download HolidaySmart 假期日常 app
東京新酒店2023｜星野集團酒店「OMO3淺草」7月開幕！24小時自助區

東京新酒店2023｜星野集團酒店「OMO3淺草」7月開幕！24小時自助區

旅遊攻略 旅遊新聞優惠 日韓旅遊 日本旅遊
By Jennifer on 19 Apr 2023
Digital Editor
今晚食乜餸：小二，嚟一碟花生！

「OMO」係星野集團嘅都市觀光酒店品牌，OMO有新酒店進駐東京淺草，酒店不但近市中心，更可欣賞東京夜景。房價為300多港元起一人，酒店設有24小時自助美食飲品區，適合香港旅客！

OMO有新酒店進駐東京淺草Photo from OMO3淺草

淺草係唔少香港人遊東京必去嘅地方，淺草寺「雷門」打卡幾乎係東京旅遊嘅指定動作。星野集團嘅「OMO」品牌新酒店就選址淺草，交通十分方便，酒店將於7月31日開幕，屆時大家去東京旅遊又多一間酒店選擇～

淺草係唔少香港人遊東京必去嘅地方，淺草寺「雷門」打卡幾乎係東京旅遊嘅指定動作Photo from OMO3淺草

星野集團嘅「OMO」品牌新酒店就選址淺草，交通十分方便，酒店將於7月31日開幕Photo from OMO3淺草

「OMO3淺草」合共有98間房，主要分為3種房型，但有不同風格嘅房間。除咗普通嘅雙床房之外，仲有一款「YOSE雙床房」，房間設計參考咗表演古典說話藝術「落語」嘅淺草演藝廳，房間有紅色地氈同紫色坐墊，供1～2人入住。房間雖然唔算大，但有2張單人床，設施亦一應俱全。

「OMO3淺草」合共有98間房，主要分為3種房型，但有不同風格嘅房間Photo from OMO3淺草

「YOSE雙床房」，房間設計參考咗表演古典說話藝術「落語」嘅淺草演藝廳Photo from OMO3淺草

豪華雙人間面積有33平方米，同樣有兩張床，同時房間仲有梳化、浴缸，坐喺梳化可以睇到淺草夜景。豪華四人間則最多可容納4人入住，房間鋪設了榻榻米，適合一班好友或一家大細。另外仲有其他不同設計嘅房間。

豪華雙人間面積有33平方米，同樣有兩張床，同時房間仲有梳化、浴缸Photo from OMO3淺草

豪華四人間則最多可容納4人入住，房間鋪設了榻榻米Photo from OMO3淺草

仲有其他不同設計嘅房間。Photo from OMO3淺草

酒店最高嘅一層可以飽覽淺草寺同東京晴空塔嘅景色，邊用餐邊欣賞夜景絕對係一大享受！酒店內更設有24小時嘅「Food and Drink Station」，有飯團、麵包、甜品、零食等，飲品方面則有咖啡、果汁、清酒等提供，不過留意Food and Drink Station唔接受現金，只能用電子貨幣或信用卡支付。

酒店最高嘅一層可以飽覽淺草寺同東京晴空塔嘅景色Photo from OMO3淺草

酒店內更設有24小時嘅「Food and Drink Station」Photo from OMO3淺草

有飯團、麵包、甜品、零食等Photo from OMO3淺草

甜品亦有不同選擇Photo from OMO3淺草

飲品方面則有咖啡、果汁、清酒等提供Photo from OMO3淺草

酒店將於7月31日開幕，現已開始接受訂房，最平嘅房價約為$373港元一人，2人房價約為$745港元，CP值不錯。酒店同淺草站好近，步行只需幾分鐘，適合旅客。

酒店將於7月31日開幕，現已開始接受訂房Photo from OMO3淺草

OMO3淺草
開幕日期：2023年7月31日
地址：東京都台東區花川戶1−15−5 111-0033
交通：距離淺草寺步行只需1分鐘。東京地鐵銀座線「淺草站7號出口」步行約4分鐘；都營淺草線「淺草站A5號出口」步行約6分鐘
官網：按此
訂房網址

