日本網民編選6大東京必食美食！巨無霸彩虹雪糕／巨大炸豬扒／關東煮老店

By Wing Ws on 04 May 2023

Digital Content Writer

東京有咁多美食，去旅行揀餐廳分分鐘有選擇困難，但相信能夠深受當地人喜愛嘅食肆就必然唔會出錯！近日，一位名為「坊主」嘅日本網民於Twitter上發文「東京行ったらこれ食べろ選手権（去東京必食美食選舉）」，引起網民熱烈討論，而樓主於當中選出6間餐廳／小食，獲得唔少人嘅認同！

Photo from Twitter

中野巨無霸彩虹雪糕

呢間中野雪糕店係一間營業超過50年嘅老店，以8層高嘅巨無霸彩虹雪糕聞名，結合8種口味嘅雪糕，售價600円，亦可以自選口味嘅順序，有雲尼拿、朱古力、士多啤梨、焦糖、波子汽水、抹茶等口味，味道獲得唔少日本網民認可。

Photo from Twitter @Dailychiko

デイリーチコ(Dailychiko)
地址：東京都中野区中野5-52-15 中野ブロードウェイ B1F
營業時間：10:00～20:30

超巨大炸豬扒丼

炸豬扒愛好者唔可以錯過呢間餐廳！呢間餐廳開業不到一年已經成為當地大排長龍嘅人氣食肆，招牌嘅特上厚切炸豬扒丼，面頭鋪上一份極厚嘅炸豬扒，底下有煎蛋、白飯，口感同味道絕對係大滿足！

Photo from Instagram @nihonbashi_tonkatsu_hajime

Nihonbashi tonkatsu HAJIME（日本橋とんかつ一）
地址：東京都中央区日本橋室町 1-13-9 池田ビル 1F
營業時間：11:00-22:00（星期二至五），10:00-22:00（星期六、日、假日），星期一休息

邪惡紅豆牛油豆沙包

呢間位於巢鴨嘅千成もなか係一間80年老店，當中嘅招牌係現場即整嘅豆沙包，客人可以選擇紅豆沙、白豆沙或綠豆沙3種口味，網民推薦嘅係紅豆牛油豆沙包，溫熱嘅麵包夾住微軟嘅牛油，甜鹹味結合，係一款香氣十足嘅甜品。另外，葫蘆造型嘅鹽大福係店內嘅人氣手信，大家不妨考慮作為手信一同購買！

Photo from Twitter

Photo from 元祖千成もなか官網

元祖千成もなか
地址：東京都豊島区巣鴨 3-28-8 1F
營業時間：10:00-19:00

咖哩蓋飯

呢間咖喱專門店有各種口味選擇，咖哩以香料、蔬菜、水果等製成，結合甜味及辣味，味道獲得唔少網民嘅認可！鍾意食咖哩嘅朋友記得試一試啦～

Photo from Twitter

欧風カレーボンディ
地址：東京都千代田区神田神保町2-3 神田古書センター２Ｆ
營業時間：11:00〜21:30（星期一至五），10:30〜22:00（星期六、日、假日）

日本第一豆沙包

呢間甜品店曾被日本雜誌評為日本第一名手信豆沙包，亦係東京三大豆沙包嘅百年老店，龜十嘅豆沙包係手工製作，外型會比其他店舖所售嘅豆沙包大，有黑豆沙包（紅豆）及白豆沙包（白豆）兩款口味，此外，店內亦有唔少甜品售賣，非常適合大家揀嚟做手信。

Photo from Twitter

淺草龜十
地址：東京都台東区雷門 2-18-11
營業時間：10:00～19:00

必食關東煮

關東煮係近年唔少人去日本旅行嘅必食之物，呢間近百年嘅老店，坐喺吧枱前可以見到師傅熬煮食材，大家可以選擇自己想食嘅煮物。而網民推薦店內嘅懷舊豆腐飯，浸滿湯汁嘅滷豆腐加上肉汁嘅清甜味，非常香口！係一款地道而簡單嘅蓋飯。

Photo from Twitter

日本橋お多幸本店
地址：東京都中央区日本橋 2-2-3 お多幸ビル
營業時間：17:00～23:00（星期一至五），16:00～22:30（星期六、假日），星期日休息

