So Ching退團｜MIRROR紅館意外後回應整合，網民不滿成員出席記者會「受靶」

By Wing Ws on 10 May 2023

Digital Content Writer

阿Mo女友So Ching今日下午宣布退團，而COLLAR成員聯同經理人同日召開記者會交代事件，MIRROR紅館演唱員意外發展至今，除調查進度，So Ching嘅狀況亦受到關注，以下亦整合部分時間線，為大家釐清事件。

Photo from So Ching IG

So Ching發文宣布退出COLLAR

去年7月28日MIRROR紅館演唱會發生墜屏事故，導致舞蹈員李啟言（阿Mo）嚴重受傷，事件至今約10個月，今日（10日），阿Mo女友蘇芷晴(So Ching)宣布退出COLLAR，So Ching下午於社交平台出post稱：「當天留下的創傷一直無法被療癒」，雖然呢段時間仍有參與團隊活動，但呢一刻So Ching「仍未能完全適應幕前工作」，因此經過考慮及商討後，So Ching最終決定退出COLLAR。

Photo from So Ching IG

MakerVille開記招宣布「COLLAR最新動向」

經理人戴穎稱：「公司同我哋都非常之尊重佢(So Ching)嘅呢個決定，喺未來嘅日子，我同團隊會一直同COLLAR一齊行落去亦都會祝福So Ching佢搵到自己嘅方向」，COLLAR隊長阿Gao表示呢段日子見到So Ching「好努力咁去嘗試平衡佢嘅各方面，包括重新踏上舞台嘅生活」，希望大家畀So Ching空間重新出發，並完全支持So Ching嘅決定，而COLLAR會以7人為團隊繼續發展，唔會加入新成員。

Photo from Instagram @6y_day

記者會成員回應引議

去到記者提問環節，有記者問到成員Winka早前提到嘅「8-1=0」，Winka表示：「呢個說法係我自己好想畀一個力量So Ching，話俾SoChing聽，我哋之後嘅團歌，或者新作品，會好想等佢返嚟先做，但係佢而家有呢一個決定，我哋係一定要尊重」又表示「8-1=0」即而家係「歸零」：「所以我哋重新出發！希望大家會繼續支持我地嘅作品。」問到So Ching同MakerVille嘅合約，戴穎表示，合約上嘅細節唔方便透露，暫時仍與So Ching商討中。不過記者會就引嚟唔少網民批評，直斥ViuTV推COLLAR成員出嚟「受靶」面對傳媒提問，而唔係由經理人答。

Photo from 連登討論區

So Ching回應整合

意外發生後，So Ching一直照顧男友，未有露面，但社交平台上仍不時更新動態，包括對男友嘅掛念及打氣，以及跟進男友嘅康復進展，意外發生後，有網民發現So Ching已取消追蹤公司MakerVille、ViuTV、花姐、魯生、排舞總監Rock Sir及MIRROR成員等IG帳號，事發後半個月，So Ching轉發咗針對「舞台環境、表演者薪金以及安全 VIU低成本樣式速食」嘅文章，疑將矛頭指向公司。

Photo from So Ching IG

MIRROR成員於意外後3個月陸續復工，So Ching曾於12子復工受訪當日post story：「世界變了樣」、「Huh？」，被指暗諷教主Anson Lo對記者嘅回應及調查報告。

Photo from So Ching IG

意外發生5個月，So Ching首次歸隊，COLLAR全員出席1月1日晚嘅《叱咤樂壇流行榜頒獎典禮》，表示與男友都覺得要有自己嘅工作，亦唔想辜負成員及fans。

Photo from 商業電台 Hong Kong Toolbar YouTube

3月與成員Winka嘅小型演唱會中，So Ching揀咗MC張天賦嘅《小心地滑》，引起外界猜測當中嘅含義，So Ching其後於社交平台中貼出歌詞意思，解釋選曲原因：「呢首歌係原本一個好善良嘅人，好相信善有善報、惡有惡報，然後開始見到啲人都冇得到應有嘅報應，個人由好變到Dark。」

Photo from So Ching IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

MIRROR演唱會︳受傷舞蹈員阿Mo與女友So Ching感情超好！幫手伴舞/送手寫信

29 Jul 2022

MIRROR演唱會大螢幕倒下，壓到台上嘅Dancer，其中一位受傷舞蹈員Mo（李啟言）需留醫深切治療部，唔少網民為佢哋集氣。阿MO係COLLAR成員So Ching（蘇芷晴）男友，兩人一直不避嫌大方認愛，阿MO更係超錫女朋友！

Photo from 阿MO IG

事件發生後，So Ching亦有去醫院探望男友，兩人嘅IG都獲大批網民留言為佢哋打氣。阿MO有豐富嘅舞台經驗，更多次參與Anson Lo嘅伴舞工作。

Photo from So Ching IG

Photo from 阿MO IG

阿MO曾參加《全民造星》第一季，多次與Anson Lo合作

阿MO同教主喺大學時期已經相識，兩人都對舞蹈好有熱誠，佢哋都有報名參加《全民造星》第一季，雖然阿MO喺55強就被淘汰，但佢之後仍繼續舞蹈事業，更成為MIRROR御用Dancer，又同教主多次合作，佢哋關係要好，喺阿MO嘅IG有唔少合照。

Photo from ViuTV

Photo from 阿MO IG

阿MO大讚Anson Lo：「這個男人！會唔會太叻仔?響我眼中佢一直以來都好清楚自己想要嘅野成日有人問我佢係一個點既人，我通常都會答：超人」指教主次次拍mv幾十個鐘唔食嘢但仲跳得大力過佢哋。

Photo from 阿MO IG

阿MO為女友So Ching排舞

除咗同MIRROR關係密切之外，同門嘅COLLAR亦與阿MO十分有淵源，成員So Ching與阿MO係戀人關係，即使So Ching以女團成員身份出道，兩人都不避嫌大方認愛。So Ching同阿MO都係舞蹈員，彼此都好了解大家工作，更會互相扶持。

Photo from 阿MO IG

Photo from So Ching IG

So Ching參加《全民造星IV》阿MO都非常支持，第一輪個人對決中So Ching嘅長櫈獨舞就係由阿MO幫手編排，喺總決賽當日阿MO更為女友策劃成個solo表演、幫手排舞、揾衫襯衫，仲親自做埋伴舞，阿MO喺IG為女友打氣：「真心很喜歡她當晚的表現！最鍾愛從容不逼的態度，然後聲音真的超出預期地好聽，已被招粉」