何超蓮與何超欣爆不和？被問婚禮超欣回應超有骨？網民：扮都唔扮
何超蓮同竇驍日前大婚，到場賓客有唔少都係雙方好友。不過超蓮婚禮未見賭王其他子女，有指佢哋會回港與家人再辦喜宴。近日有網友指四房何超欣被問到超蓮結婚一事卻直言係記者問佢先知，又拒絕回應有無祝福何超蓮，隨即傳出兩人不和！
何超蓮竇驍正式結婚，奚夢瑤發文澄清同竇驍只係同事
何超蓮同竇驍於峇里島舉行世紀婚禮，並公開咗多張婚禮照。三太、大家姐何超雲、超蓮龍鳳胎弟弟何猷啟亦有出席婚禮，不過賭王嘅其他子女卻未有到場。有指超蓮同竇驍為免大家舟車勞頓，因此會回港先再宴客邀請親戚朋友。
有指超蓮老公竇驍曾同何猷君老婆奚夢瑤傳緋聞，但早喺何超蓮同竇驍公開戀情後奚夢瑤已經發文澄清自己同竇驍只係同事關係，喺婚禮當日佢再度post微博，指自己早就澄清過，希望大家祝福一對新人。
Photo from 何猷君微博
何超蓮曾與四房何猷君傳不和，2020年關係好轉
何超蓮同賭王四房子女關係微妙，之前就曾傳出佢同何猷君不和，佢哋早年關係唔錯，但何猷君曾自爆爸爸賭王「捐錢買學位」畀仔女，當時惹網民猜測係講緊三房，之後超蓮同何猷君更一度互相unfollow。不過2020年何猷君就喺微博晒食麵相，並tag咗家姐超蓮大讚好食，相信應該係當時超蓮推出嘅牛肉麵品牌，而超蓮亦回覆：「好吃就多吃點，長期供應。」兩人正式「破冰」。
Photo from 何超蓮微博
Photo from 微博
Photo from 微博
Photo from 何猷君微博
Photo from 何猷君微博
何超欣被問超蓮婚禮回應被指唔得體
雖然超蓮同猷君關係回復從前，但近日又傳出佢同四房女兒何超欣不和。原來有網民發現超欣出席活動時被問到家姐超蓮結婚嘅消息，而超欣卻表示唔知情：「你同我講先知，我唔知呀！」又指自己最近無時間睇新聞，記者問佢會唔會恭喜超蓮，超欣就指：「邊個結婚都會恭喜。」但超欣避談有無恭喜對方。
Photo from TVB
Photo from 何猷君微博
有網友直言：「扮都唔扮」、「都幾唔得體」、「話晒都家姐嚟」，亦有網民指何超欣只係講真話：「只係大家都係姓何, 其他都冇關係」、「呢啲家姐分分鐘疏離過啲表姊妹」。
Photo from LIHKG
Photo from LIHKG
何超蓮與二房長女何超瓊關係友好
不過有關嘅訪問其實係3月尾，當時何超蓮同竇驍仍未回應結婚傳聞，所以超欣可能係唔想喺主角未承認之前就代為回答，因為同場記者仲有問佢大嫂奚夢瑤疑再懷孕嘅傳聞，超欣有正面回應，指當日大嫂有飲酒同著高踭鞋，所以唔會係懷孕，畢竟係三房嘅婚事，可能佢想留返畀當事人回應。
Photo from TVB
更新：何超欣喺微博回應指採訪係一個月前嘅事：「當時就是不知道婚訊」，又表示對有關傳聞非常憤怒！
Photo from 何超欣微博
何超蓮曾經上節目透露家族嘅「分工」，佢指自己無話事權，亦無咁大野心，四房負責嘅項目會由四房決定，佢絕對唔會插手。超蓮又指爸爸唔會同佢講要守住何家嘅事業，應該只會同二房大家姐何超瓊講。三房同二房關係唔錯，早前超蓮同家姐超瓊一同出席活動，兩人更友好擁抱，關係親近。
Photo from 何超蓮微博
Photo from 何超蓮IG
Photo from 何超蓮微博
Photo from 何超蓮IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
何超蓮大爆賭王豪門秘辛！稱屋企有錢是原罪，細個自覺好窮
16 Jun 2022
Photo from 何超蓮微博
Photo from 何超蓮微博
何超蓮指賭王何鴻燊中意子女孝順
主持人提到賭王有好多子女，問超蓮幾耐會見爸爸一次，何超蓮即回：「每天都見啊！」又指一日會見爸爸兩、三次：「沒有你們想的那麼慘。」佢又直言爸爸特別寵佢嘅原因好膚淺：「因為我爸喜歡孝順跟漂亮的。」佢指自己好重視家庭，亦好孝順。
Photo from 《不止於她第二季》
Photo from 《不止於她第二季》
