莊鍶敏搵金牌媒人Bob求好男人！再次澄清跟汪小菲並無關係
莊鍶敏（Jacquelin）日前被傳媒拍到跟台灣藝人大S前夫汪小菲秘密在港於中環德輔道中一間餐廳聚餐，全程更有講有笑大聊三小時，因而傳出绯聞，當時莊鍶敏亦未有回應有關绯聞。但最近卻突然在社交媒體分享直播影片，片中更出現林盛斌（Bob），而莊鍶敏亦大爆Bob「爭佢嘢」!
Photo from 莊鍶敏Jacquelin@Facebook
重提跟汪小菲聚餐绯聞
據知跟汪小菲聚餐當日莊鍶敏悉心裝扮出席，雖然現場還有其他朋友一共十人，但當晚氣氛高漲，大家於餐廳大聊三小時方捨得離開，而汪小菲在門口與跟朋友道別後，便與莊鍶敏及一男一女步行離開，一行四人前往四季酒店繼續聚會，期間汪小菲跟莊鍶敏亦並肩而行，兩人言談甚歡，當時莊鍶敏接受其他傳媒訪問時表示，直認跟汪小菲聚會，更表示：「大家都有做直播，都係傾直播嘅嘢。」又指對汪小菲印象不錯，大讚他是做實事的人，其後被問到會否有發展空間，她則表示沒有多想，大家剛認識只是「當識多個朋友」，但亦有交換雙方電話號碼。
Photo from 汪小菲@微博
Photo from 汪小菲@微博
而近日於直播的片段中，就首次鏡頭前再次澄清自己跟汪小菲是清白，並無任何關係，之後對著Bob指「呢個人爭我嘢爭咗好耐。」Bob則表示：「我都覺得好唔好意思，對唔住呀，我爭你一個男人呀！」之後莊鍶敏督促「紅娘Bob」快點行動，而Bob亦表示會努力於三個月內找個好男人給莊鍶敏。
Photo from 莊鍶敏Jacquelin@Facebook
Photo from 莊鍶敏Jacquelin@Facebook
跟台灣丈夫離婚後一直單身
事實上，莊鍶敏於去年跟台灣珍珠奶茶店老闆Brian（楊秉逸）結束兩年半的婚姻之後一直保持單身，當時莊鍶敏對傳媒表示離婚的原因是由於Brian結婚前曾經承諾願意為她搬到香港或內地生活，但最後Brian卻一直「拖字闕」放不下台灣的生意，加上疫情一直分隔兩地令雙方不斷爭執，直言「勉強冇幸福」，最後惟有選擇離婚。
Photo from jacquelinchng@IG
Photo from jacquelinchng@IG
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
莊鍶敏爆「被離婚」？自言曾飛40次台灣，老公2大行為強人所難？！
Dec 21, 2022
莊鍶敏（前名莊思敏）2020年與台灣珍珠奶茶店老闆楊秉逸（Brian）結婚，但疫情下兩人聚少離多，終於2022年11月離婚。回復單身嘅莊鍶敏日前接受訪問時就透露自己算係「被離婚」，坦言以後都無意再談異地戀。
Photo from 莊鍶敏IG
莊鍶敏與台灣珍珠奶茶店老闆Brian離婚
現年42歲嘅莊鍶敏2019年9月公開同台灣珍珠奶茶店老闆楊秉逸（Brian）嘅戀情，2020年2月男友就喺布吉向莊鍶敏求婚，3月15日，二人於莊鍶敏貝沙灣豪宅內舉行簡單簽紙儀式，正式結為夫婦。
Photo from 莊鍶敏IG
Photo from 莊鍶敏IG
Photo from 莊鍶敏
拍拖唔夠一年就極速閃婚，但婚後兩人各有各忙，老公Brian要飛返台灣打理生意，而莊鍶敏就留喺香港工作。長期分隔兩地，莊鍶敏於2022年11月承認同老公離婚，當時有傳兩人聚少離多，又對定居地方產生嚴重分歧。
Photo from 莊鍶敏IG
剖白離婚嘅真正原因，莊鍶敏稱老公2大行為太強人所難？！
離婚消息公佈一個月，日前莊鍶敏表示已辦妥離婚手續，正式恢復單身嘅莊鍶敏更剖白佢同老公離婚嘅真正原因。當初莊鍶敏坦承佢同老公未試過長時間相處，但就表示自己非常適應遠距離婚姻，認為咁樣更可以減少二人爭吵嘅情況！
Photo from 莊鍶敏IG
不過莊鍶敏最近接受訪問時就暗示離婚其實係老公作主動，佢透露老公Brian經常提出一啲佢做唔到嘅要求「刁難」佢，例如要佢定居台灣、平時對話老公亦會變得好冷淡又容易發脾氣，於是就問對方係咪想離婚。
Photo from 莊鍶敏IG