OMO3淺草Photo from OMO3淺草

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

淺草美食2023｜京都抹茶名店「八十八良葉舎」淺草開店！必試招牌抹茶拿鐵

3 Apr 2023

日本京都嘅抹茶全國聞名，不過即使喺東京都一樣可以品嚐到京都抹茶名物！「八十八良葉舎」嘅2號店「八十八淺草」已進駐東京淺草，推薦必試招牌飲品「抹茶拿鐵」，以及淺草店限定嘅「淺草布丁」。

日本京都嘅抹茶全國聞名

京都抹茶名店「八十八良葉舎」進駐淺草開設2號店

一講到京都都會聯想起抹茶，當地到處都係抹茶甜品店，簡直係抹茶控嘅天堂！其中一間日本茶名店「八十八良葉舎」最近就喺東京淺草開設2號店「八十八淺草」，大家去淺草觀光時都可以品嚐到嚟自京都嘅抹茶甜品啦！

日本茶名店「八十八良葉舎」最近就喺東京淺草開設2號店「八十八淺草」

「八十八淺草」選址鄰近隅田公園，翻新改造當地一間建築已有70年歷史嘅無釘木造民家，保留返古色古香嘅民宅外觀，充滿舊日京都和式風味。店內亦有「立食區」，買完甜品、飲品可以喺店內享用。

「八十八淺草」選址鄰近隅田公園，翻新改造當地一間建築已有70年嘅無釘木造民家

「抹茶拿鐵」超高人氣

店內3款拿鐵：「抹茶拿鐵」、「日式紅茶拿鐵」、「焙茶拿鐵」都相當受歡迎，其中「抹茶拿鐵」人氣最高，另外用上深度烘焙嘅茶葉製成嘅「焙茶拿鐵」亦十分有特色，仲可以加雪糕同白玉，飲起嚟更有層次！

店內3款拿鐵：（左至右）「抹茶拿鐵」、「日式紅茶拿鐵」、「焙茶拿鐵」

可以加雪糕同白玉，飲起嚟更有層次！

「抹茶拿鐵」除咗可以加抹茶雪糕、白玉之外，仲可選擇加「泡沫抹茶」以及夾住抹茶奶油嘅竹炭餅乾，口感超豐富～

「抹茶拿鐵」除咗可以加抹茶雪糕、白玉之外，仲可選擇加「泡沫抹茶」以及夾住抹茶奶油嘅竹炭餅乾

淺草店限定「淺草布丁」

另一款推薦嘅抹茶甜品就係淺草店限定嘅「淺草布丁」，抹茶布丁上面舖住厚厚一層抹茶醬，加上煙韌嘅白玉同埋抹茶粉，啖啖都係濃郁嘅抹茶香氣，抹茶控必試！

淺草店限定嘅「淺草布丁」

抹茶布丁上面舖住厚厚一層抹茶醬，加上煙韌嘅白玉同埋抹茶粉

兩款抹茶手信推薦

店內仲有2款甜品好適合做手信，第一款係抹茶Terrine，Terrine雖然喺法國通常都係鹹食，做成甜食亦另有一番風味，可以配搭雪糕、水果，不過留意需要冷藏保存，可保存一個禮拜。

抹茶Terrine

可以配搭雪糕、水果同食

仲有一款係半烤抹茶、焙茶，加熱後會有濃濃嘅茶香，可以常溫保存一星期，加上獨立包裝，啱曬做手信派畀親朋好友～

半烤抹茶、焙茶，加熱後會有濃濃嘅茶香

八十八淺草
地址：東京都台東區花川戸2-14-3
營業時間：(星期一至五）11:00～17:00；（星期六至日）10:00～17:00
交通：東京Metro銀座線淺草站落車，7號出口步行5分鐘

八十八淺草

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

日本旅遊關東旅遊攻略旅遊新聞優惠#Hotel酒店推薦淺草星野集團日本新酒店日韓旅遊東京旅遊