日本旅遊｜神奈川鬆弛熊主題海景房！無敵大海景/主題聯名甜品/免費紀念品
繼續報復式旅行！日本神奈川三浦半島嘅「三浦Maholova Minds」海景度假酒店最近推出咗一系列嘅鬆弛熊主題海景套房，專為鍾意鬆弛熊嘅Fans而設，另外4月開始更加會開放主題Cafe，房內除咗可以同四周圍嘅鬆弛熊瘋狂打卡之外，仲可以眺望超級無敵大海景，一邊放鬆一邊對著可愛嘅主題公仔，真係超級寫意啊！
Photo from 三浦Maholova Minds
東京近郊人氣海景酒店
三浦半島位於日本關東地方神奈川縣東南部的半島，由東京出發只需大約一個小時，以廣闊嘅海灘同崎嶇嘅海岸線著名，適合喜愛陽光與海灘嘅朋友，而在當地經營咗30年以上嘅人氣海景度假酒店「三浦Maholova Minds」，最著名嘅就係每間客房都可以對正一望無際嘅大海，天氣好嘅時候甚至可以見到富士山，真係諗起都吸引！
Photo from 三浦Maholova Minds
特設兩間「鬆弛熊主題海景房」
酒店其實早於去年已經新設兩間「鬆弛熊主題海景房」，由「小白熊」同「鬆弛熊」做主角，配合兩位主角再用淡黄同粉紅嘅主色去滿足少女心嘅朋友，兩間房間都可以一打開露台就可以見到一望無際嘅大海景！而且入住仲可以免費獲得鬆弛熊公仔、迷你手提袋、毛巾同餅乾，就算唔夠預算去入住嘅朋友仔酒店都可以額外出售「鬆弛熊」嘅紀念品，唔使擔心！
Photo from 三浦Maholova Minds
Photo from 三浦Maholova Minds
Photo from 三浦Maholova Minds
Photo from 三浦Maholova Minds
Photo from 三浦Maholova Minds
Photo from 三浦Maholova Minds
Cafe推出「鬆弛熊」聯名甜品
另外酒店內的咖啡廳「Rita Cafe」，更加藉著鬆弛熊主題期間由4月29日起提供全新一系列嘅甜品與特色飲品，有可愛到爆嘅「鬆弛熊鬆餅」配上雪糕球同水果做下午茶、好精緻以食用花做裝飾嘅「小白熊Cheesecake」，仲有咖啡廳唔少得嘅「鬆弛熊latte」，落單時仲可以揀一款鍾意嘅圖案，而且隻杯仲可以帶返屋企留念！真係又食又拎啊！
Photo from 三浦Maholova Minds
Photo from 三浦Maholova Minds
Photo from 三浦Maholova Minds
「 三浦Maholova Minds — 鬆弛熊主題海景套房」
預約網址：https://www.maholova-minds.com/special/detail.php?CN=118501
費用：
2人同時入住：27,500日圓起／1人1晚，附兩餐
3～5人同時入住：25,300日圓起／1人1晚，附兩餐
6人同時入住：22,000日圓起／1人1晚，附兩餐
※小學生價格為成人費用減去5,500日圓、3歳～小學以前則為成人費用減去11,000日圓、2歳以下1,650日圓（2歲以下不包含餐點）。
※鬆弛熊主題房最多可入住6位、小白熊主題房最多僅能入住4位。
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
日本旅遊｜東京Top 5高質壽司任食放題 100款壽司/每日新鮮運到/現場即叫即整
Apr 20, 2023
日本人對食物講究，無論食咩都好都細心都極致，又點會估到原來壽司都有放題食？而且日本仲有好多間專門食壽司放題嘅餐廳，而且性價比極高！又平又新鮮！去日本唔再需要挨貴嘅高級餐廳啦！以下就嚟介紹5間東京必食嘅壽司放題餐廳一齊放心咁去食啦！
Photo from shutterstock
1）雛鮨
「雛鮨」係一間喺當地好出名嘅高級壽司放題連鎖店，已經有30幾年歷史，喺東京已經有六間分店，而且店家堅持每日漁獲由漁港新鮮到運，所有壽司更加由師傅現場即叫即整，有超過60種壽司食材，拖羅、油甘魚、海膽、甜蝦、三文魚籽、鯛魚等，總之講得出嘅都有！放題時間為120分鐘，重點係各種酒精飲料可以無限暢飲，價錢都唔過400蚊！女性食客定價為5,400円（約港幣315元 ），而男性食客定價則為5,700円（約港幣333元 ），由於大受當地人歡迎，記得要預約啊！
地址：104-0061 東京都中央區銀座4丁目1西銀座百貨店2F
