日本妹初次來港旅遊，直言條街有屎味！遊覽多個熱門景點最愛香港呢樣嘢？

時事熱話

By Jennifer on 09 May 2023

Digital Editor

今晚食乜餸：小二，嚟一碟花生！

近日一位日本YouTuber「ふじわらのみい」來港旅遊並拍攝旅行vlog。佢表示喺街上聞到一陣動物園糞便味！佢又去咗多個熱門景點，並搭咗地鐵、雙層巴士、渡海小輪、電車等交通工具，掀起網民熱議。

Photo from ふじわらのみい YouTube

開關以嚟有好多內地旅客來港，並喺小紅書分享旅遊經歷。除咗內地遊客之外，亦有唔少外國旅客來港，其中一位日本YouTuber「ふじわらのみい」近日就嚟咗香港並拍攝影片，日前佢嘅vlog喺YouTube公開，引起網民關注。

Photo from ふじわらのみい YouTube

首先因為第一日飲多咗，ふじわらのみい唔係幾舒服，佢第二日就落街買咗止痛藥，而且佢係去日本過江龍藥妝店「松本清」購買。之後佢就去咗一間茶餐廳食lunch，ふじわらのみい嗌咗一碗雜丸麵，佢提到呢碗麵售價約為800日圓，直言有啲貴，不過嚟咗香港幾日已漸漸習慣香港嘅物價。

Photo from ふじわらのみい YouTube

食完飯佢就出門，佢表示今日係假日所以街上有好多人，然後突然皺眉，並指條街有一種動物園嘅糞便味道！ふじわらのみい喺尖沙咀搭地鐵去佐敦廟街，佢形容旺角嘅女人街適合女生行，而廟街則係「男人街」。

Photo from ふじわらのみい YouTube

Photo from ふじわらのみい IG

之後ふじわらのみい乘搭雙層巴士，佢話感覺好似坐喺大象上咁，風景好好但太過搖晃令佢暈車。落車後佢就搭天星小輪過海去中環，佢又搭埋電車去鰂魚涌打卡勝地海山樓。

Photo from ふじわらのみい YouTube

Photo from ふじわらのみい IG

Photo from ふじわらのみい YouTube

Photo from ふじわらのみい IG

晚上ふじわらのみい搭山頂纜車睇夜景，除咗拍vlog外，佢亦有喺IG公開打卡照，又大讚香港夜景，表示電費價值100萬美元！唔少日本網民留言大讚香港夜景真係好靚，而ふじわらのみい則表示認同：「美極了！」從佢嘅IG Story嚟睇，佢離開香港後就去咗澳門繼續旅行。

Photo from ふじわらのみい YouTube

Photo from ふじわらのみい IG

ふじわらのみい去咗好多熱門嘅旅遊景點，香港網民就最關注佢所講嘅「屎味」，有人認為佢住喺尖沙咀：「近海旁係真係會成陣屎味」，亦有網友指成條vlog片長成45分鐘，話有屎味都係一句：「呢句都係隨口噏下啫」

Photo from LIHKG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

內地小紅書吹棒5大香港美食！富豪雪糕/紅茶冰室/肥姐小食店

3 May 2023

內地自從同香港通關之後，本港近日街上的遊客人數好像已經回到疫情前般繁榮，而且近年不少內地年輕人都愛跟足「小紅書」的旅遊攻略到處觀光打卡，導致一些很多本地人視為日常的食店與及一些無法理解的餐廳或美食大排長龍，以下就綜合了5大「小紅書」中的「香港必食之處」，一齊研究一下！

1）紅茶冰室

有留意到的本地居民都知道最近一到假日茶餐廳就會大排長龍，而當中最誇張的莫過於「紅茶冰室」，而「香港茶餐廳及美食關注組」Facebook群組亦有網民拍下人龍的盛況，更笑指將快打破澳牛的紀錄，而且在「小紅書」上更被號稱為「最好吃的香港茶餐廳」，當中的「菠蘿油」更被內地網民熱棒！沙嗲牛肉麵跟其他小炒類都被大讚，另外奶茶更被指非常出色。

Photo from 小紅書

Photo from 「香港茶餐廳及美食關注組」Facebook

2）Bakehouse

由香港四季酒店前糕點總廚創辦的Bakehouse自2018年開店已經大受港人歡迎，但近年消息被傳到去「小紅書」令內地遊客每次來港都要前往「朝聖」，人氣一直有增無減，更大讚Bakehouse的麵包新鮮鬆軟，而且最出色的招牌蛋撻更加又脆又酥，內餡焦香濃郁，更指來港不吃Bakehouse蛋撻等於白行一趟這麼誇張！