[小編試食]麻辣小食殺到香港！旺角地鐵站超惹味麻辣小食～送啤酒一流～每日好早賣完！

相信唔少人都係麻辣控，鍾意食麻辣小食，係大陸有八千幾間分店既「絕味」，可以話係麻辣小食既龍頭大哥，終於來到香港開店啦，每日都好早就賣完！麻辣小食有好多種口味，鍾意食素或者食肉既朋友都滿足到！

食用非常方便，一打開就食得！小食係用左秘製醬汁加上藥膳食譜，滷汁濃郁入味，一開就有一陣麻辣既香味撲鼻而來！

小食種類都幾多，除左有鴨脖、鴨舌、鴨肫及鴨掌等，仲有毛豆、蓮藕、魚腐、腐竹同埋海帶等等。

傳統鴨類產品鴨脖、鴨舌、鴨肫同埋鴨掌都係招牌小食。

香港人最鍾意啖啖肉，仲有鴨翼，食落比較乾身，好惹味，要來送啤酒一流呀～！

鴨肫爽口彈牙，味道醇厚滋味，香、辣、麻味道適中，香味仲會係舌間停留一段時間～

素菜方面，蓮藕好爽脆，腐竹好入味，小編覺得食落比肉類更加辣，麻辣程度都幾犀利，鍾意食辣既朋友一定要試下啦！

絕味 Juiwei

分店: 旺角地鐵站25 號舖
荃灣大河道22號榮安大廈地下C1鋪