17歲男愛上大26年失婚女教師 力追5年瘋狂告白 屢敗屢試終結為夫妻
師生戀一直以來被視為禁忌，有人對此反感，亦有人覺得浪漫，多年來備受爭議，這種關係一旦曝光即會引來聲討，面對眾多輿論壓力，大多數以失敗收場，不過隨著社會風氣愈來愈開放，現實亦出現不少師生戀的成功例子。最近一名22歲馬來西亞男子分享自己與48歲老師的愛情故事引起熱議，該男子力追老師多年成功打動對方，去年更修成正果結為夫妻。
Photo from Facebook
坦承初相識未想過發展師生戀
馬來西亞一位22歲男子Muhammad Danial近日在TikTok拍片分享自己的師生戀愛情故事，據悉他在2016年認識比自己大26年的中學老師Jamilah，當時Muhammad就讀中三，Jamilah是他的馬來語教師，他坦言初相識時覺得老師性格很好，但沒未想過自己將會被對方吸引，兩人一直維持普通師生關係。老師只教了他一年，升上中四換老師教後，雙方甚少接觸及聯絡，在校園見面最多也只會點頭問好。
Photo from Facebook
獲老師送生日祝福 鼓起勇氣表白
後來Muhammad升上中五，老師在他生日時送上祝福，自此兩人多了來往，關係逐漸變親近，Muhammad亦開始對老師產生好感，後來更鼓起勇氣向她表白，但對方以年齡差距及老師身份為理由拒絕了，及後更已讀不回存心回避Muhammad。不過Muhammad沒有因而放棄，用盡方法尋找老師的居所，希望找她當面對話，皇天不負有心人，Muhammad最終成功找到老師的家，並向對方深情告白，不過老師再果斷拒絕，認為這份感情太多不確性，未知能持續多久。
Photo from Facebook
5年屢敗屢試終打動老師結成夫妻
連續兩次表白被拒並沒有打擊到Muhammad，他屢敗屢試對老師展開瘋狂追求，最終成功打動對方，經歷5年追求及相戀，現年22歲的Muhammad與48的Jamilah去年11月拉埋天窗，雙方家人亦對這段關係給予祝福。據指二人原本打算於2019-2020年結婚，但受疫情影響，計劃延後至去年才實行，他們在哥打丁宜區的清真寺舉辦了一場小型婚禮，邀請了家人及好友出席。
Photo from abgcaltex3 TikTok
Photo from abgcaltex3 TikTok
老師曾經歷失婚 欣賞男方的真誠及坦白
Muhammad慶幸自己能在年輕時找到終身伴侶，不擔心年齡差距會影響夫妻關係，直言：「年齡只是數字」，又承諾會盡力做一個負責任的好老公。據外媒報道，老師Jamilah原來於2007年經歷離婚，自此她專注工作沒有考慮感情事，即使有人想了解她更多，她都將對方拒於門外，但Muhammad的出現令她想法改變，她大讚對方有自信及態度真誠，由始至終都沒有向家人隱瞞這段關係，坦言這是她接受男方求婚的原因。
Photo from Facebook
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
38歲男與74歲婦人共譜忘年戀！訂婚後先知道女方年齡：對佢一見鍾情！
16 Dec 2021
唔知大家又認唔認同「愛情係唔會受年齡所限制」呢句話呢？！韓國一對相差36年嘅「忘年戀」情侶，因為年齡差距而受到網民們嘅關注！佢哋仲一齊開設自己嘅頻道，成為YouTuber，成功吸引唔少網民嘅目光，但亦有網民認為佢哋兩人只係逢場作戲，為咗炒熱話題賺錢！
Photo from Youtube「a loving couple」
# 相差36歲戀情！
韓國一對相差36年嘅「婆孫戀」上年就以情侶檔開設自己嘅YouTube 頻道「a loving couple」，瞬間吸引到網民們嘅關注！兩人關係甜蜜，而男方亦公開表示完全唔介意女方年紀大，仲公開放閃話「無論佢幾多歲都好，喺我心目中都係最靚嘅！」
Photo from Youtube「a loving couple」
Photo from Youtube「a loving couple」
# 兩人透過拍攝YouTube公開戀情！
現年74歲嘅玉順子以及38歲嘅全東基喺2020年8月透過拍攝YouTube影片，向大眾公開戀情，兩人第一支影片就成功吸引逾77萬人觀看！根據影片所講，男方對玉順子一見鍾情，兩人已經交往8年，並決定要訂婚並同居。
