鍾嘉欣被指係雙面人，沉默半年終回應！網友近日偶遇待遇不同？！
鍾嘉欣近日帶埋3個小朋友回港，佢同好友見面，又出席活動吸金。久未回港嘅鍾嘉欣亦表示對拍劇隨緣，被問到有網友指佢人前人後兩個樣，嘉欣亦首度回應。最近有網民分享喺加拿大偶遇佢嘅經歷，似乎同以往有所不同。
Photo from 鍾嘉欣IG
日前誕下細女嘅鍾嘉欣已榮升成3孩之母，佢之前一直留喺加拿大湊女，最近佢現身香港，並出席楊茜堯（楊怡）女兒小珍珠嘅生日會，原來佢獲邀出席活動拍廣告，於是帶埋3個小朋友回港。
Photo from 鍾嘉欣IG
Photo from 楊怡IG
Photo from 鍾嘉欣IG
上次失落視后嘅鍾嘉欣表示自己之前同過TVB討論《星空下的仁醫》續集，不過細女年紀仲細所以已經唔會出演，嘉欣指自己有「戲癮」，對於日後會唔會再拍劇，佢表示工作上係「open」，但希望會喺仔女放暑假時拍攝，因為之前拍劇同仔女分開咗5個月覺得好難受。
Photo from ViuTV
Photo from 鍾嘉欣IG
已經成為3孩之母嘅鍾嘉欣又指同老公商量後決定「封肚」，佢指如果自己後生5年一定會生夠4個小朋友，依家會多注重健康，希望可以陪伴子女更耐。活動上，鍾嘉欣又被問到之前有網友稱佢係「雙面人」嘅事。
Photo from 鍾嘉欣IG
Photo from 鍾嘉欣IG
去年9月有網友喺小紅書分享自己於加拿大偶遇鍾嘉欣，卻引嚟大量網民留言指佢人前人後兩個樣：「平時電視上nice是裝的」，唔少網友指被佢拒絕過合照，又稱佢「人品超差」。當時曾一度掀起熱議，而身在加拿大嘅鍾嘉欣就未有回應此事。
Photo from 小紅書
返到香港嘉欣終於正面回應事件，佢指人生會遇到好多中意佢同唔中意佢嘅人，最重要係做好自己，認識佢嘅人自然知道佢嘅為人，因此認為唔需要特別回應：「沉默係最好嘅回應。」
Photo from ViuTV
最近喺小紅書亦有其他網友喺加拿大「野生捕獲」鍾嘉欣，大讚佢真人「超美好高挑」，又指佢「本人很nice」、「四目相對後 她還笑著對我say hi」，同以往嘅被指「平時電視上nice是裝的」有所不同。
Photo from 小紅書
Photo from 小紅書
Photo from 小紅書
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
鍾嘉欣加拿大被偶遇，揭係雙面人？！2件事被內地網民批：人品超差
27 Sep 2022
Photo from 鍾嘉欣IG
鍾嘉欣加拿大被網民野生捕獲
鍾嘉欣失落視后後就返加拿大，佢坦言以後未必會再接拍電視劇，返到加拿大無幾耐嘅佢更宣佈懷上第三胎嘅喜訊！現時安心養胎嘅嘉欣BB日前就獲網民野生捕獲。
Photo from 鍾嘉欣IG
小紅書上有網友分享照片並表示自己喺服裝店試衫時偶遇鍾嘉欣，當佢上前打招呼時，嘉欣嘅朋友就催佢快啲走，所以路人都無問到鍾嘉欣可唔可以合照，但好彩佢翻睇自己試衫時影嘅相發現嘉欣BB亂入咗其中一張，都勉強算係一張合照。
Photo from 小紅書
內地網民批鍾嘉欣「人前人後兩個樣」？！
唔少網民都大呼羨慕，不過有網友就指鍾嘉欣應該會拒絕合照，因為佢曾經喺小紅書見過唔少人偶遇佢都被拒絕合照。樓主就指唔想生活被打攪，唔合照可以理解。但仲有好多人都指鍾嘉欣係「雙面人」？！
Photo from 鍾嘉欣IG
Photo from 小紅書
其中一個網友就直言：「死心吧！她是不會跟你合照的，平時電視上nice是裝的！」該網民指曾經同屋企人偶遇過鍾嘉欣，當時無疫情，屋企人好有禮貌咁請求合照，但就被鍾嘉欣拒絕，呢位網民表示：「莫明其妙，感覺她一點都不親民，自此對她改觀。」有人反駁明星亦唔一定要應承同路人合照：「她也有拒絕的權利啊！」
Photo from 鍾嘉欣IG
Photo from 小紅書
另一網友證鍾嘉欣無禮貌又cheap？
目前有關嘅留言已被刪除，但仲有另一位網民亦忿忿不平，狠批鍾嘉欣態度一直唔好：「Covid之前遇見過她幾次都是超級沒有禮貌！而且非常非常非常Cheap！」佢分享兩件小事，指鍾嘉欣曾經去專櫃買唇膏，問三問四，又問唇膏用咗可唔可以退，結果買咗幾日後真後攞返去專櫃退。
Photo from 鍾嘉欣IG
呢個網民又表示之前喺Sephora偶遇鍾嘉欣，當時佢竟然用化妝掃上妝，網友指店內嘅化妝掃十分污糟，直言：「她就是沒有禮貌又非常之Cheap的人！」仲話好多人都有同感。
Photo from 小紅書
Photo from 鍾嘉欣IG
過往曾有多人指鍾嘉欣經常拒絕合照
翻睇其他內地網友偶遇鍾嘉欣嘅post，發現唔少帖文留言都有好多人指鍾嘉欣拒絕合照而對佢反感，有人指鍾嘉欣「很emotional」唔係每次都肯拍，仲有人表示自己細妹當年7歲問過鍾嘉欣可唔可以影相，鍾嘉欣黑面背住7歲嘅妹妹唔理佢，網友嬲爆指鍾嘉欣：「人品超差」。
Photo from 鍾嘉欣IG
Photo from 小紅書
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