暗示老公可能另結新歡？！
莊鍶敏稱佢都有諗過飛去台灣挽回呢段婚姻，但老公卻拒絕，叫佢唔使飛回去，對此莊鍶敏似有所指：「如果我夾硬過去，咁我會唔會見到我唔想見嘅嘢㗎！」喺離婚嗰時莊鍶敏亦曾表示感情決裂與第三者無關，卻又加多一句：「但佢（老公）我就唔知喇。」疑似暗示Brian喺台灣可能另結新歡？！
Photo from 莊鍶敏IG
Photo from 莊鍶敏IG
莊鍶敏表示曾飛40次台灣，拒絕定居台灣
喺離婚之前莊鍶敏就上過吳若希嘅YouTube Channel做嘉賓，當時佢就稱唔排除將來老公會由台灣移居香港，不過佢亦一口否決佢搬到台灣嘅可能性：「我搬過去（台灣）就已經排除咗㗎喇！」原因係佢喺台灣無嘢做。但莊鍶敏指佢其實都有盡力想維擊呢段婚姻。
Photo from 吳若希YouTube
Photo from 莊鍶敏IG
莊鍶敏表示封關前佢飛咗40次台灣，連入境處都問佢做咩飛到咁密。佢解釋2021年台灣唔接受任何入境申請，莊鍶敏指到2022年台灣重新開放入境後佢即刻申請。結束2年幾嘅婚姻關係莊鍶敏表示佢唔後悔，但坦承當初結婚決定得太快，太相信老公一開始嘅承諾，佢指日後盡可能都唔會再談異地戀。
Photo from 莊鍶敏IG
Photo from 莊鍶敏IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
莊鍶敏與台籍丈夫驚傳離婚！二人婚後經常分隔兩地！曾堅拒搬到台灣與男方居住？
8 Nov 2022
Photo from 莊鍶敏IG
莊鍶敏2020年與台灣籍男友閃婚
42歲莊鍶敏（前名：莊思敏）於2019年9月與台灣珍珠奶茶店老闆楊秉逸（Brian）公開戀情，二人感情甜蜜～喺交往不足1年後決定結婚，當時基於疫情關係二人嘅婚禮辦於女方位於貝沙灣嘅豪宅內，於2020年3月正式結婚，喺數十名嘅親友見證下完成簽字儀式。
Photo from 莊鍶敏IG
婚後二人長期分隔兩地
不過婚後二人大部分時間都分隔兩地，丈夫飛返台灣處理工作事宜；而莊鍶敏則留喺香港發展演藝事業。女方曾透露二人經常都會透過視像通話聯絡感情，感情甜蜜依舊，仲揚言有生B計畫！
Photo from 莊鍶敏IG
Photo from 莊鍶敏IG
近日驚傳二人離婚消息！
日前卻驚傳二人離婚嘅消息，有指二人因為未能對定居地方達成共識，而發生嚴重分歧。但亦有指令莊鍶敏最不滿嘅係丈夫三番四次食言及三觀唔同，最終選擇結束長達近3年嘅婚姻！女方喺接受傳媒訪問時承認傳聞，但就強調感情決裂與第三者無關「但佢我就唔知喇。」
Photo from 莊鍶敏IG
即睇更多人氣文章：
曾坦承夫婦二人從來沒有長時間相處
過往二人雖然分隔兩地，但莊鍶敏每次談及丈夫時都流露幸福滿瀉嘅表情，令外界一直都認為二人感情甜蜜～莊鍶敏曾於好姐妹吳若希嘅YouTube影片中透露，兩夫婦從來冇試過長時間相處，但就話自己非常適應遠距離婚姻，認為咁樣令二人嘅爭吵都減少好多！
Photo from 吳若希YouTube
Photo from 莊鍶敏IG
堅拒飛往台灣定居陪丈夫？
此外，當時莊鍶敏話唔排除未來丈夫將會從台灣移居到香港，但就堅拒咁話「我搬過去（台灣）就已經排除咗㗎喇」而好姐妹吳若希忍唔住詢問原因，而佢就坦承「我搬過去有咩做啊！」但二人似乎都尚未商量好要定居喺邊度好？！
Photo from 吳若希YouTube
Photo from 吳若希YouTube
被好姐妹吳若希笑稱「係新抱界反面教材」
而莊鍶敏亦有提及同台灣奶奶嘅相處，坦承相處嘅時候冇咩大問題，但因為生活習慣太唔同而令奶奶有微言，包括：太遲起身、大時大節只傳訊息等。不過莊鍶敏解釋奶奶本身係比較傳統嘅人，但以上問題都好快就解決到，而吳若希就講笑咁話「真係新抱界嘅反面教材！」
Photo from 吳若希YouTube
Photo from 吳若希YouTube
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
