中環摩天輪需10底或之前拆卸～新舊營辦商傾唔掂！原址重建需耗20個月！

想必仲未有時間去過打卡或坐過中環摩天輪嘅朋友，一定好飲恨，因為早前中環摩天輪突然停止營運，原來新營辦商投標贏左，舊營辦商營運嘅摩天輪停止服務，暫時更離唔開要拆卸嘅危機！現有營辦商Swiss AEX質疑新營辦商TECL唔符合招標資格，但政府仍然批準，係唔合理。摩天輪拆卸再重建費時又浪費金錢又唔環保，究竟今次做法係岩定錯呢？摩天輪清拆後又如何處置呢？

Photo from Pinterest

原營辦商Swiss AEX早前發表聲明，指政府違反「新營辦商必須具備最少一年相關經驗」招標要求，而且新營辦商TECL去年11月只以一蚊資金成立，所以TECL中標係唔合理！

Photo from government website

Photo from Pinterest

但發展局局長黃偉綸就表示，政府一直協助新舊營辦商溝通，惟至今仍未有共識，又指政府唔適宜就結果成敗作評論，而摩天輪招標係去年11月，按照相關條例進行，亦得到中央投標委員會認可。佢強調舊營辦商需於十月三十一日或之前將土地「交吉」，還比政府，但由於拆卸時間需要兩個月，所以估計未能於限期前完成。佢又重申由於新舊營辦商未達共識，新營辦商或需自行興建新嘅摩天輪。

Photo from government website

Photo from Pinterest

其實原營辦商Swiss AEX曾向政府要求恢復營運，但發展局表示原營辦商Swiss AEX需同新營辦商達成協議，先可以保留現有摩天輪，否則都有責任展開工程，按時交還用地，而政府已按Swiss AEX申請批出拆卸同復修工程相關許可。

Photo from Pinterest

不過原營辦商Swiss AEX又提到如果另起新摩天輪，需要額外花20個月嘅時間。當年佢地就經過多個政府相關部門審批，摩天輪建造期歷時18個月。又指現在拆卸工程需時兩個月，而新營辦商另建新摩天輪又要一個年多嘅工程，等於未來接近兩年都唔會有屬於香港人嘅摩天輪。

Photo from Pinterest

Swiss AEX發言人表示仍然可同舊營辦商繼續商討，希望可獲得審批重開，所以暫時唔會公開摩天輪清拆處置方式，不過強調公司重視環保，有關組件唔會成為垃圾。

Photo from Pinterest

發展局表示，新營辦商需時安裝新摩天輪，其開始營運時間，會視乎新營辦商取得相關許可同牌照時間。

Photo from government website

Text：Holiday Editorial

Photo Source: Government website and Pinterest

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載