愛回家｜大小姐再被指醜化！網民評價兩極！林淑敏一做法收獲好評

By Wing Ws on 25 Apr 2023

Digital Content Writer

TVB處境喜劇《愛回家之開心速遞》拍攝手法向來誇張，角色亦不免需「破壞形象」奮身演出，昨日，《愛回家》曝光大小姐嘅「加拿大」業務，被指醜化大小姐，劇情令網民評價兩極，直斥無厘頭，而林淑敏就劇情出post。

Photo from Instagram @sukman_lam

昨日（24日）播出嘅一集中，講到大小姐為接龍拍攝一輯脫毛膏嘅廣告相，痴喺熊家嘅大廈，遮住熊家人天台及單位，令一家人不見天日，更因此抑鬱發狂，意外?開廣告牌，令陽台上嘅植物重見天日，並快速生長至破口外嘅位置，咁啱破口嘅位置就係大小姐嘅胳肋底，導致廣告圖上嘅大小姐就好似晒出胳肋底毛咁，仲搞到外界質疑脫毛膏無效，令產品滯銷，風少更笑指大小姐嘅「加拿大」業務發展茂盛。

Photo from TVB

不過今次網民評價兩極，有網民讚大小姐好笑，亦有人批評劇情無厘頭、唔好笑：「只有我覺得有點今集故事太無厘頭，莫名其妙，不好笑嗎。。。」、「想玩下以前(4年前) 天馬行空D橋。。不過可惜。。明顯監製有心無力。。行唔返初期愛回家條路」、「今集玩加拿大，編劇加油」、「越來越唔好睇」、「覺得以前嗰啲好睇好多」。

Photo from TVB (official) YouTube

對於劇情醜化形象，林淑敏就完全唔介意，仲喺社交平台上貼出廣告相及加拿大「生草」圖，指：「我真係強力推介這產品！#接龍牌脫毛膏 #種草 #愛回家之開心速遞」，帖文獲網民大讚，紛紛留言指大小姐搞笑，亦非常有氣度！

Photo from Instagram @sukman_lam

事實上，《愛回家》早前亦多次出現醜化大小姐嘅劇情，如扮學生妹嘅龍小蓮，當時，林淑敏亦曾出post表示：「有時重口味，係過癮嘅！如果你開心我可以唔出糧」，大方嘅表現獲觀眾大讚。

Photo from Instagram @sukman_lam

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

王晶女兒王子涵買衫被指老土？曾留學英國時裝設計，開網店賣衫未返《愛回家》

15 Mar 2023

於TVB《愛回家之開心速遞》中飾演「蔡玉皎」嘅王子涵近日開咗間網店，並於社交平台上展示於韓國選購嘅7套衣服穿搭，但有關衣物卻被指老土。

Photo from 王子涵 IG

現年33歲嘅王子涵係導演王晶嘅女，2015年加入TVB，曾於清談節目《姊妹淘》擔任節目主持，參演唔少電影電視劇，去年憑處境劇《愛回家之開心速遞》中飾演「蔡玉皎」一角成功入屋，始為觀眾熟悉。

Photo from 王子涵 IG

近日，王子涵於社交平台上分享7套衣服穿搭，指：「韓國onni小姐姐穿搭逛了東大門三天讓你們看看我的收穫」，大晒於韓國旅行時購買嘅戰利品，另於IG上tag咗個人服裝網店，其中，有標語Tee配鮮粉色長褲、短版上衣搭蛋糕紗裙等造型，睇落簡約休閑，不過卻有指王子涵揀品味老土，襯出嚟嘅配搭唔好睇。

Photo from 王子涵抖音

據知，王子涵出道前曾留學英國修讀時裝設計，於倫敦藝術大學化妝及髮型形象設計系畢業。王子涵與爸爸王晶於媒體訪問中提到，自己海歸後決定進入演藝圈，告知家人後，爸爸王晶表示理解及支持，而王子涵亦坦言感謝屋企畀佢任性，令佢可以踏足娛樂圈嘗試。

Photo from 王子涵 IG

近年，王子涵拍劇次數大減，唯憑《愛回家之開心速遞》中「蔡玉皎」一角受觀眾矚目，但王子涵上年8月時於社交平台發帖指：「皎皎先小休一下」，暫別《愛回家》。殺青另一部電影劇後，王子涵今年連去兩次旅行，上月更開咗間服裝網店，列出上述於韓國東大門購買嘅多套衣服，現時起步有60多位粉絲，唔知之後會唔會見佢喺服裝事業上有所發揮呢！