電話：+81-3-3566-4077
Photo from 雛鮨@Facebook
Photo from 雛鮨@Facebook
Photo from 雛鮨@Facebook
2）築地玉寿司
全國擁有22間連鎖店嘅「築地玉寿司」，壽司種類超過30多款，包括海膽、吞拿魚、三文魚、鰤魚等等，而且佢哋仲係無限時壽司任食！不過大家要留意嘅係，並唔係每一間分店都有提供壽司放題，目前只有東急PLAZA澀谷店、Kotama Lumine EST店、淺草EKIMISE店、LUMINE立川店、Sushidama LUMINE橫濱店、橫濱港未來六間分店提供。而且每間分店收費亦有不同，女性定價由3,800日圓（港幣$224）起，男性則為4,900日圓（港幣$289）起。
Photo from 築地玉寿司
Photo from 築地玉寿司
Photo from 築地玉寿司
3）鮨アカデミー
「 鮨アカデミー」由日本東京壽司學院營運，大部分師傅都係學院嘅畢業生，經歷過嚴格嘅訓練，喺銀座及新宿均設有分店，每日由豐洲新鮮採購海鮮，提供超過65種以上嘅壽司。午市與及晚市放題同樣係90分鐘。除咗壽司之外亦可以任食各款炸物、茶碗蒸、甜點等等，價錢由3,980日圓（港幣$233）起，可以話係絕對經濟又實惠！
地址：東京都中央區銀座 2-4-6 銀座 Velvia Hall 7F
電話：03-6228-6441
Photo from 鮨アカデミー
Photo from 鮨アカデミー
Photo from 鮨アカデミー
4）ぎんざまぐろや築地店
「ぎんざまぐろや」係高級壽司店，所有食材都由築地市場新鮮直送，平日係不設放題，但每逢星期六同公眾假期都會提供放題，因為星期日係休息日，可以清走食材保證新鮮。放題時間雖然係朝早11點開始，但店家朝早8點已經開放比客人填寫預約紙，不設電話預約，價格為女性4,000日圓（港幣$234），男性為4,500日圓（港幣$264），而且店入面只有20個位置，想食到高級壽司都唔係咁容易㗎！
地址：東京都中央区築地 6-8-10 1F
放題營業時間：星期六及公眾假期 11:00-17:00 （每位限時90分鐘，食材售完即止，只收現金）
休息日：星期日
Photo from ぎんざまぐろや築地店
Photo from ぎんざまぐろや築地店
Photo from ぎんざまぐろや築地店
5）絆魚壽司（きづなすし)
「絆魚壽司（きづなすし)」係由經營「鳥良」和「磯丸水產」企業旗下嘅餐廳，店內主打120分鐘內任食100款壽司，除咗壽司之外仲有味噌湯、沙拉、烤魚、其他特殊菜餚等等都包括在內，，但要留意嘅係店家分別於新宿歌舞伎町同秋葉原都有分店，而2間分店嘅價錢係唔一樣嘅，秋葉原分店只提供80種壽司，價錢相對比較平，女性為3,580日圓（港幣$210）起，男性為3,980日圓（港幣$233）起。而新宿歌舞伎町價錢為女性3,980日圓（港幣$233）起，男性4,380日圓（港幣$257）起。
新宿歌舞伎町店
地址：東京都新宿区歌舞伎町1-18-8 第一モナミビル1F、B1F
電話：050-5595-3788
秋葉原店
地址：東京都千代田区外神田1-15-18 奥山ビル1・2Ｆ
電話：03-5297-5550
Photo from 絆魚壽司（きづなすし)
Photo from 絆魚壽司（きづなすし)
Photo from 絆魚壽司（きづなすし)
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
日本旅遊｜京都祇園古色風味平民酒店｜CP值超高/免費導遊參觀/自製麵包早餐
Apr 14, 2023
京都擁有一千多年的歷史，曾經為日本的首都，素有「千年古都」的美稱。擁有多年歷史的京都一直吸引著不少旅客慕名而來參觀，位於京都祇園最熱鬧的前門町「OMO5京都祇園」屬於星野集團旗下，以其交通便利又平民的價格吸引不少旅客住宿，亦是一間以「祇園日常」就像當地人一樣生活的概念設計誕生的平價精品酒店。
Photo from OMO5京都祇園
酒店位於知名八坂神社對面
「OMO5京都祇園」距離祇園四條車站只需徒步6分鐘就能夠抵達，而講到最具特色的可說是位於知名景點八坂神社的對面，只需步一分鐘即可到達神社，另外著名的鴨川與花見小路亦在轉彎步行可到之處，地點超級方便。
