陳惠敏評香港最好打演員！獲網民認可：成龍甄子丹都唔夠打

武打電影中拳法深受認可嘅陳惠敏，近日於社交平台中介紹香港最好打演員，原來成龍搵過呢個人做保鏢，唔少網民表示認同，更有人表示成龍都唔夠佢打！

Photo from 陳惠敏 抖音

現年78歲嘅武打影星陳惠敏係前邵氏兄弟武打動作演員、自由拳擊運動員，曾拍多部著名動作電影、電視劇，如《射鵰英雄傳》、《笑傲江湖》、《逃學英雄傳》、《古惑仔》等，電影中角色愛家庭、重義氣，兼有一套靈巧身手與快拳聞名，電影《古惑仔3之隻手遮天》中的東興大哥「駱駝」一角更廣為人知。陳惠敏曾於訪問中透露年輕最佳狀態時，一個直拳可打出高達270磅。近年，陳惠敏甚少露面，有指佢嘅健康響起警號，患中風及肺炎，令一眾網民擔心，幸好及早治療，身體亦逐漸恢復。月前，陳惠敏更開設抖音帳號，分享生活日常。

Photo from 陳惠敏 抖音

即睇更多人氣文章：
廣告銷售額最高KOL Top10！鄭秀文蟬聯榜首！呢位MIRROR成員吸金力最強！
日本旅遊｜東京Top 5高質壽司任食放題 100款壽司/每日新鮮運到/現場即叫即整

陳惠敏評香港最好打演員

近日一段影片中，陳惠敏對鏡頭介紹身邊嘅盧惠光：「香港演員裏真正最好打，最厲害的腿就是他」，而盧惠光則謙虛表示：「惠敏哥最好打」。而有關影片亦引起熱議，而留言區亦係一面倒嘅認同，大讚盧惠光有實力、實至名歸：「有實力，做人低調」、「這個真的能打」、「成家班裏面最能打的」。另有人提到拳壇上盛傳一句說話：「拳有陳惠敏，腳有李小龍」，可以被老前輩陳惠敏認可腳法，睇嚟能力有當年李小龍嘅風采！

Photo from 陳惠敏 抖音

Photo from 陳惠敏 抖音

Photo from 陳惠敏 抖音

Photo from 陳惠敏 抖音

香港7屆泰拳冠軍 曾任成龍保鑣

另外，有網民提到盧惠光喺成龍電影中飾演反派配角一類角色，因此為佢感到唔抵。據悉，盧惠光係香港泰拳七屆冠軍，電影中嘅精彩腳法更令影迷驚嘆不已，成龍還請他擔任保鑣，但有指佢喺2009年遭到資遣，據傳只獲10萬港幣。盧惠光事後回應指與成龍之間冇誤會，而費用一事亦已經解決。

Photo from 《醉拳2》電影截圖

曾評成龍玩雜耍、甄子丹未夠料

翻查資料發現，原來老前輩陳惠敏都曾評價成龍、甄子丹二人，佢指成龍係學雜技出身、功夫較雜，所以唔算係「功夫巨星」，又指甄子丹體型、身高受限：「什麼宇宙最強，你個子小就小」、「你個子小，永遠都不夠個子大的打」。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

成龍呻武術演員不受重視惹易烊千璽粉絲不滿！急澄清求幫手

7 Apr 2023

成龍放棄荷里活市場後就留喺中國發展，佢近日出席電影活動時慨嘆現時武術演員唔受重視，又提及內地當紅小生易烊千璽，卻引起對方fans不滿，結果要公開澄清，希望粉絲幫手。

Photo from 《無限超越班》

成龍自言自己放棄美國市場

成龍早前上內地綜藝節目《無限超越班》時露自己當年喺荷里活拍戲嘅往事，指無人留意佢嘅演出，只注重佢嘅英文發音，令佢決心放棄美國市場。後來成龍又同好友楊紫瓊表示電影《奇異女俠玩救宇宙》嘅導演先搵佢出演，但都被佢拒絕咗。

Photo from 奧斯卡頒獎禮

成龍自豪荷里活需要佢，建議後輩演員留中國發展

放棄美國市場後，成龍喺中國籌備拍攝唔少動作電影，而佢主演嘅電影《龍馬精神》日前於國內上映，連日嚟佢都出席唔少活動，成龍於公開活動中再次表示自己無悔放棄美國市場回國發展呢個決定。

Photo from 《無限超越班》

Photo from 《龍馬精神》

成龍指唔係佢要去荷里活，而係荷里活需要佢，佢為此亦感到自豪。成龍以過來人身份對後輩演員稱應好好留喺國內發展，指去荷里活只會出演一啲小角色，只要喺國內成功，自然就會有人搵佢拍戲，所以最好以中國市場為重。

Photo from 《龍馬精神》

即睇更多人氣文章：
梁競徽生日獲契媽送700萬名車 近年狂上內地吸金 網民猜測契媽真正身份
網民票選「8大男生最想娶職業」 第1位竟然係佢？當事人反駁要接受現實

Photo from 《無限超越班》

為武打演員抱不平卻惹怒易烊千璽粉絲？！

之後成龍喺出席《龍馬精神》電影活動時再度發言，但卻引起爭議？！原來成龍於活動上為武打演員抱不平，佢表示投資人只想搵「流量明星」出演電影，佢舉例稱如果搵「成家班」嘅何均開拍《醉拳3》，即使開價1,000萬人民幣亦無人肯投資，但只要主演換成當紅小生易烊千璽，就算開價4億，投資方都願意出。

Photo from 《無限超越班》

Photo from 《朋友請聽好》

成龍感嘆現時嘅投資人即使開拍動作電影都唔需要主角識功夫，只要顏值高嘅演員。點知成龍呢番言論引起咗易烊千璽嘅fans不滿，佢哋認為易烊千璽唔止顏值高，本人亦演技出色，係實力派，並非成龍所講嘅「流量明星」，而且佢主演嘅電影票房成績唔錯，作為一位有票房號召力嘅年輕演員，投資方想搵佢拍戲實屬正常。

Photo from 《無限超越班》

Photo from 《少年的你》

Photo from 《滿江紅》

成龍急澄清，請fans幫忙解釋

事後成龍出席另一活動時被問到呢件事，佢即表示當日自己明明仲有提及其他有份出演《龍馬精神》嘅演員，如吳京、郭麒麟等，指搵佢哋都一定會有人肯投資，但卻被傳媒斷章取義，佢澄清自己只係舉例，唔係指易烊千璽「靠樣無實力」，又呼籲粉絲幫佢糾正返。

Photo from 《龍馬精神》

Photo from 《這！就是街舞！》第二季