李佳芯吊帶背心＋淡妝獲讚氣質脫俗！素顏完全唔似40歲

現年40歲嘅李佳芯（Ali）向來觀眾緣都好好，而且外貌比實際年齡後生唔少，絕對配得上「凍齡」一詞。Ali近日喺IG大晒著吊帶背心長裙嘅相片，獲網民大讚有氣質又有女人味，即使淡妝都仙氣爆燈！

Photo from 李佳芯IG

雖然最近Ali未有新作品出街，但佢主演嘅劇集口碑都唔錯，經歷「雪藏」風波後Ali主演嘅《有種好男人》依然被受關注，當時劇集被安排喺「炮灰檔」播出，Ali仍憑靚樣同演技挽回口碑。

Photo from 李佳芯IG

近日Ali喺IG分享近照，佢著上一條白色吊帶長裙，薄施脂粉已十分突出，Ali面向鏡頭露出微笑，並留言：「Reminder keep on smiling:)」

Photo from 李佳芯IG

唔少網友都大讚佢仙氣得嚟又有女人味！從照片可見Ali應該係淡妝上陣，但皮膚仍「白到發光」，睇落完全唔似已經40歲！其實Ali向來中意以淡妝示人，而網友亦普遍認為Ali適合淡妝多過濃妝。

Photo from 李佳芯IG

即睇更多人氣文章：
廣告銷售額最高KOL Top10！鄭秀文蟬聯榜首！呢位MIRROR成員吸金力最強！
日本旅遊｜東京Top 5高質壽司任食放題 100款壽司/每日新鮮運到/現場即叫即整

Photo from 李佳芯IG

除咗膚色夠白之外，Ali皮膚亦無咩瑕疵，高海寧曾經公開同Ali嘅合照，兩人同樣都係素顏，Ali無化眼妝雖然不及妝後有神，但同化上淡妝後嘅佢分別唔大。

Photo from 高海寧IG

之前劉曉彤曾經晒出圈中人合照，其中Ali亦係素顏出鏡，佢仲大方同劉曉彤面貼面自拍，Ali打扮十分青春，肌膚亦唔見有細紋，狀態極佳。

Photo from 劉曉彤IG

Photo from 劉曉彤IG

相關文章：Ali李佳芯20年前舊照出土！高達展任模特兒，藍色眼影超搶鏡

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

10件事重新認識李佳芯！破視后紀錄、醉心水墨畫、演狐狸精上位？

6 Jan 2023

視后李佳芯（Ali）入行18年，形象健康，觀眾緣極佳！最近播出嘅《有種好男人》Ali嘅演出大獲好評，即使被安排喺「炮灰檔」播出亦好好收視！而佢嘅感情生活亦一直備受關注，但其實大家有無真正了解Ali呢，以下帶你重新認識李佳芯！

Photo from Ali IG

#原名李嘉馨

Ali 2008年以「李嘉馨」呢個原名簽約有線電視，佢喺有線擔任體育主持，曾經採訪過北京奧運，之後開始主持有線電視娛樂台節目，傻大姐形象受頗受歡迎。

Photo from 李佳芯IG

#改名全因筆劃太硬？

改名做「李佳芯」原來都有段故，Ali曾有一段時間健康唔係咁好，佢嘅美術老師曾指「李嘉馨」三個字嘅筆畫對女人嚟講太「硬」，而「佳芯」同「嘉馨」兩個名嘅普通話讀音差唔多，適逢當時佢轉投新公司TVB，於是就用「李佳芯」呢個名，結果改咗名佢健康好返，而且喺TVB亦有唔少工作，新名對佢事展發展都有幫助。

Photo from 李佳芯IG

#演狐狸精上位

Ali一入TVB即獲安排主持資訊節目《學是學非》，成節目第一代「是非精」，不過喺佢拍劇越嚟越多後就退出咗。Ali於2014年嘅台慶劇《名門暗戰》中飾演岳華情婦余詩琳，劇中更有大膽演出，開始獲觀眾關注，之後佢喺唔同嘅劇集都有飾演過一啲風騷、勾人角色，被封為「御用狐狸精」！

Photo from 《名門暗戰》

#破視后紀錄

2012年轉投TVB嘅Ali好快獲力捧，於2016年憑《潮流教主》、《巨輪2》、《律政強人》、《學是學非》等劇集、節目，成功奪得「飛躍進步女藝員」，攞咗女飛躍僅過咗2年，佢即憑《BB來了》首奪2018年「最佳女主角」，創下奪得飛躍進步獎後封視后嘅最快紀錄！

Photo from 李佳芯IG

#曾經開店做老闆娘

Ali於2015年曾同朋友合資開舖，店名係「朴Park」，店舖集髮型屋、Workshop、時裝店、cafe於一身，不過後來佢已退股。

Photo from 李佳芯Facebook

#係台灣畫家胡凱評門生

原來Ali係台灣畫家胡凱評嘅學生，胡凱評曾旅居香港，對中西繪畫都有研究，而Ali興趣就係畫水墨畫！

Photo from 李佳芯IG

#曾開過畫展

醉心水墨畫嘅Ali修讀香港城市大學專上學院嘅視覺藝術副學士，亦曾同同學開過畫展～

Photo from 李佳芯IG

#出版過散文集

2020年Ali推出散文集《心之所往》，佢表示自己唔係作家，只係想記錄一啲事，透過新書講自己嘅內心世界。

Photo from 李佳芯IG

Photo from 李佳芯IG

#被封魔音

Ali拍劇就攞到視后證明自己，不過原來佢唱歌曾經被人笑！Ali之前喺商場出席活動時演唱Hebe嘅《小幸運》，但被封為「魔音」，之後更成為咗一個話題，不過佢後來上《流行經典50年》唱《幸運是我》，唱功獲讚大有進步，成功一雪前恥！

Photo from 李佳芯IG

即睇片：

#入行後與同劇合作對象零緋聞

Ali曾經同舞台劇演員陳炳銓拍拖，相戀以嚟一直被外間指係「美女與野獸」，但佢哋感情穩定，而Ali參演眾多劇集，就算喺劇中飾演第三者都未曾與同劇演員傳過緋聞！不過Ali回復單身後曾同「蟲草大王」陳恩德傳出緋聞，Ali更要發文澄清佢從未同對方發展任何關係。

Photo from 李佳芯IG

Photo from Ali IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）