Photo from OMO5京都祇園
酒店內的裝修宛入穿越時空一樣，到處都充滿著京都的古色風味，特設的公共區域擺放著京都的書籍和地圖，上面寫滿各式各樣推薦的私房景點，可以更加了解周邊的特色景點、美食商家等等。
Photo from OMO5京都祇園
Photo from OMO5京都祇園
日本現代茶屋房型設計
酒店共有7種房型36間，當中24間更設有廚房，最大可以入住六人，房內的和式榻榻米加上典雅日本元素揉合現代設計，而且新穎又乾淨，其中「茶之間」系列的房型，就有寬敞的客廳空間與簡易廚房，鍋具與餐具齊全，適合一家人或一大班朋友出遊。
Photo from OMO5京都祇園
Photo from OMO5京都祇園
Photo from OMO5京都祇園
免費導遊遊覽附近景點
入住星野集團OMO系列的酒店客人，都可以免費參加「周邊嚮導 OMO Ranger」散步導覽活動，只要前一日22:00前於官方網站預約，就可以有專人詳細介紹附近景點，行程由每天早上6:30 開始，但由於酒店是作為城市旅遊酒店，加上價位問題，酒店不設餐廳、溫泉、停車場等等。
Photo from OMO5京都祇園
Photo from OMO5京都祇園
特設自製早餐與專人訂購老字號晚餐
由於酒店並不設立餐廳，於是亦很貼心地幫客人準備好「麵包早餐組合」（需付費），客人可以於房間內自製麵包，材料教學都由酒店提供，只需要跟足程序放入食材，並將焗爐定時器設置第二天早上就會自動烘烤。另外，京都亦有很多只可通過介紹方能預約的老字號餐廳，酒店亦有專人幫客人預訂好想要品嚐的當地老字號餐廳，再人力外送餐點到酒店，絕對是個難忘的住宿體驗！
Photo from OMO5京都祇園
Photo from OMO5京都祇園
Photo from OMO5京都祇園
Photo from OMO5京都祇園
OMO5 京都祇園 by 星野集團
地址：京都府東山区祇園町北側288
https://hoshinoresorts.com/zh_tw/hotels/omo5kyotogion/
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
日本新宿酒吧聲稱2000円無限飲酒？結果埋單40萬！Youtuber三原還原被騙經過
Mar 24, 2023
日本除了可以欣賞到風景如畫的景色之外，其實不少人更熱衷於其夜生活，新宿是東京著名的不夜城，但就如同其他地區的夜生活地點一樣，有酒吧的地方總是相對地龍蛇混雜。有日本Youtuber 就指出其實於新宿、澀谷等治安不太好的地方不時有騙案發生，更指有同伴曾經於歌舞伎町中被詐騙40萬日元（大約港幣2.4萬元），更用重拍手法重新演繹，希望可以令準備到日本的旅客多加提防。
Photo from shutterstock
拉客店員聲稱2000日元「喝酒喝到飽」
日本Youtuber 團隊「三原JAPAN」就發布一條還原片段，指成員之一的Jun當日於新宿歌舞伎町跟同事下班後喝酒續攤，遇到拉客的店員，並指有優惠價只需2000円（大約港幣120元）就有可愛的女生一起「喝酒喝到飽」，並且沒有任何其他費用，二人不虞有詐並想著只是一個小時應該還可以，於是就上釣跟著店員前去。
Photo from 三原JAPAN Sanyuan_JAPAN@Youtube
Photo from 三原JAPAN Sanyuan_JAPAN@Youtube
Photo from 三原JAPAN Sanyuan_JAPAN@Youtube
進入酒吧之後可見店內只有他們一台客人，不久就有兩名女生出現陪酒，女生們坐下不久就徵求希望可以點酒喝，之後亦有三番四次偷偷點酒，但因為Jun心想是「喝酒喝到飽」應該問題不大於是沒有留意，到打算結束埋單時卻發現金額非常之不合常理，帳單上居然出現40萬円（大約港幣2.4萬元），當他找店員質問時就發現原來所謂的「2000円」只是「開桌費」，女生們點的酒每杯要價1萬円（大約港幣600元）並沒有「喝到飽」，而且單單是酒已經被索22萬円（大約港幣1.3萬元），就連小食跟冰塊一樣要加錢，而且每次加2000円，另外服務費更加是天價30%。
Photo from 三原JAPAN Sanyuan_JAPAN@Youtube