超蓮指細個家姐、細佬都去澳洲讀書，三太都跟埋去，而佢留喺香港，爸爸賭王每日都會幫佢睇功課，又安排補習等，十分上心。超蓮稱賭王生佢嘅時候已經70歲，事業上已經發展得非常穩定，所以有時間專注家庭。
Photo from 《不止於她第二季》
大爆賭王曾被暗算，超重視子女安全
爸爸身為賭王，當然見慣唔少風浪，何超蓮表示賭王被暗算過3次，所以細個住新葡京酒店都有保鏢保護佢哋嘅安全：「門口要有一個保鏢、走廊跟電梯位置還有一個。」
Photo from 《對照記》
Photo from 《不止於她第二季》
超蓮指爸爸十分關心子女嘅安全，佢表示自己細個想去澳門旅遊塔玩skywalk，換晒裝備後被拒絕入內，原來賭王設立咗一個名單畀旅遊塔，所有子女都唔可以玩呢種活動，超蓮稱：「他自己覺得危險，然後就不讓我們跳。」
Photo from 《不止於她第二季》
Photo from 《不止於她第二季》
何超蓮自爆家族生意無話事權，坦言自己無野心
何超蓮帶主持人觀光時提到四房二兒子何猷亨準備嘅上葡京即將開幕，主持人問賭王咁多房兒女係如何分工，係咪開會商量邊個負責做咩事，超蓮直言：「這都不是我們說了算的啦！」佢指上葡京係四太嘅項目，由對方搵人負責，不過當主持問如果遇到佢唔感興趣嘅項目可唔可以拒絕，超蓮亦坦言：「不太能。」
Photo from 何猷君微博
Photo from 《不止於她第二季》
Photo from 《不止於她第二季》
主持問賭王有無同子女講要守住佢嘅事業，超蓮表示：「他可能跟超瓊說了，不會和我說。」超蓮指佢有負責嘅項目就一定會管理好，但唔會主動要求：「我也沒那個野心。」雖然超蓮對家族生意無咩野心，但佢對創業卻有好大熱情，至今有開過牛肉麵店、經營潮牌服飾等。
Photo from 《不止於她第二季》
Photo from 何超蓮微博
何超蓮自稱好窮，指屋企有錢是原罪？
佢提到自己開嘅第一間牛肉麵店好受歡迎，有意再喺九龍開分店，但咁啱新冠疫情開始爆發，當時賭王過身第二日佢就親自去同商場方開會，希望有誠意啲，打算商量可以減租，點知對方反問：「你不會沒錢交租吧？！」仲諗住加租，令佢大為吃驚，認為喺疫情下仲要加租係不可接受：「為甚麼要因為我的家庭背景這樣子對我？」
Photo from 《不止於她第二季》
Photo from 《不止於她第二季》
超蓮指當時全香港人都知佢爸爸啱啱離世第二日就咁對佢：「太欺負人了。」佢表示自此之後佢從來唔會親自同人開會，超蓮稱現時佢喺香港嘅產業仲蝕緊錢：「我是真的很窮。」佢指自己出去同人傾嘅價格永遠比其他人高：「我媽說這就是因為你家裡面有錢，這是原罪。」
Photo from 《不止於她第二季》
Photo from 《不止於她第二季》
三太並非主動接近賭王，而係由大房太太撮合
之後超蓮指佢並非讀貴族學校，三太幫佢報讀嘅係普通政府學校，而且只畀好少零用錢佢，一個星期得$10蚊，令佢覺得自己好窮：「並沒有覺得自己很有錢。」
Photo from 《不止於她第二季》
超蓮仲大爆三太同爸爸賭王嘅愛情故事，佢指三太年輕時好靚好多人追求，但佢一心只想工作，後來做賭王大太太嘅看護：「她（三太）還在那死心眼的工作。」、「是大太太覺得她（三太）真的很可靠又乖、又很漂亮，又覺得我爸好像很喜歡她。」
Photo from 何超蓮微博
Photo from 《不止於她第二季》
Photo from 《不止於她第二季》
Photo from 何超蓮IG
超蓮指重點係唔係三太主動搵賭王，而係賭王先鍾意三太，然後大太太幫佢哋製造機會：「（大太太）跟我媽說希望你能幫我照顧好他（賭王），因為我也沒辦法照顧他到老，所以（賭王同三太）才在一起的。」稱賭王係三太嘅初戀，佢指喺賭王呢個咁複雜嘅家庭，三太咁多年承受好多壓力，大讚媽媽好偉大。
Photo from 《不止於她第二季》
Photo from 《不止於她第二季》
Photo from 《不止於她第二季》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