Photo from Youtube「a loving couple」
Photo from Youtube「a loving couple」
# 女方曾謊報年齡？！
不過喺第一支影片曝光後，有網民隨即踢爆玉順子謊報年齡，當時嘅佢自稱63歲，足足比實際年齡差咗10歲咁多！而男方就喺直播中透露，當時謊報年齡係因為害怕女友年齡會被嫌棄；而且玉順子喺初初認識佢嘅時候都自稱63歲，直到訂婚當晚，佢同女友拖手時覺得「皮膚觸感唔啱」，女友先將自己真實年齡話佢知道，但依然冇影響兩人間嘅愛！
Photo from Youtube「a loving couple」
# 兩人已經結婚？！
據悉，兩人公開戀情嘅時候就已經展開同居生活，但就礙於經濟能力問題而遲遲未有結婚，男方曾經承諾「一有能力就會立刻同玉順子結婚」，但暫時都未能知道兩人是否已經正式成為夫妻。而佢哋都同好多夫妻一樣，希望能夠擁有自己嘅小朋友。由於玉順子年紀比較大，所以兩人都曾經試過唔同嘅方式，可惜都失敗吿終！
Photo from Youtube「a loving couple」
# 感情遭受韓國網民質疑！
雖然兩人嘅感情看似甜蜜，不過佢哋都經歷咗好多爭議，受到唔少網民嘅質疑，好多人都覺得兩人只係「工作拍檔」，因為兩人都似乎對拍攝影片以及置入廣告嘅流程非常熟悉;而且眼利嘅網民亦發現佢哋嘅「情侶照片」都係近期拍攝。另外，傳佢哋曾經喺上綜藝節目嘅時候，因為忘記關mic而曝光兩人私底下嘅對話「忍多3個月，就賺夠錢！」，令網民們對於佢哋兩人嘅感情更加懷疑！
Photo from Youtube「a loving couple」
# 至今依然持續經營YouTube頻道！
直到而家，兩人都依然有持續經營YouTube 頻道，經常都會上載「吃播」影片，分享佢哋溫馨幸福嘅日常生活俾大家睇！截止而家，有網民依然認為佢哋「做戲」，但亦有網民表示真心獻上祝福。
Photo from Youtube「a loving couple」
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
19歲護理員與89歲老翁譜忘年戀！結婚不足一年新娘現形 望認知障礙老公早日離世繼承遺產
16 Apr , 2021
美國有一位19歲護理員Olivia Stone喺護理院照顧89歲院友Lee Hopkins，兩人漸生情愫竟譜出爺孫戀，點知女方結婚後被友人爆出佢只為得到對方家產，被網友怒轟！
Photo from Olivia Stone Twitter
美國一位患認知障礙症嘅老伯伯Lee Hopkins，因為妻子車禍身亡搬入護理院居住，點知竟然同相差70年、年僅19歲嘅護理員Olivia Stone擦出愛火，共譜忘年戀。
據知Olivia其實並非全職護理人，只係負責餵Lee食藥，估唔到兩人互生情愫，最後更結婚成夫婦。
Photo from Olivia Stone Twitter
當時Olivia聲稱佢絕對唔係貪圖Lee嘅財產，而係為咗「真愛」而決意結婚，更喺Twitter晒出多張恩愛合照。
Photo from Olivia Stone Twitter
但好快佢就露出「真面目」，Olivia同Lee結婚無幾耐，Olivia嘅朋友就爆出佢哋嘅對話記錄，Olivia之所以會嫁畀Lee係因為「我會成為唯一財產繼承人」。
Photo from Twitter
Olivia仲多次喺Twitter嘲諷Lee：「成為寡婦嘅日子就到喇！可能會喺30歲之前，離嗰日越嚟越近！」、「佢（Lee）可能會喺聖誕節之前死」。
Photo from Olivia Stone Twitter
Olivia甚至直接對男網友講：「如果我做咗寡婦，你仲想唔想要我？」，大批網友認為Olivia純粹呃錢，湧入佢Twitter留言鬧爆，而Olivia見群情洶湧，唯有關閉Twitter帳號。
Photo from Olivia Stone Twitter
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