Photo from 三原JAPAN Sanyuan_JAPAN@Youtube
Photo from 三原JAPAN Sanyuan_JAPAN@Youtube
Photo from 三原JAPAN Sanyuan_JAPAN@Youtube
大隻「上司」威脅不付錢不可離開
然後Jun就跟店員對質，而店員則聲稱menu一直都在梳化後面，並指Jun是奧客不願付錢，語氣態度亦隨即變差，其後更找來聲稱是「上司」的大隻男幫手，而大隻男一出現就指Jun是來「找麻煩」的，並指「大家都是這樣付錢的，只有你這麼找麻煩」，並指沒錢可以叫父母過來，並威脅若不付錢就不放他們離開，於是Jun被迫要出外面ATM提款，而大隻男亦一直從後跟隨，最後被迫付了40萬日元他們方可安全離開。
Photo from 三原JAPAN Sanyuan_JAPAN@Youtube
Photo from 三原JAPAN Sanyuan_JAPAN@Youtube
Photo from 三原JAPAN Sanyuan_JAPAN@Youtube
事後他們去到警局求助報案，但因為警察方面指不能介入民事糾紛，若在付錢前帶店員一起到警局或許還有辦法，但付錢後就算是「合意行為」，難以討回金錢。三原亦在片末亦有提到，其實這些拉客手段就連日本人都會被騙到，陪酒的女生更會誣捏客人性騷擾，另外亦會騙指其他食店已經滿坐，推薦與他們有關的小店，再以各種手法騙取金錢。若果店家在網上被揭發，就會換個店名繼續營業，再重施故技，奉勸各位外國朋友千萬要留意！
Photo from 三原JAPAN Sanyuan_JAPAN@Youtube
Photo from 三原JAPAN Sanyuan_JAPAN@Youtube
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
Tinder詐騙王｜交友APP扮高富帥呃巨款！Netflix紀錄片揭騙徒背景
Feb 8, 2022
Netflix紀錄片《Tinder詐騙王》近日掀起熱話，一位騙徒假冒鑽石富二代，欺騙嚟自唔同國家嘅女子，金額高達千萬美元！呢位騙子究竟用咗咩方法呃到咁多女仔引起關注，情場浪子手段高超，而佢嘅近況更令人感慨。
Photo from NETFLIX
Tinder自稱「鑽石王子」Simon Leviev
《Tinder詐騙王》以苦主角度出發，嚟自挪威嘅Cecilie Fjellhoy喺著名交友APP「Tinder」結識咗一位名為Simon Leviev嘅男子，佢自稱父親係以色列鑽石大亨Lev Leviev。
Photo from NETFLIX
Simon Leviev以「鑽石王子」嘅身份邀約，Cecilie見對方有唔少奢華生活照，約會時更出動私人飛機，載住佢飛往保加利亞，更齊齊入住五星級酒店，令Cecilie對佢「高富帥」嘅身份深信不疑。
Photo from Instagram
Photo from NETFLIX
向女朋友借錢，金額高達千萬美元
Cecilie好快墜入愛河，之後Simon突然向佢表示因家族讚石生意而遇到危險，為免留下消費痕跡而被追尋到，佢急需現金周轉，希望Cecilie可以借錢或借信用卡畀佢用。
Photo from NETFLIX
Simon甚至影下佢疑似受傷嘅相畀Cecilie睇，證明佢處境的確好緊急。Cecilie為救情郎，前後多次借出2萬、3萬、14萬、25萬美金等，最後仲欠下9間銀行貸款。
Photo from Instagram
Photo from NETFLIX
扮「高富帥」呃苦主錢，受害者遍佈世界各地
借完錢後Simon聯絡越嚟越少，Cecilie借返嚟嘅錢全都落入Simon袋中，並用嚟請瑞典女子Pernilla Sjoholm去旅行，就係咁Simon以呃上一個苦主嘅錢嚟繼續扮「高富帥」，再呃下一位苦主上當。
Photo from Instagram
Photo from NETFLIX
Cecilie同瑞典女子Pernilla都係受害者，兩人都畀咗大量金錢Simon，而Simon更憑同一個方法呃過世界各地多位女子。有多次前科嘅Simon根本係詐騙犯，Cecilie同Pernilla被騙財又被欺騙感情，決意聯手反擊。
Photo from Instagram
Photo from NETFLIX
