂新聞台官方Facebook

Photo from 娛樂新聞台官方Facebook

王浩信曾與黃心穎傳緋聞，陳自瑤like鬧黃心穎post

陳自瑤同王浩信於2011年結婚，曾經愛得十分甜蜜，不時喺社交網站大晒恩愛，又會同場出席活動力撐對方，不過近年兩人婚變傳聞甚囂塵上。

Photo from 陳自瑤微博

王浩信2015年拍《東坡家事》時曾同黃心穎傳緋聞，雖然兩人一直否認戀情，但喺「安心事件」之後有網民發現陳自瑤喺微博like咗一個post。Post內容指黃心穎：「好好地對象站那兒卻跑去勾搭有夫之婦」，事後Yoyo極速unlike返，唔排除佢係一時錯手like錯咗，但亦有人認為佢係借機表態。

Photo from 《東坡家事》

Photo from 陳自瑤微博

陳自瑤無視老公王浩信生日祝福

之後王浩信拍劇又分別同蔡思貝、江嘉敏傳出緋聞，不過都已獲當事人澄清。2020年Yoyo 39歲生日就喺Istagram post出一輯靚相，IG留言區有勁多圈中好友為佢送祝福，Yoyo亦一一回覆，老公王浩信其實都有留言：「生日快樂?」，不過回晒好友嘅Yoyo就無回應到王浩信呢個留言。

Photo from 陳自瑤IG

Photo from 陳自瑤IG

頒獎禮王浩信再奪視帝，陳自瑤台下「黑面」

到《萬千星輝頒獎典禮2020》，王浩信憑《踩過界2》再登上視帝寶座，喺事業再登高峰之際佢不忘多謝屋企人，佢發表感言時公開多謝老婆Yoyo陳自瑤悉心照顧女兒，不過當鏡頭影去Yoyo度時，只見Yoyo面無表情望住台上，令佢同王浩信夫妻不和嘅傳聞越傳越烈！

Photo from 《萬千星輝頒獎典禮2020》

Photo from 《萬千星輝頒獎典禮2020》

事後Yoyo解釋係因為當時分心咗，而且有傳媒影到頒獎禮完結後Yoyo都有喺台上主動擁抱丈夫王浩信。但《萬千星輝賀台慶2021》影大合照時，王浩信同陳自瑤兩夫婦企位相近，同場卻零交流，再被指貌合神離！

Photo from 陳自瑤IG

Photo from 陳自瑤IG

近嚟王浩信去內地搵真銀，Yoyo亦表示知道對方行程，更指女兒會同爸爸傾電話，王浩信宣傳內地新戲時，Yoyo亦有留言：「支持」，有指佢哋夫婦已和好如初，未料竟再傳婚變。

Photo from 陳自瑤IG