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

日本旅遊｜東京Top 5高質壽司任食放題 100款壽司/每日新鮮運到/現場即叫即整

20 Apr 2023

日本人對食物講究，無論食咩都好都細心都極致，又點會估到原來壽司都有放題食？而且日本仲有好多間專門食壽司放題嘅餐廳，而且性價比極高！又平又新鮮！去日本唔再需要挨貴嘅高級餐廳啦！以下就嚟介紹5間東京必食嘅壽司放題餐廳一齊放心咁去食啦！

Photo from shutterstock

1）雛鮨

「雛鮨」係一間喺當地好出名嘅高級壽司放題連鎖店，已經有30幾年歷史，喺東京已經有六間分店，而且店家堅持每日漁獲由漁港新鮮到運，所有壽司更加由師傅現場即叫即整，有超過60種壽司食材，拖羅、油甘魚、海膽、甜蝦、三文魚籽、鯛魚等，總之講得出嘅都有！放題時間為120分鐘，重點係各種酒精飲料可以無限暢飲，價錢都唔過400蚊！女性食客定價為5,400円（約港幣315元），而男性食客定價則為5,700円（約港幣333元），由於大受當地人歡迎，記得要預約啊！

地址：104-0061 東京都中央區銀座4丁目1西銀座百貨店2F
電話：+81-3-3566-4077

Photo from 雛鮨@Facebook

2）築地玉寿司

全國擁有22間連鎖店嘅「築地玉寿司」，壽司種類超過30多款，包括海膽、吞拿魚、三文魚、鰤魚等等，而且佢哋仲係無限時壽司任食！不過大家要留意嘅係，並唔係每一間分店都有提供壽司放題，目前只有東急PLAZA澀谷店、Kotama Lumine EST店、淺草EKIMISE店、LUMINE立川店、Sushidama LUMINE橫濱店、橫濱港未來六間分店提供。而且每間分店收費亦有不同，女性定價由3,800日圓（港幣$224）起，男性則為4,900日圓（港幣$289）起。

Photo from 築地玉寿司

3）鮨アカデミー

「鮨アカデミー」由日本東京壽司學院營運，大部分師傅都係學院嘅畢業生，經歷過嚴格嘅訓練，喺銀座及新宿均設有分店，每日由豐洲新鮮採購海鮮，提供超過65種以上嘅壽司。午市與及晚市放題同樣係90分鐘。除咗壽司之外亦可以任食各款炸物、茶碗蒸、甜點等等，價錢由3,980日圓（港幣$233）起，可以話係絕對經濟又實惠！

地址：東京都中央區銀座 2-4-6 銀座 Velvia Hall 7F
電話：03-6228-6441

Photo from 鮨アカデミー

4）ぎんざまぐろや築地店

「ぎんざまぐろや」係高級壽司店，所有食材都由築地市場新鮮直送，平日係不設放題，但每逢星期六同公眾假期都會提供放題，因為星期日係休息日，可以清走食材保證新鮮。放題時間雖然係朝早11點開始，但店家朝早8點已經開放比客人填寫預約紙，不設電話預約，價格為女性4,000日圓（港幣$234），男性為4,500日圓（港幣$264），而且店入面只有20個位置，想食到高級壽司都唔係咁容易㗎！

地址：東京都中央区築地 6-8-10 1F
放題營業時間：星期六及公眾假期 11:00-17:00 （每位限時90分鐘，食材售完即止，只收現金）
休息日：星期日

Photo from ぎんざまぐろや築地店

5）絆魚壽司（きづなすし)

「絆魚壽司（きづなすし)」係由經營「鳥良」和「磯丸水產」企業旗下嘅餐廳，店內主打120分鐘內任食100款壽司，除咗壽司之外仲有味噌湯、沙拉、烤魚、其他特殊菜餚等等都包括在內，，但要留意嘅係店家分別於新宿歌舞伎町同秋葉原都有分店，而2間分店嘅價錢係唔一樣嘅，秋葉原分店只提供80種壽司，價錢相對比較平，女性為3,580日圓（港幣$210）起，男性為3,980日圓（港幣$233）起。而新宿歌舞伎町價錢為女性3,980日圓（港幣$233）起，男性4,380日圓（港幣$257）起。