佢哋向挪威最大報章提供證據，記者發現苦主竟多達20幾人，更不惜親自去Simon家鄉以色列了解Simon嘅背景。
Photo from NETFLIX
回復自由後繼續過富貴生活
Simon原名Simon Hayut，出生於以色列一個小鎮，雖然自稱係「鑽石王子」，實際上佢家境普通，絕非富二代，多年嚟有唔少詐騙前科，但每次都逃走至外地，然後重施故技再呃其他人。
Photo from Instagram
最終Cecilie等人合作下Simon成功落網，但因為疫情緣故佢只被關5個月就獲得釋放，令一班苦主十分不滿。重獲自由嘅Simon依然過住超豪生活，日日揸靚車、生活富貴，甚至仲交往model女友，日子相當寫意。
Photo from Instagram
Photo from Instagram
網友：前女友還債，佢逍遙快活
唔少網友都認為佢呃咗咁多苦主，只關5個月實在太唔公平：「3個前度仲還緊錢，佢就繼續風流快活！」、「真係好專業騙徒」
Photo from LIHKG
Photo from LIHKG
亦有網民指佢外型同視帝陳展鵬有幾分相似？！大家又覺得似唔似？
Photo from Instagram
Photo from Facebook
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
《東張西望》陳彥行被騙簽3千萬保險！爆喊指3年內過千萬積蓄蒸發！
28 Dec 2021
陳彥行上《東張西望》哭訴受騙
現年45歲嘅陳彥行曾為TVB藝人，出演經典喜劇《皆大歡喜》「金日」一角而為人熟悉。佢近日現身節目《東張西望》哭訴受騙令積蓄無晒！
銀行理財主管佘先生安排計劃，陳彥行與媽媽開聯名戶口
陳彥行指佢75歲嘅媽媽喺2018年結識咗一位銀行理財主管佘先生，之後更十分熟絡，一星期有3、4日上佢媽媽屋企食飯，有時更會帶埋老婆去。而陳彥行媽媽亦非常信任對方：「我聽我媽媽對佢係有讚無彈，係百分之二百嘅信任。」
陳彥行媽媽亦開始將銀行戶口交畀佘先生管理，之後佘先生更主動提議幫陳媽媽搞一個「計劃」，但陳媽媽年齡不允許，佘先生又提議陳媽媽搵屋企人開聯名戶口投資，令到佢可以做到呢個「計劃」。
陳彥行以為佘先生已同媽媽商量好，未了解清楚條款即簽文件
於是陳彥行就同媽媽開戶口，但同時佢並不清楚所謂嘅「計劃」到底係咩，佘先生亦從未解釋過。陳彥行表示同媽媽去銀行辦手續時簽咗好多份文件，但當時不以為意，無睇清楚條款細項：「我認為佢已經同我媽媽傾好晒、解釋清楚，我嘅角色只係落去簽個名。」
陳彥行稱佢一向同媽媽財政獨立，所以聯名戶口都只係掛名，佢從未過問戶口入咗幾多錢，但佘先生有時都會發訊息叫佢落分行簽名、做手續，每次佘生先都未有提及要簽咩文件，反而就指「陳太（陳彥行媽媽）同你提過啦可？」，令陳彥行誤以為佢已經同媽媽講過。
而且落到分行簽名時，佘先生及同事辦事十分有「效率」，只會揭到要簽名嗰頁，有部分文件要簽落電子器財，更無畀佢睇清楚到底係咩文件就要佢簽名。結果到2021年5月27日，佘先生就同陳彥行及佢媽媽表示會離職，令佢哋大為驚訝。
2年後陳媽媽發現戶口過千萬資金幾乎全蒸發
點知陳媽媽翌日去查看銀行戶口狀況發現出事！陳彥行：「我媽媽差啲暈咗喺銀行，見度入邊啲資金差唔多都蒸發晒。」，陳彥行亦即刻WhatsApp佘先生，希望佢交待事實。
佘先生之後唔知係咪「良心發現」，有上到陳媽媽屋企道歉，錄音中佘先生透露戶口千幾萬資金只剩返保險，親友問佢份保險供晒未，佘先生指未供完，只係一半多啲，親友表示：「即係仲要畀錢啦！」親友又稱：「我阿姨（陳媽媽）仲要攞多1,500萬出嚟？每張一百萬，有五張（保單），仲要供三年，咁係咪仲要1,500萬？」
佘先生道歉，陳彥行稱計劃總共要供3,000萬！
佘先生：「我知道陳太其實對我好好，我都想用任何方法幫你哋完成申索，但都係同大家講多次對唔住，我都知呢樣嘢好煩，真係對唔住。」後來陳彥行指佢向銀行追查先了解個「計劃」係咩回事，有6份保單，佢總共要供3,000萬，依家6份保單有5份已經失效。
陳彥行指佢睇返啲啲財務分析表終於知發生咩事：「原來佢想製造個假象，畀人覺得我係一個千萬富翁。」，佢更忍唔住爆喊：「喺我有生之年，都會討返呢個公道。」
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
